नववर्षाची शेतकऱ्यांना खास भेट! , धानउत्पादकांना हेक्टरी 15 हजार रुपयांचा बोनस जाहीर
new year gift : नागपूरच्या हिवाळी अधिवेशनात मुख्यमंत्री शिंदे यांनी विधानसभेत नववर्षाची शेतकऱ्यांना भेट दिली. यावेळी त्यांनी दोन हेक्टरपर्यंतच्या धानासाठी राज्य सरकारच्या वतीने हेक्टरी 15 हजार रुपये बोनस जाहीर केला.
नववर्षाची खास भेट! , धानउत्पादक शेतकऱ्यांना हेक्टरी 15 हजार रुपयांचा बोनस | फोटो सौजन्य: BCCL
थोडं पण कामाचं
- महाराष्ट्रातील लाखो शेतकऱ्यांना मिळणार मोठी भेट
- मुख्यमंत्री एकनाथ शिंदेची विधानसभेत घोषणा
- हेक्टरी 15 हजार रुपये बोनस जाहीर केला.
नागपूर : नागपूर हिवाळी विधानसभा अधिवेशनातमुख्यमंत्री एकनाथ शिंदे यांनी आज विधानसभेत विदर्भासाठी अनेक महत्त्वाच्या घोषणा केल्या. नववर्षाचे गिफ्ट म्हणून धान उत्पादक शेतकऱ्यांना हेक्टरी १५ हजार बोनस देण्याची घोषणा मुख्यमंत्री शिंदे यांनी केली आहे. (Farmers will get a big gift, a bonus of Rs 15,000 per hectare for paddy cultivation)
अधिक वाचा : डहाणूमधील आदिवासींच्या सर्वसमावेषकतेच्या दिशेने पाऊल
विधानसभेत ही माहिती देताना शिंदे म्हणाले की, या निर्णयामुळे पाच लाखांहून अधिक शेतकऱ्यांना फायदा होणार आहे. ही रक्कम थेट शेतकऱ्यांच्या खात्यावर पाठवली जाईल, असे त्यांनी सांगितले.
विदर्भाच्या विकासाशिवाय राज्याचा संपूर्ण विकास होणार नाही, असे मुख्यमंत्री शिंदे यांनी विधानसभेत सांगितले. यावेळी त्यांनी दोन हेक्टरपर्यंतच्या धानासाठी राज्य सरकारच्या वतीने हेक्टरी 15 हजार रुपये बोनस जाहीर केला. विदर्भ आणि मराठवाड्यासारख्या अविकसित भागात प्रगती करण्यासाठी आपले सरकार पूर्णपणे कटिबद्ध असल्याचे ते म्हणाले.
अधिक वाचा : New Year Celebration 2023: नववर्षाचं स्वागत करा धमाकेदार पार्टीने; जाणून घ्या पुणे, लोणावळ्यातील पार्टीचे ठिकाणं
शिंदे सभागृहात म्हणाले, “विदर्भ मजबूत असेल तर महाराष्ट्र मजबूत होईल. विदर्भाच्या प्रगतीशिवाय राज्याची सर्वांगीण प्रगती शक्य नाही.” यावेळी त्यांनी नुकत्याच सुरू झालेल्या नागपूर-मुंबई समृद्धी महामार्गाचे कौतुक केले. शिंदे म्हणाले की, समृद्धी महामार्ग 10 जिल्ह्यातून जातो आणि 14 जिल्ह्यांना अप्रत्यक्षपणे जोडतो. हा मेगा कॉरिडॉर विदर्भातील गोंदिया, भंडारा आणि चंद्रपूर तसेच मराठवाड्यातील जालना आणि नांदेड या जिल्ह्यांतून जाणार असल्याचे सांगितले.
समृद्धी महामार्गचे सुपर एक्सप्रेस वे म्हणून वर्णन करताना ते म्हणाले की, तो आंध्र प्रदेश, तेलंगणा, छत्तीसगड आणि मध्य प्रदेशला महाराष्ट्राशी जोडतो. ते म्हणाले, “राज्यात पहिल्यांदाच एवढा मोठा एक्स्प्रेस वे बनला आहे. मुंबई आणि नागपूरला एकत्र आणण्याचे स्वप्न उपमुख्यमंत्री देवेंद्र फडणवीस यांनी पाहिले होते.” एक्स्प्रेस वेच्या आजूबाजूला अनेक बहुराष्ट्रीय कंपन्यांनी जमिनी विकत घेतल्या असून, ते विदर्भाच्या विकासासाठी वरदान ठरेल, अशी आशा त्यांनी व्यक्त केली.