Gajanan Kirtikar: 'उत्तर भारतीय बिल्डरसाठी ठाकरेंना माझं...', पक्ष बदलताच किर्तीकर बरसले

Gajanan Kirtikar: मुंबई: ठाकरे गटाला 'जय महाराष्ट्र' करुन खासदार गजानन किर्तीकर हे शिंदे गटात सामील झाले आहेत. त्यातच अगदी दुसऱ्याच दिवशी किर्तीकरांनी पक्षप्रमुख उद्धव ठाकरेंवर अत्यंत गंभीर असे आरोप केले आहेत. पाहा नेमकं काय म्हणाले खा. किर्तीकर.

पाहा गजानन किर्तीकर नेमकं काय-काय म्हणाले:

'आम्ही उद्धव ठाकरेंना प्रस्ताव दिला होता की, आपला जो काही राष्ट्रवादी काँग्रेससोबत राजकीय प्रवास सुरु होणार आहे शिवसेनेचा.. हा शिवसेनेला घातक आहे. शिवसेनेचं भवितव्य धोक्यात येणार आहे. हे आम्ही सांगून पाहिलं होतं. त्यामुळे आम्हाला वाटलेलं की, काही बदल होईल म्हणून... पण तसा काही बदल झालेला नाही.' 

अधिक वाचा: खासदार गजानन किर्तीकर बाळासाहेबांच्या शिवसेनेत, CM शिंदेंना दिला पाठिंबा

'दुसरं म्हणजे शिवसेना एवढी प्रचंड ताकदवान आहे. दोन-दोन लाखांचे दसरा मेळावे होतात. दोन्हीकडे.. म्हणजे इकडे आणि तिकडे. जर हीच ताकद एकत्र झाली तर फार मोठा फायदा होईल. म्हणून समेट घडवावा. 40 गेले 15 बाकी आहेत. तर 12 खासदार गेले आहेत. मी काल तेरावा गेलो खासदार. आता 5 खासदार बाकी आहेत. त्यामुळेच समेट घडवावा.'

'भाजपसोबत जी आपली नैसर्गिक युती आहे ती अबाधित ठेवावी. तसंच मुख्यमंत्री पद त्यांनी आपल्याला दिलंच आहे. त्याचा लाभ घेऊन संघटना बांधावी. शिवसैनिकांची कामं करावी.' 

'मात्र, मला असं काही होईल हे दिसत नाही. त्यामुळे असं ठरवलं की, फार चुकीच्या मार्गाने उद्धवजी जात आहेत. राष्ट्रवादी किंवा काँग्रेस यांच्या साथीने वाटचाल करणार असाल तर ते शिवसैनिकाला धोकादायक आहे. मी जवळजवळ 56 वर्ष बाळासाहेबांसोबत आणि शिवसेनेसोबत आहे. एक निष्ठावंत आणि ज्येष्ठ म्हणून बिरुदावली मिळालेली आहे.' 

अधिक वाचा: Maharashtra Politics: गजानन कीर्तिकरांनी उद्धव ठाकरेंची साथ सोडल्यानंतर मुलगा अमोल कीर्तिकरांनी घेतला मोठा निर्णय

'2004 ला माझं तिकीट कापण्याचा प्रयत्न केला उद्धवजींनी. एक उत्तर भारतीय व्ही के सिंग नावाचा बिल्डर आहे त्याचा भाऊ रमेश सिंग आहे. त्याला तिकीट देण्यासाठी त्यांची काही गुफ्तगू चालू होती. अशी मला माहिती मिळत होती.' 

'त्यावेळी बाळासाहेबांनी ते काही होऊ दिलं नाही आणि मलाच तिकीट दिलं. चार वेळेला.. तिकीट दिलं. 2009 ला माझी उमेदवारी कापूनच टाकली. माझा पीए म्हणून सुनिल प्रभू आहे त्याला सारखं बंगल्यावर बोलवून मी तुला तिकीट देणार आहे. किर्तीकरांना देणार नाही वैगरे...' 

बातमीची भावकी

Jitendra Awhad महाराष्ट्रात ब्रिटीशराजचे दिवस, आव्हाडांच्या अटकेनंतर सुप्रिया सुळेंनी साधला जोरदार निशाणा

Thane : शिंदे गटाला गळती, माजी नगरसेविकेने शेकडो कार्यकर्त्यांसह मातोश्रीवर बांधलं शिवबंधन

Abdul Sattar अब्दुल सत्तार यांना मतिमंद शाळेत भरती करून शिकवण्यासाठी एखादा मतिमंद शिक्षक नियुक्त करा..

'एवढा मोठा पक्षप्रमुख आणि अशा प्रकारे विचार करतो.. ते तोंड मारुन बुक्क्याचा मार असं म्हणतात. असा अपमान आम्ही सहन करत होतो. पण शिवसेना सोडून गेलो नाही. आमचा अपमान होत होता. बरं 2014, 2019 आम्ही NDA मध्ये होतो तेव्हा एक-एक मंत्रिपद मिळालं होतं. ते मंत्रिपद अरविंद सावंतला.' 

'म्हणजे तिथं तुमची स्वत:च्या मर्जीतील माणसं. मग तेव्हा का नाही आला ज्येष्ठ शिवसैनिक गजानन किर्तीकर लक्षात?' असं म्हणत गजानन किर्तीकर यांनी देखील उद्धव ठाकरे यांच्यावर जोरदार टीका केली.