Nagar Panchayat Election 2022 Result Live Update: नगर पंचायत निवडणुकीत राष्ट्रवादीची आघाडी, भाजप दुसऱ्या क्रमांकावर, सेनेची पिछेहाट

सोयगाव निवडणुकीत आमचा विजय झाला आता येणाऱ्या निवडणुकीत रावसाहेब दानवे यांना नांगरावर पाठवणार असा टोला अब्दुल सत्तार यांनी लगावला आहे.

राज्य सरकारला सुप्रीम कोर्टाचा मोठा दिलासा

ओबीसी आरक्षण प्रकरण सुप्रीम कोर्टाने राज्य मागासवर्ग आयोगाला आगामी दोन आठवड्यात अंतरिम अहवाल द्यावा.

या अहवालाच्या आधारे राज्यात ओबीसी आरक्षण सहित राज्य सरकार निवडणूक घेवू शकते.

आगामी सुनावणी आता 1 फेब्रुवारीला होणार.

सोलापूर जिल्ह्यात ओबीसी आरक्षण रद्द होऊनही 32 ओबीसींनी फडकावला विजयाचा झेंडा  

सोलापूर जिल्ह्यात आज लागलेल्या निकालामध्ये समाजाने ओबीसी आरक्षण रद्द होऊनही मोठ्या संख्येने ओबीसींना निवडून दिले आहे . माळशिरस तालुक्यात 17 जागांपैकी 12 जागांवर ओबीसी उमेदवार विजयी झाले आहेत तर नातेपुते येथे देखील 17 पैकी 12 जागांवर ओबीसींनी विजय मिळविला आहे . माढा नगरपंचायत निवडणुकीत 17 पैकी 4 जागांवर ओबीसींनी विजय मिळविला आहे . 

नातेपुते -- एकूण जागा 17 , ओबीसी 12 विजयी 

माळशिरस एकूण जागा 17 , ओबीसी 12 विजयी 

माढा -- एकूण जागा 17 , ओबीसी 4 विजयी 

श्रीपूर महाळुंग -- एकूण जागा 17, ओबीसी 1 विजयी 

वैराग -- एकूण जागा 17, ओबीसी 3 विजयी 

नाशिक -  6 नगरपंचायत निवडणूक निकाल घोषित 

6 पैकी 2 भाजप, 2 राष्ट्रवादी, 1 शिवसेना आणि एक महाविकास आघाडीकडे

निफाड नगरपंचायतीमध्ये सत्तांतर, भाजपला धक्का
निफाड नगरपंचायतीवर शिवसेनेचा भगवा, राष्ट्रवादीचे आमदार दिलीप बनकर यांना धक्का 

पेठ नगरपंचायतीवरील सेनेच्या वर्चस्वाला धक्का, राष्ट्रवादीचं वर्चस्व 

कृषीमंत्री दादा भुसे, भाजपच्या केंद्रीय आरोग्यमंत्री डॉ. भारती पवार, राष्ट्रवादी आमदार दिलीप बनकर यांना नगरपंचायत निवडणुकीत धक्का

6 नगरपंचायत घोषित निकाल 

सुरगाणा नगरपंचायत
भाजपचं वर्चस्व, सेनेला धक्का
एकूण जागा - 17 

शिवसेना - 06
भाजप - 08
माकप - 02
राष्ट्रवादी काँग्रेस - 01 

--------------- 

देवळा नगरपंचायत
भाजपचा एकहाती विजय
एकूण जागा - 17 

भाजप - 15
राष्ट्रवादीला - 2 

--------------- 

निफाड नगरपंचायत
भाजपची सत्ता उलथवली, शिवसेनेचा भगवा फडकला
एकूण जागा - 17 

शिवसेना- 07
राष्ट्रवादी काँग्रेस- 03
काँग्रेस - 01
शहर विकास आघाडी - 04
बसपा- 01
इतर(अपक्ष)-01 

-----------
कळवण नगरपंचायत
राष्ट्रवादीचं वर्चस्व, केंद्रीय आरोग्य राज्यमंत्री भारती पवार यांना धक्का
एकूण जागा - 17 

राष्ट्रवादी - 09 
भाजप - 02 
काँग्रेस - 03
शिवसेना - 02
मनसे - 01 

------------- 

दिंडोरी नगरपंचायत
शिवसेनेला सर्वाधिक जागा, महाविकास आघाडीकडे सत्ता
एकूण जागा - 17 

राष्ट्रवादी - 05
शिवसेना - 06
काँग्रेस - 02
भाजपा - 04 

--------------- 

पेठ नगरपंचायत
सेनेचं वर्चस्व संपुष्टात, राष्ट्रवादीकडे सत्ता
एकूण जागा - 17
राष्ट्रवादी - 08
शिवसेना - 04
माकप - 03 
भाजप - 01
अपक्ष - 01

गोंदिया जिल्हा परिषद निवडणुकीत प्रफुल्ल पटेल यांना धक्का , राष्ट्रवादीचे जिल्हाध्यक्ष गंगाधर परशुरामकर यांचा पराभव 

गोंदिया जिल्हा परिषद निवडणुकीत प्रफुल्ल पटेल यांना धक्का  

-  राष्ट्रवादीचे जिल्हाध्यक्ष गंगाधर परशुरामकर यांचा पराभव 

- डवा जिल्हा परिषद मतदारसंघातून राष्ट्रवादीचे गंगाधर परशुरामकर पराभूत

- डवा जिल्हा परिषद मतदारसंघातून भाजपचे  बी एम पटले विजयी 

- गोंदिया जिल्हा परिषद निवडणुकीत आतापर्यंत भाजपचे आठ उमेदवार विजयी 

- राष्ट्रवादीचे पाच जिल्हा परिषद सदस्य विजयी 

- काँग्रेसचे तीन जिल्हा परिषद सदस्य विजयी

हिंगोली जिल्ह्यातील औंढा नागनाथ व सेनगाव या दोन्ही नगरपंचायतीच्या एकूण 34 जागांपैकी 14 जागांवर विजय मिळवत शिवसेनेने आघाडी घेतली आहे. काँग्रेस 6 तर भाजप 7 जागांवर विजयी राष्ट्रवादी काँग्रेस 5 आणि वंचित बहुजन आघाडीने दोन जागांवर विजय मिळवित आपले खाते उघडलेय. एकंदरीत हिंगोली जिल्ह्यातील दोन्ही नगरपंचायतींमध्ये महाविकास आघाडीने 34 पैकी 25 जागांवर विजय मिळवित भाजपला मात दिलीय. औंढा नागनाथ नगरपंचायत मध्ये शिवसेनेने स्पष्ट बहुमत मिळवलेय तर सेनगाव नगरपंचायतीत महाविकास आघाडी सत्ता स्थापन करणार हे स्पष्ट झालेय. 

औंढा नागनाथ नगर पंचायत 
एकूण जागा - 17
शिवसेना- 9
काँग्रेस-4
भाजप-2
वंचित बहुजन आघाडी-2

सेनगाव नगरपंचायत
एकूण जागा- 17
शिवसेना-5
काँग्रेस-5
भाजप-5
राष्ट्रवादी काँग्रेस-2

बोदवड.  

नगरपंचायत निवडणूक विजयी उमेदवारांचा जल्लोष सुरू

जळगाव : बोदवड नगरपंचायतीच्या निवडणुकीच्या मतमोजणीला सुरुवात झाली असून विजय झालेल्या उमेदवारांनी मतमोजणी केंद्राबाहेर गुलालाची उधळण करत जल्लोषाला सुरुवात केलेली आहे.    

      
प्रभाग क्रमांक १ 
रेखा सोनू गायकवाड शिवसेना 466 ( विजयी ) 
प्रमिला संजय वराडे राष्ट्रवादी 279
वैशाली योगेश कुलकर्णी भाजप 73
कुसुम अशोक तायडे काँग्रेस 21

प्रभाग क्रमांक २ 
कडूसिंग पांडुरंग पाटील राष्ट्रवादी 337 ( विजयी )
सचिन सुभाष देवकर शिवसेना 233
अंकेश राजेंद्र अग्रवाल काँग्रेस 11
महेंद्र प्रभाकर पाटील भाजप 75 

प्रभाग क्रमांक 3 
योगिता गोपाळ खेवलकर राष्ट्रवादी  ( विजयी ) 405
देवेंद्र सुभाष खेवलकर शिवसेना  385
कविता पवन जैन भाजपा 164
शुभांगी प्रवीण मोरे वंचित 05

प्रभाग क्रमांक 4
सईदाबी रशीद सैय्यद राष्ट्रवादी ( विजयी ) 551
सकीनाबी मुलीम कुरेशी शिवसेना 211
जाकिया बी मुसा मुसलमान भाजपा 106

प्रभाग क्रमांक 5 

ईश्वर चिठ्ठी निकाल प्रलंबित

 विजय शिवराम बडगुजर भाजपा 374
गोपाळ बाबुराव गंगातीरे राष्ट्रवादी 374 
देवेंद्र समाधान खेवलकर शिवसेना 06
दिनेश गजानन लभाने अपक्ष 61

प्रभाग क्रमांक 6 

पूजा प्रितेश जैन शिवसेना (विजयी )302 
सरिता संदिप जैन राष्ट्रवादी 296
शितल अमोल देशमुख भाजप 176.        

अत्यंत चुरशीच्या झालेल्या बोदवड नगरपंचायतीच्या निकालात शिवसेनेने मुसंडी मारली आहे. 9 जागांवर विजय मिळवत शिवसेनेने बोदवड नगरपंचायत ताब्यात घेतली आहे. राष्ट्रवादी काँग्रेसचे नेते एकनाथ खडसे यांना हा आपल्याच होमपीचवर जबर धक्का मानला जात आहे. राष्ट्रवादीच्या वाट्याला 7 जागा आल्या. तर भाजपला तर अवघी 1 जागा मिळवता आली. ईश्वर चिठ्ठीने ही जागा भाजपकडे आली. त्याठिकाणी राष्ट्रवादी काँग्रेसच्या उमेदवाराचा पराभव झाला.

गोंदिया जिल्हा नगरपंचायत निवडणूक

1) देवरी नगर पंचायत 17 जागा
भाजप – 09
शिवसेना –
राष्ट्रवादी –01
काँग्रेस –02

इतर –

2) मोरगाव अर्जुनी नगर पंचायत 17 जागा
भाजप – 05
शिवसेना –00
राष्ट्रवादी –01
काँग्रेस –04
इतर –01

3) सडक अर्जुनी नगर पंचायत 17 जागा
भाजप – 01
शिवसेना –01
राष्ट्रवादी –07
काँग्रेस –02
बाहुबली पेनल- 0

सड़क अर्जुनी नगरपंचायत मध्ये राष्ट्रवादी कोंग्रेस आणि मित्र पक्ष याची सत्ता

देवरी नगर पंचायत मध्ये भाजपा यांची सत्ता 

अमरावती जिल्ह्यातील नगरपंचायत निवडणूक

– तिवसा नागरपंचयातीवर काँग्रेसचे वर्चस्व कायम. काँग्रेसची एकहाती सत्ता.

– पालकमंत्री यशोमती ठाकूर यांनी राखला गड

– भातकुली नागरपंचयातीवर युवा स्वाभिमानचे वर्चस्व कायम

– रवी राणा यांनी पुन्हा एकदा राखला गड

विजयी उमेदवार

भातकुली नगरपंचायत

एकूण जागा :- 17
भाजप:- 2
काँग्रेस:- 1
युवा स्वाभिमान:- 9
शिवसेना :- 3
अपक्ष:- 2

तिवसा नगर पंचायत

एकूण जागा :- 17

भाजप:- ००
काँग्रेस:- 12
वंचित:- 1
अपक्ष:- ००
शिवसेना:- 4

गोंदिया जिल्हापरिषद 53 जागा

भाजप – 6

1) तिरोडा अर्जुनी- चतुरभूज बिसेन,
2) सोनी – पंकज रहांगडाले
3) सेजगाव- पवन पटले
4)कीकरीपार- किशोर मारवाडे
5) पुराडा – सविता पुराम
शिवसेना –
6) गोटाबॉडी – कल्पना नितेश वलोद

राष्ट्रवादी –4

1) काटी – नेहा तुरकर
2) घाटटेंमनी – सुरेश हरसे
3) सुकळी – जगदीश बावंथडे
4) पाढरी – रहांगडाले

काँग्रेस– 2
1) शाहरवानी- जितेन्द्र कटरे
2) झालीया – छाया नागपुरे

इतर –

चाबी संघटन 1 (अपक्ष आमदार संघटन)
1) काटी- आनंदा वाडीवा

भंडारा – भंडारा जिल्ह्यात आतापर्यंत 17 जिल्हापरिषद मतदारसंघाचे निकाल हाती, 7 काँग्रेस, 4 राष्ट्रवादी, भाजपचे 3 उमेदवार विजयी

– काँग्रेस, राष्ट्रवादीची पुन्हा भंडारा जिल्हापरिषदेत सत्ता स्थापनेच्या दिशेनं वाटचाल ?

– काँग्रेस आणि राष्ट्रवादीला आतापर्यंत 11 जागा मिळाल्या

– इतर 2 तर बसपा एका जागेवर विजयी

– भाजप आतापर्यंत चार जागांवर समाधानी

– भंडारा जिल्हा परिषदेच्या 35 जागांवरील निकाल अद्याप बाकी

महसुल राज्यमंत्री अब्दुल सत्तार यांच्या नेतृत्वाखाली शिवसेनेला स्पष्ट बहुमत

17 पैकी 11 जागेवर शिवसेना विजयी ....भाजपला केवळ 6 जागेवर मानावे लागले समाधान

वॉर्ड क्र. 1  शिवसेना - शाहिस्ताबी राउफ  विजयी

वॉर्ड क्र. 2  - शिवसेना-  अक्षय काळे विजयी

वॉर्ड क्र. 3 - शिवसेना-  दीपक पगारे विजयी

वॉर्ड क्र.4  - शिवसेना-  हर्षल काळे विजयी

वॉर्ड क्र.5  - भाजप - वर्षा घनगाव विजयी

वॉर्ड क्र.6  - शिवसेना -  संध्या मापारी विजयी

वॉर्ड क्र.7  - भाजप - सविता चौधरी विजयी

वॉर्ड क्र.8  - शिवसेना -  कुसुमबाई राजू दुतोंडे विजयी

वॉर्ड क्र.9  - शिवसेना-  सुरेखाताई काळे विजयी

वॉर्ड क्र.10  - शिवसेना -  संतोष बोडखे विजयी

वॉर्ड क्र.11  - भाजप - संदीप सुरडकर विजयी

वॉर्ड क्र.12  - शिवसेना - भगवान जोहरे विजयी

वॉर्ड क्र.13  - भाजप-  ममताबाई इंगळे  विजयी

वॉर्ड क्र.14  - भाजप आशियाना शाह विजयी

वॉर्ड क्र.15  - भाजप सुलतानाबी देशमुख विजयी

वॉर्ड क्र.16  - शिवसेना - गजानन कुडके विजयी

वॉर्ड क्र.17  - शिवसेना आशाबी तडवी विजयी

 नांदेड जिल्ह्यातील नायगाव, माहूर, अर्धापूर येथील नगरपंचायत  निकाल जाहीर झाले आहेत.

जिल्ह्यातील  तीन नगरपंचायत 48 जागेसाठी १८३ उमेदवार निवडणूक रिंगणात होते

.नांदेड जिल्ह्यातील तीन नगरपंचायतीचे पूर्ण निकाल- 
1) नायगांव- 17 जागांपैकी 17 ही जागेवर काँग्रेस विजयी
2) अर्धापूर- एकूण सतरा पैकी 10 जागा जिंकत काँग्रेसला बहुमत, भाजप-2, एमआयएम- 3 , राष्ट्रवादी- 1, अपक्ष- 1
3) माहूर- एकूण जागा 17  काँग्रेस- 6 ncp-  7 भाजप- 1 सेना-3

जिल्ह्यात माहूरनगरपंचायत मध्ये यापूर्वी राष्ट्रवादीकडे, नायगाव व अर्धापूर कॉंग्रेसच्या ताब्यात होती. पालकमंत्री अशोक चव्हाण यांच्या मतदारसंघातील अर्धापूर नगरपंचायत निकालाकडे सर्वांचे लक्ष्य लागले होत्ते या अर्धापूर नागरपंचायतीत एमआयएम ने 3 जागेवर विजय मिळवत या निवडणूकीत अनेक दिग्जाचा पराभव झालय.तर अर्धापुर नगर पंचायतीमध्ये काँग्रेसचे विद्यामान नगरअध्यक्षला पराभूत करून राष्ट्रवादी चे उमेदवार शेख जाकेर विजय मिळविला

दहिवडी नगरपंचायतीवर राष्ट्रवादीची सत्ता आली आहे. येथे प्रभाकर देशमुख यांच्या नेतृत्वाखाली राष्ट्रवादीने आठ, आमदार जयकुमार गोरे यांच्या नेतृत्वाखाली भाजपने पाच, शेखर गोरे यांच्या नेतृत्वाखाली शिवसेनाने तीन तसेच एका जागेवर राष्ट्रवादी काॅंग्रेस पुरस्कृत उमेदवाराने विजय मिळविला आहे.

कोरेगाव नगरपंचायतीच्या १७ जागांपैकी १३ जागा शिवसेना आमदार महेश शिंदे यांच्या पॅनेलला आणि ४ जागा राष्ट्रवादी पॅनेलला मिळाल्या आहेत. कोरेगाव नगरपंचायतीत सत्तांतर झालं आहे. आमदार महेश शिंदे यांच्या नेतृत्वाखालील कोरेगाव शहर विकास परिवर्तन पॅनेलच्या ताब्यात सत्ता.

पाटण नगरपंचायतमध्ये गृहराज्यमंत्री शंभूराज देसाई यांच्या गटाचा राष्ट्रवादीचे सत्यजित पाटणकर यांनी पराभव केला. राष्ट्रवादीला १५, तर शिवसेनेला अवघ्या दोन जागा मिळाल्या आहेत.

लोणंद आणि खंडाळा नगरपंचायतीवर राष्ट्रवादीचे आमदार मकरंद पाटील यांचे वर्चस्व राहिले आहेत.

बुलढाणा जिल्ह्यातील मोताळा आणि संग्रामपूर नगरपंचायतीच्या प्रत्येकी 17  जागांकरिता आज 19 जानेवारीला मतमोजणी होऊन   निकाल जाहीर झालाय.. यावेळी  विजयी उमेदवारांच्या वतीने गुलाल आणि फटाक्यांची आतिषबाजी करून जल्लोष करण्यात आलाय.. या  दोन्ही नगर पंचायत मध्ये भाजप ला खाते ही उघडता आले नाही तर संग्रामपूर मध्ये प्रहार ला एकहाती सत्ता तर मोताळ्यात काँग्रेस ला एकहाती सत्ता मिळालीय.. 

बुलडाणा जिल्ह्यातील मोताळा नगरपंचायतीच्या 17 जागासाठी  64 उमेदवार निवडणूक  रिंगणात होते,  तर संग्रामपूर मध्ये 17 जागांसाठी 67 उमेदवार रिंगणात होते.. मोताळा नगर पंचायत मध्ये 12 काँग्रेचे उमेदवार  विजयी झाल्याने सर्वात मोठा पक्ष म्हणून काँग्रेस ला याठिकाणी  एक हाती सत्ता मिळाली आहे.

भाजप ला खाते ही उघडता आले नसून सेना ला 4 जागा आणि राष्ट्रवादीला एका जागेवर समाधान मानावे लागलेय. तर संग्रामपूर नगरपंचायतीच्या 17  जागांसाठी 67 उमेदवार निवडणक रिंगणात होते ... या ठिकाणी राज्यमंत्री बच्चू कडू यांच्या प्रहार संघटनेने 12 ठिकाणी विजय मिळवत एक हाती सत्ता मिळविली असून महाविकास आघाडीला याठिकाणी 5 जागांवर समाधान मानावे लागलेय.. आणि भाजप ला याठिकाणी ही खाते उघडता आले नाहीय.. दोन्ही नगर पंचायत निवडणुकीच्या प्रचारवेळी राज्यमंत्री बच्चू कडू, यशोमती ठाकूर, अब्दुल सत्तार , नाना पटोले सह इतर नेत्यांचया सभा झाल्या होत्या, प्रत्येकाने आपली प्रतिष्ठा पणाला लावली होती...मात्र आजच्या निकालाचे चित्र काही वेगळेच आहे..