Nashik Aviation Wing :नाशिकच्या लष्करी तळावर अनुभवला युद्धभूमीचा थरार

Nashik Aviation Wing : इंडियन आर्मीचा मुख्य आधार असलेल्या लढाऊ हेलिकॉप्टर चालविणाऱ्या वैमानिकांची 38 वी तुकडीचा दीक्षांत सोहळा आज नाशिकच्या गांधीनगर येथील कॉम्बॅक्ट एव्हिएशन स्कूलमध्ये संपन्न झाला.

Convocation ceremony of 38th batch of pilots in Dimakh
Nashik Aviation Wing :नाशिकच्या लष्करी तळावर अनुभवला युद्धभूमीचा थरार । Convocation ceremony of 38th batch of pilots in Dimakh  |  फोटो सौजन्य: Times Now
थोडं पण कामाचं
  • नाशिकच्या गांधीनगर लष्करी तळावर युद्धभूमीचा थरार
  • लढाऊ वैमानिकांच्या 3८ व्या तुकडीच्या दीक्षांत
  • हेलिकॉप्टर चमूच्या चित्तथरारक कसरती

नाशिक : देशसेवेची तळमळ आणि तीन वर्षाचे खडतर प्रशिक्षण घेऊन प्रत्यक्ष रणभूमीवर जाण्यासाठी तयार झालेल्या लढाऊ वैमानिकांचे दिमाखदार शिस्तबध्द संचलन देशभक्तीने भारावलेल्या लष्करी बँड पथकाच्या तालावर नाशिकच्या गांधीनगर लष्करी तळावर बुधवारी सकाळी पार पडले. (Convocation ceremony of 38th batch of pilots in Dimakh)

अधिक वाचा : Osmanabad । आरोग्यमंत्री तानाजी सावंतांच्या जिल्ह्यातील रुग्णालयाची केंद्रीय मंत्र्यांकडून पोलखोल!

निमित्त होतं, कॉम्बॅट आर्मी एव्हिएशन ट्रेनिंग स्कूलच्या (कॅट्स) लढाऊ वैमानिकांच्या 3८ व्या तुकडीच्या दीक्षांत सोहळ्याचे. कॅट्सच्या हवाई तळावर लष्करी थाटात दीक्षांत संचलनाला सुरुवात झाली. यावेळी लष्करी थाटात मान्यवरांच्या हस्ते  वैमानिकांना एव्हिएशन विंग व प्रमाणपत्र देऊन गौरविण्यात आले. यावेळी आपल्या पाल्याचे कौतुक पाहण्यासाठी पालकांनी मोठ्या प्रमाणात उपस्थिती लावली होती.

अधिक वाचा : Maharashtra Border village: राज्याच्या सीमाभागातील गावांना आवडे शेजारील प्रांत; नांदेड, नाशिकमधील नागरिकांचा इशारा

दीक्षांत संचलनानंतर प्रांगणात हवाई दलाच्या चित्ता, चेतक, ध्रुव या हेलिकॉप्टर चमूने चित्तथरारक कसरती सादर करत उपस्थितांना खिळवून ठेवले. हवेत करण्यात आलेल्या कसरतींनी उपस्थितांच्या डोळ्यांचे पारणे फिटले. अतिशय चित्तथरारक कसरती सादर करत हवाई दलातील चमूने उपस्थितांची मने जिंकली. हेलिकॉप्टरमधून युद्धभूमीवर दाखल होत शत्रूच्या छावण्यांवर हल्ला चढविणे, जखमी सैनिकांना एअर लिफ्ट करणे, एकाचवेळी चार चार हेलिकॉप्टरवर हल्ला करून जाणे, अशी हृदयाचा ठोका चुकविणारी प्रात्यक्षिके सादर झाली. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी