CM Uddhav Thackeray: राज्यात लॉकडाऊन लावणार का? पाहा मुख्यमंत्री काय म्हणाले...

मुंबई
सुनिल देसले
Updated Feb 21, 2021 | 19:43 IST

CM Uddhav Thackeray interaction live:  मुख्यमंत्री उद्धव ठाकरे राज्यातील जनतेशी संवाद साधला आहे. पाहूयात मुख्यमंत्री कुठल्या मुद्द्यांवर भाष्य केलं आहे.

CM Uddhav Thackeray
मुख्यमंत्री उद्धव ठाकरे   |  फोटो सौजन्य: YouTube

थोडं पण कामाचं

  • मास्क घाला, लॉकडाऊन टाळा
  • वर्क फ्रॉम होमला प्राधान्य द्या; ऑफिसच्या वेळांची विभागणी करा, मुख्यमंत्र्यांचे आवाहन
  • राज्यात धार्मिक कार्यक्रम, राजकीय कार्यक्रम, सामाजिक कार्यक्रमांना काही दिवस बंदी

मुंबई : गेल्या काही दिवसांपासून राज्यातील अनेक जिल्ह्यांत कोरोना (Coronavirus) बाधितांच्या संख्येत वाढ पहायला मिळत आहे. अमरावती (Amaravati), वर्धा (Wardha), यवतमाळ (Yavatmal)मध्ये स्थानिक प्रशासनाकडून अनेक निर्बंध लावण्यात आले आहेत. मुंबई महानगरपालिकेकडूनही (BMC) कोरोनाचा प्रादुर्भाव रोखण्यासाठी नव्याने मार्गदर्शक सूचना जाहीर केल्या आहेत. त्याअंतर्गत कुठल्याही निवासी इमारतीत ५ पेक्षा जास्त सक्रिय रुग्ण आढळल्यास इमारत प्रतिबंधित (सील) करण्यात येत आहे. तर पुण्यात नाईट कर्फ्यू लावण्यात आला असून शाळा, कॉलेजेस २८ फेब्रुवारीपर्यंत बंद ठेवण्यात आले आहेत. त्याच दरम्यान आता मुख्यमंत्री उद्धव ठाकरे जनतेला संबोधित केलं. यावेळी मुख्यमंत्र्यांनी सर्व नागरिकांना नियमांचे पालन करण्याचे आणि शिस्त पाळण्याचे आवाहन केले आहे. तसेच पुढील आठ दिवसांत परिस्थिती पाहून लॉकडाऊन संदर्भात निर्णय घेण्यात येणार असल्याचंही मुख्यमंत्री म्हणाले.

लॉकडाऊन बाबत मुख्यमंत्री काय म्हणाले?

मुख्यमंत्री उद्धव ठाकरे म्हणाले, "राज्यात लॉकडाऊन करायचा का? हा प्रश्न मी तुम्हाला विचारतोय. या प्रश्नाचं उत्तर मी पुढील आठ दिवस तुमच्याकडून घेणार. मी पाहणार ज्यांना लॉकडाऊन नको असेल ते नागरिक मास्क घालतील, सोशल डिस्टंन्सिंगच्या नियमांचे पालन करतील आणि ज्यांंना लॉकडाऊन लावायचा असेल ते नियमांचे पालन करणार नाहीत."

मुख्यमंत्री उद्धव ठाकरे यांनी जनतेसोबत साधलेला संवाद

मुख्यमंत्री उद्धव ठाकरे यांच्या संबोधनातील महत्वाचे मुद्दे

  1. लॉकडाऊन लावण्याबाबत ८ दिवसांचं अल्टिमेटम
  2. मास्क घाला, लॉकडाऊन टाळा
  3. माझे कुटुंब माझी जबाबदारी या मोहिमेप्रमाणे आता मी जबाबदार ही मोहिम राबवूया, मुख्यमंत्र्यांकडून 'मी जबाबदार' मोहिमेची घोषणा
  4. वर्क फ्रॉम होमला प्राधान्य द्या
  5. ऑफिसच्या वेळांची विभागणी करा, मुख्यमंत्र्यांचे आवाहन
  6. आपण पक्ष वाढवूया, पण कोरोना नको
  7. गर्दी करणाऱ्या आंदोलनांना काही दिवस बंदी
  8. राज्यात धार्मिक कार्यक्रम, राजकीय कार्यक्रम, सामाजिक कार्यक्रमांना काही दिवस बंदी
  9. शासकीय कार्यक्रम व्हिडिओ कॉन्फरन्सिंगद्वारे पुन्हा एकदा सुरू करण्यास सुरुवात करत आहोत
  10. अचानक लॉकडाऊन लावणं आणि अचानक लॉकडाऊन उघडणं हे सुद्धा घातक आहे
  11. राज्यात कोरोना बाधितांची होणारी वाढ ही चिंताजनक 
  12. राज्यात दररोज कोरोना बाधितांच्या संख्येत वाढ होतेय
  13. मंत्रिमंडळातील सदस्य जे अहोरात्र मेहनत करत आहेत ते आता कोविड पॉझिटिव्ह होऊ लागले आहेत
  14. कोविड योद्ध्यांचं बलिदान व्यर्थ जाऊ देऊ नका
  15. अर्थचक्र फिरायला लागल्यावर कोरोना वाढला
  16. कोरोना असतानाही राज्याचा विकास 
  17. लॉकडाऊन नको असेल तर शिस्त पाळणं गरजेचं
  18. मास्क न वापरणाऱ्यांवर कारवाई होणारच
  19. नियम मोडल्यास हॉटेल, हॉल चालकांवर कडक कारवाई
  20. कोविड संदर्भातील नियमांचे पालन करावेच लागेल
  21. आता पुन्हा काही बंधनं आणण्याची गरज
  22. संसर्गाची साखळी तोडायची असेल तर एकत्र येणं, गर्दी करणं टाळा
  23. पाश्चिमात्य देशांमध्ये लॉकडाऊन करण्याची वेळ आली
  24. पाश्चिमात्य देशांतही शिथीलता आल्यावर कोरोना वाढला
  25. सर्वांनी मास्क घातलाच पाहिजे
  26. कोरोनाच्या काळात शिस्त मोडू नका
  27. मधल्या काळात आपल्यामध्ये शिथीलता आली
  28. राज्यात कोरोना पुन्हा डोकं वर काढतोय
  29. घरात बंद करुन ठेवणं कुणालाही आवडणार नाही
  30. कोरोना विरुद्धच्या लढाईत आपला मास्क हीच आपली ढाल आहे
  31. त्यानंतर जनतेसाठी लसीकरणाचा कार्यक्रम सुरू करणार
  32. आणखी एक दोन कंपन्या येत्या काळात लस उपलब्ध करुन देणार
  33. लसीकरणाचे कुठलेही साईड इफेक्ट्स नाहीत
  34. आतापर्यंत राज्यात ९ लाखांच्या आसपास लसीकरण
  35. सर्व कोरोना योद्ध्यांनी लसीकरण करुन घ्यावं
  36. आपण सर्वचजण कोरोना विरुद्धची लढाई लढत आहोत
  37. महाराष्ट्र कोरोना विरुद्धची लढाई करतोय
  38. मुख्यमंत्री उद्धव ठाकरे यांचे संबोधन सुरू

महाराष्ट्रातील कुठल्या जिल्ह्यात काय स्थिती?

अमरावतीमध्ये एका आठवड्याचा लॉकडाऊन

अमरावतीलमध्ये कोरोना बाधितांची वाढती संख्या लक्षात घेता आणि कोरोना विषाणूची साखळी मोडण्यासाठी अमरावती शहरासह अचलपूरमध्ये एका आठवड्याचा लॉकडाऊन लागू करण्यात आला आहे. अमरावतीच्या पालकमंत्री यशोमती ठाकूर यांनी ही माहिती दिली आहे. 

अमरावतीच्या पालकमंत्री यशोमती ठाकूर म्हणाल्या, "अमरावती जिल्हा तसेच शहरामध्ये गत काही दिवसांपासून कोरोनाच्या रुग्णसंख्येत सातत्याने वाढ होत आहे. ही बाब अतिशय गंभीर आहे. कोरोनाचा प्रादुर्भाव रोखण्यासाठी महानगरपालिका, आरोग्य विभाग आणि पोलीस प्रशासनाने संयुक्तरित्या लक्ष केंद्रित करुन कार्यवाही करावी. तसेच नागरिकांनी सुद्धा जिल्हा प्रशासनाने घालून दिलेल्या नियमांचे काटेकोरपणे पालन करावे असे निर्देश आज घेतलेल्या जिल्ह्यातील अधिकाऱ्यांच्या बैठकीत दिले."

पुण्यात नाईट कर्फ्यू, शाळा-कॉलेजेस बंद 

पुण्यात कोरोनाचा वाढता प्रादुर्भाव लक्षात घेता सोमवार (२२ फेब्रुवारी २०२१) पासून रात्री ११ ते सकाळी ६ वाजेपर्यंत संचारबंदी लागू करण्यात आली आहे. हॉटेल, बार रात्री ११ पर्यंतच सुरू राहतील. संचारबंदीत वृत्तपत्र, दूध, भाजीपाला, फळे, औषधे या अत्यावश्यक सेवांना सूट देण्यात आली आहे. तर शाळा कॉलेजेस २८ फेब्रुवारीपर्यंत बंद ठेवण्याचा निर्णय घेण्यात आला आहे. 

महत्वाचे मुद्दे

  1. जिल्ह्यात लॉकडाऊन नाही मात्र, नियमांची कडक अंमलबजावणी 
  2. २०० व्यक्तींच्या मर्यादेत लग्न समारंभ, कौटुंबिक आणि राजकीय कार्यक्रम
  3. रात्री ११ ते सकाळी ६ वाजेपर्यंत नियंत्रित संचाराची अंमलबजावणी (अत्यावश्यक सेवा - वृत्तपत्र, दूध, भाजीपाला, फळे, औषधे वगळून) 
  4. हॉटस्पॉट क्षेत्रावर अधिक लक्ष केंद्रित करणार  
  5. मायक्रो कंटेन्मेंट झोन तयार करुन उपाययोजना प्रभावीपणे राबवण्याचे निर्देश
  6. जिल्ह्यात कोविड केअर सेंटर सुरू करणार
  7. नमुना तपासण्यांची संख्या वाढवण्याचे निर्देश
  8. मास्क न वापरणाऱ्या व्यक्तींवर दंडात्मक कारवाई करा
  9. नियम पाळून नागरिकांनी प्रशासनाला सहकार्य करण्याचे आवाहन

मुंबई मनपाकडून मार्गदर्शक तत्वे जाहीर

  1. कुठल्याही निवासी इमारतीत कोविड-१९ चे ५ पेक्षा जास्त सक्रिय रुग्ण आढळल्यास इमारत प्रतिबंधित (सील) करण्यात येईल. 
  2. विलगिकरणाचे नियम, तसेच लग्न व सार्वजनिक कार्यक्रमात नियम न पाळणाऱ्या व्यक्तींवर कारवाई करण्यात येईल.
  3. ब्राझील येथून मुंबईत येणाऱ्या प्रवाशांना ७ दिवसांकरिता संस्थात्मक विलगिकरणात ठेवण्यात येईल. 
  4. घरी विलगिकरणात राहणाऱ्या व्यक्तींच्या हातावर शिक्का लावण्यात येईल.
  5. मास्क न लावता प्रवास करणाऱ्या व्यक्तींवर कारवाई करण्याकरिता ३०० मार्शलची नेमणूक करण्यात येणार आहे. 
  6. मास्कचा योग्यरित्या वापर न करणाऱ्या व रस्त्यावर थुंकणाऱ्या व्यक्तींवर कारवाई करण्याकरिता मार्शल्सची संख्या दुपटीने वाढवून ४८०० एवढी करण्यात आली आहे. 
  7. विनामास्क फिरणाऱ्या व्यक्तींवर कारवाई करण्याचे व दंड आकारण्याचे अधिकार पोलिसांना देण्यात आले आहेत. 
  8. लग्नसोहळ्यांचे आयोजन होणारे सभागृह, मंगल कार्यालये येथे नियमितपणे तपासणी केली जाईल. कोणत्याही नियमांचे उल्लंघन झाले असल्यास दंडात्मक कारवाई करुन आयोजक व संबंधित व्यवस्थापनांवर गुन्हे दाखल केले जातील.

अमरावती आणि वर्धा जिल्ह्यात वीकेंड लॉकडाऊन

अमरावती, वर्धा जिल्ह्यात दिवसेंदिवस कोरोना विषाणूचा प्रादुर्भाव मोठ्या प्रमाणात वाढत असल्याने स्थानिक प्रशासनाने कोरोना विषाणूच्या संक्रमणाची साखळी तोडण्यासाठी कोरोना चाचणी, लक्षणे असलेल्लया व्यक्तीबाबत विलगीकरण, तसेच नियमांचे उल्लंघन कऱणाऱ्यांवर दंडात्मक कारवाई करण्यास सुरुवात केली आहे. तसेच शनिवारी (२० फेब्रुवारी २०२१) रात्री ८ वाजल्यापासून ते सोमवारी (२२ फेब्रुवारी २०२१) सकाळी ८ वाजपेर्यंत संचारबंदी लागू केली आहे. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

Mumbai News (मुंबई बातम्या), Times now ची मराठी वेबसाइट -Times Now Marathi वर। सोबत आणखी Marathi News (मराठी बातम्या) अपडेटसाठी आम्हांला गूगल न्यूजवर फॉलो करा. 

पुढची बातमी