VIDEO: ...तर कोरोना मरणार नाही तर वाढणार : मुख्यमंत्री उद्धव ठाकरे

मुंबई : राज्याचे मुख्यमंत्री उद्धव ठाकरे (CM Uddhav Thackeray) सोशल मीडियाच्या माध्यमातून राज्यातील जनतेसोबत संवाद साधला आहे. यावेळी मुख्यमंत्री उद्धव ठाकरे यांनी जनतेला काळजी घेण्याचे, शासनाने करुन दिलेल्या नियमांचे पालन करण्याचे आवाहन केले आहे. तसेच गर्दी न करण्याचे आवाहनही मुख्यमंत्र्यांनी केलं आहे. सर्व सण, उत्सव साधेपणाने साजरे केले. कार्तिकी यात्राही साधेपणाने आणि भक्तीभावाने करुया असंही मुख्यमंत्री उद्धव ठाकरे यांनी म्हटलं आहे.

कार्तिकी यात्रेला कृपया गर्दी करु नका : मुख्यमंत्री

दिवाळी पाडव्यापासून मंदिरे, सर्व धार्मिकस्थळे उघडण्यात आली आहेत. पण या ठिकाणी गर्दी होता कामा नये. कार्तिकीची वारीही गर्दी न करता आणि भक्ती भावाने करुया.

गर्दी वाढल्याने मुख्यमंत्र्यांनी व्यक्त केली नाराजी

तुम्ही सहकार्य करत आहात आणि त्यामुळे कोरोना बाधितांचा आकडा जरुर करता आला. मी यापूर्वीही म्हटलं होतं की दिवाळीनंतर आपल्याला अधिक काळजी घ्यावी लागेल. कारण गर्दी वाढलेली आहे. तुम्ही कुणीही असं समजू नका की कोरोनाचं संकट नाहीसं झालेलं आहे. अजिबात नाही. इतर देशांत पाहिलं तर कळेल काही देशांत पुन्हा लॉकडाऊन करण्यात आला आहे. दिल्लीत सुद्धा दुसरी-तिसरी लाट आलेली आहे. अहमदाबादमध्ये रात्रीची संचारबंदी करण्यात आली आहे. जर पहिल्या लाटेची आणि या लाटेची तुलना केली तर दुसरी-तिसरी लाट ही नुसती लाट नाही तर त्सुनामी आहे की काय अशी भीती वाटते. अनेकजण गर्दी करत आहेत, मास्क घालत नाहीयेत.

...तर कोरोना मरणार नाही तर वाढणार 

मुख्यमंत्री उद्धव ठाकरे यांनी जनतेशी संवाद साधताना म्हटलं, उपमुख्यमंत्री अजित पवार एका कार्यक्रमात म्हणाले की, गर्दी इतकी वाढली- इतकी वाढली आहे की त्या गर्दीत कोरोना चेंगरुन मेला की काय? असं वाटत आहे. असं होणार नाहीये, गर्दी झाली तर कोरोना मरणार नाही तर कोरोना वाढणार आहे.

शाळा सुरू करण्याचा निर्णय घेतला पण...

मुख्यमंत्री उद्धव ठाकरे म्हणाले, अनावश्यक गर्दी टाळली गेली पाहिजे. आता ऑफिसेस सुरू झाले, सगळ्या गोष्टी सुरू झाल्या तरी अजूनही आपण शाळा नाही उघडू शकलो. निर्णय घेतला आहे पण अजूनही उघडू शकू की नाही हे प्रश्नांकित आहे. शालेय विद्यार्थी, शिक्षक आजारी असतील तर काय... ही सगळी काळजी घेत आपण पुढे जात आहोत.

मुख्यमंत्री उद्धव ठाकरेंच्या भाषणातील महत्वाचे मुद्दे 

1. कोरोनापासून चार हात लांब राहणं शिकायचं
2. पुन्हा लॉकडाऊन लावायचा नाहीये
3. रुग्णालये कमी पडली तर कुणीही वाचवू शकणार नाही
4. कारण बाहेर नागरिक विनामास्क फिरत आहेत
5. शाळा उघडणे अजूनही प्रश्नांकित आहे
6. शाळा उघडायच्या आहेत पण भीती आहेच
7. अनेक नागरिक मास्कविना का फिरत आहेत? 
8. पोस्ट कोविडचे दुष्परिणाम भयंकर 
9. साडे बारा कोटी जनतेला २५ कोटी लस द्याव्या लागणार
10. लस आलेली नाहीये, तोपर्यंत काळजी घ्या
11. मास्क घाला, सोशल डिस्टंन्सिंग पाळा, हात धुवा
12. अनावश्यक ठिकाणी जाऊ नका, आवश्यक असेल तरच घराबाहेर पडा
13. या मोहिमेतील सर्वांनी नागरिकांची चौकशी करावी
14. पहिल्या लाटेची तुलना केली तरी दुसरी लाट ही त्सुनामी आहे की काय अशी भीती वाटते
15. कोरोना गेलेला नाहीये गर्दी करु नका
16. गर्दी न करता कार्तिकीची वारी भक्ती भावाने करुया
17. कार्तिकी यात्रेला कृपया गर्दी करु नका
18. उत्तर भारतीय नागरिकांनी छठपूजा संयमाने केली
19. महाराष्ट्र करुन दाखवल्याशिवाय राहत नाही
20. राज्यातील जनतेच्या सहकार्याला तोड नाही
21. आतापर्यंत जो लढा दिला त्यात यश मिळालं
22. दसरा मेळावाही साधेपणाने केला
23. सर्व सण आपण संयमाने साजरे केले
24. २६/११च्या शूरविरांना माझी श्रद्धांजली
25. संयुक्त महाराष्ट्राच्या हुतात्मांना वंदन
26. मुख्यमंत्री यांचा जनतेशी संवाद सुरू