TAIT Exam Marathi: शिक्षक भरतीसाठी टेट परीक्षा जाहीर, ऑनलाईन पद्धतीने भरा अर्ज, जाणून परीक्षेचा पॅटर्न

शिक्षक भरतीसाठी TAITपरीक्षा जाहीर; ऑनलाईन पद्धतीने भरा अर्ज  |  फोटो सौजन्य: Times Now

TAIT Exam News in Marathi:  TAIT परीक्षेची वाट पाहणाऱ्या डीएड, बीएडच्या विद्यार्थ्यांसाठी खूशखबर आहे. TAIT (Maha TAIT Exam 2023) परीक्षेची घोषणा करण्यात आली असून ऑनलाईन पद्धतीने अर्ज मागविण्यात आले आहेत.  गेल्या पाच वर्षात ही परीक्षा घेण्यात आली नव्हती. आता  या परीक्षेची घोषणा झाल्याने उमेदवारांसाठी मोठी आनंदाची बातमी आहे. शिक्षक अभियोग्यता बुद्धिमत्ता चाचणी परीक्षा (Maharashtra Teacher Aptitude and Intelligence Test) महाराष्ट्र राज्य परीक्षा परिषदेकडून घेण्यात येत आहे.   (TAIT Exam: TATE Exam Announced for Teacher Recruitment, Apply Online)
अधिक वाचा  : मध्य महाराष्ट्रसह मराठवाड्यात अवकाळी पाऊस पडण्याची शक्यता

शिक्षक अभियोग्यता व बुद्धिमत्ता चाचणी (TAIT) 2022 जाहीर करण्यात आली आहे. महाराष्ट्र राज्यातील सर्व स्थानिक स्वराज्य संस्था आणि खासगी व्यवस्थापनाच्या शाळांमध्ये 'पवित्र' या संगणकीय प्रणालीव्दारे शिक्षक भरती करीता शिक्षक अभियोग्यता व बुध्दीमत्ता चाचणी (TAIT)- 2023 या परीक्षेचे ऑनलाईन पध्दतीने आयोजन करण्यात आले आहे. 

अधिक वाचा  : आसाराम बापू बलात्कार प्रकरणात दोषी

खर तर पहिली परीक्षेनंतर दुसरी परीक्षा सहा महिन्याने व्हायला पाहिजे आणि त्यानंतर चार महिन्याने परीक्षा होणे आवश्यक होते. मात्र, आज ही दुसरी TAIT जाहीर झाली आहे. ही परीक्षा घेण्यात यावी या मागणीसाठी युवाशाही संघटना  पाठपुरावा करत होती. संघटनेने मुंबईत जलसमाधी आंदोलनाचा इशारा देखील दिला होता.

अधिक वाचा  : पोलिसांचा तणाव दूर करतात रफी अन् लता दिदी; वाढली कार्यक्षमता

अर्ज भरताना घ्या ही काळजी 

• अर्ज भरताना परिक्षार्थीनी इयत्ता 10 वी, इयत्ता 12 वी, पदविका, पदवी आदी शैक्षणिक आणि व्यावसायिक पात्रता तसेच दिव्यांगत्व, राखीव प्रवर्गाचे असल्यास त्याबाबतची माहिती मूळ प्रमाणपत्रावरुनच भरावी.
• स्कॅन केलेला अद्ययावत रंगीत फोटो, स्वाक्षरी, डाव्या हाताच्या अंगठयाची निशाणी व स्व- हस्ताक्षरातील प्रतिज्ञापत्र ऑनलाईन आवेदनपत्रात अपलोड करणे आवश्यक आहे.
• परीक्षेचे माध्यम, अभ्यासक्रम, पात्रता, अर्ज करण्याची कार्यपध्दती आणि कालावधी याबाबतची अधिसूचना महाराष्ट्र राज्य परीक्षा परिषदेच्या www.mscepune.in या संकेतस्थळावर उपलब्ध आहे.
• या परीक्षेला आणि पुढील कार्यवाहीसाठी उमेदवारांशी SMS, Email व्दारे संपर्क होऊ करण्यात येणार आहे. त्यामुळे उमेदवारांनी स्वतःचा भ्रमणध्वनी क्रमांक व Email ID अचूक द्यावा, असे आवाहन करण्यात आले आहे.
• ऑनलाईन आवेदनपत्रासोबत कोणत्याही प्रमाणपत्रांच्या प्रती जोडण्याची आवश्यकता नाही. मूळ प्रमाणपत्राच्या पडताळणीस अधीन राहून उमेदवारांना परिक्षेस तात्पुरता प्रवेश दिला जाईल व निकाल घोषीत केला जाईल. 
• ऑनलाईन आवेदनपत्रामध्ये भरलेल्या माहितीत व मूळ प्रमाणपत्रांमध्ये तफावत आढळून आल्यास कोणत्याही स्तरावर उमेदवारी रद्द केली जाईल.

TAIT Exam चे वेळापत्रक

• ऑनलाईन अर्ज सादर करण्याचा कालावधी - 31 जानेवारी 2023 ते 8 फेब्रुवारी 2023 
• परीक्षा शुल्क भरण्यासाठी कालावधी - 8 फेब्रुवारी 2023 रात्री 11. 59 पर्यंत
• प्रवेशपत्र ऑनलाईन मिळण्याचा कालावधी - 15 फेब्रुवारीपासून 2023 पासून
• ऑनलाईन परीक्षा तारखा - 22 फेब्रुवारीपासून ते 3 मार्चपर्यंत ( उमेदवार संख्येनुसार व उपलब्ध भौतिक सुविधानुसार बदल होण्याची शक्यता आहे.)

परीक्षा पॅटर्न MahaTAIT Exam Pattern 2023 

• परीक्षेत एकूण 200 प्रश्न विचारल्या जातील
• परीक्षा एकूण 200 गुणांची असेल
• परीक्षेचा कालावधी 120 मिनिटे (2 तास) असेल.
• परीक्षेत Negative Marking राहणार नाही

Aptitude (अभियोग्यता)    साठी 120 प्रश्न असतील आणि त्याला 120 मार्क असतील. तर Intelligence (बुध्दिमत्ता)    साठी 80    प्रश्न असेल आणि प्रत्येक प्रश्नासाठी एक मार्क असेल म्हणजेच 80 गुण असतील. या दोघ प्रकारचे प्रश्न मिळून परीक्षा 200 मार्कसाठी होईल. शासन निर्णयात Aptitude (अभियोग्यता) आणि Intelligence (बुध्दिमत्ता) हे मुख्य विषय देण्यात आले आहे तरी यात प्रामुख्याने मराठी भाषा, इंग्रजी भाषा, सामान्य ज्ञान, बालमानासशास्त्र व अध्यापन शास्त्र, गणित व बुद्धिमत्ता या विषयाचा समावेश आहे. 

बातमीची भावकी

Maharashtra SSC exam time table 2023: दहावी, बारावीच्या परीक्षेचे अंतिम वेळापत्रक जाहीर, पाहा संपूर्ण वेळापत्रक

MPSC Recruitment 2023: MPSC कडून मेगाभरती; 8169 पदांसाठी होणार भरती प्रक्रिया, वाचा कोणत्या पदासाठी आणि वेतन किती

HSC Exam Hall Ticket 2023 : बारावी परीक्षेचे हाॅल तिकीट उपलब्ध, या वेबसाइटवरून त्वरित डाउनलोड करा

यात इंग्रजी भाषेसाठी प्रश्न 15 असतील आणि गुण 15. मराठी भाषेसाठीही 15 प्रश्न विचारले जातील.  सामान्य ज्ञानाचे 30 प्रश्न असतील प्रत्येक प्रश्नाला एक गुण देण्यात येईल. बालमानासशास्त्र व अध्यापन शास्त्रासाठी  (Child Psychology and Pedagogy)30 प्रश्न असतील. अंकगणित (Quantitative  Aptitude) साठी 30 प्रश्न असतील.