Pune Ahmednagar Highway Accident : पुणे-अहमदनगर महामार्गावर भीषण अपघात, एकाच कुटुंबातील 5 जणांचा जागीच मृत्यू
पुणे-अहमदनगर महामार्गावर (Pune-Ahmednagar Highway) भीषण अपघात (Accident) झाला असून यामध्ये पाच जणांचा जागीच मृत्यू झाला आहे. अपघातात मृत होणारे व्यक्ती हे एकाच कुटुंबातील सदस्य होते. चुकीच्या बाजूने आलेला ट्रक अचानक रोडच्या मध्ये आल्याने कारची ट्रकला धडक बसून हा अपघात झाला.
पुणे-अहमदनगर महामार्गावर भीषण अपघात,5 जणांचा जागीच मृत्यू | फोटो सौजन्य: Twitter
थोडं पण कामाचं
- पुणे येथील रांजणगाव एमआयडीसीतील (MIDC) LG कंपनीसमोर हा भीषण अपघात
- अपघातात मृत होणारे व्यक्ती हे एकाच कुटुंबातील सदस्य होते.
- कारमधील पाच जणांचा जागीच मृत्यू
Highway Accident : पुणे-अहमदनगर महामार्गावर (Pune-Ahmednagar Highway) भीषण अपघात (Accident) झाला असून यामध्ये पाच जणांचा जागीच मृत्यू झाला आहे. अपघातात मृत होणारे व्यक्ती हे एकाच कुटुंबातील सदस्य होते. चुकीच्या बाजूने आलेला ट्रक अचानक रोडच्या मध्ये आल्याने कारची ट्रकला धडक बसून हा अपघात झाला. अपघातात कारमधील पाच जणांचा जागीच मृत्यू झाला असून एक जण गंभीर जखमी झाला आहे.
बातमीची भावकी
पुणे येथील रांजणगाव एमआयडीसीतील (MIDC) LG कंपनीसमोर हा भीषण अपघात झाला आहे. मयत सर्व पनवेलला जाण्यासाठी निघाले होते. ट्रक चालकाच्या चुकीमुळे हा अपघात घडला आहे. ही कार पुण्याहून पनवेलकडे निघाली होती. यावेळी पुणे-अहमदनगर मार्गावर एक ट्र चुकीच्या बाजूने आला. ट्रक अचानक रस्त्याच्या मध्ये आल्याने कारची ट्रकला जोरदार धडक बसली. या अपघातात कारमधील पाच जणांवर काळाने घाला घातला.
Read Also : गुलाम नबी आझाद यांनी काँग्रेस पक्षानं दिलेली जबाबदारी सोडली
अपघात इतका भीषण होता की, कारमधील पाच जण जागीच ठार झाले. या शिवाय कारमधील एक प्रवासी गंभीर जखमी असून त्यावर रुग्णालयात उपचार सुरु आहेत. मृत झालेले व्यक्ती हे एकाच कुटुंबातील असून ठार झालेल्यामध्ये तीन लहान मुलांचा समावेश आहे. महामार्गावर चुकीच्या दिशेने आलेल्या ट्रकने कारला समोरुनच जोरदार धडक दिली, ही धडक इतकी भयानक होती की, कारमधील समोर बसलेले कारमध्येच अडकून पडले होते. अपघातानंतर घटनास्थळी क्रेन आणून कार आणि ट्रक वेगवेगळे करण्यात आले.
Read Also : पावसाळ्यात टिकण्याबरोबर चमकणार रस्ते, जाणून घ्या कसं
काही काळानंतर घटनास्थळी पोलीस दाखल झाले असून पुढील तपास सुरू करण्यात आला आहे. ट्रकची कारला बसलेली धडक इतकी भयानक होती की, कारच्या समोरील भाग आत गेला होता, त्यामुळे कारच्या समोर बसलेले आताच अडकून पडले होते. पुणे-अहमदनगर महामार्गावर आज पहाटे भीषण अपघात झाला, चुकीच्या दिशेने आलेल्या ट्रकने पनवेलकडे निघालेल्या कारला समोरुन जोरदार धडक दिली. या अपघातात 5 जणांचा जागीच मृत्यू झाला असून एक जण गंभीर जखमी आहे.
Read Also : हिटमॅन रोहितला पाहण्यासाठी चाहत्यांचा हॉटेलबाहेर गराडा
ठार झालेलं कुटुंब अहमदनगर जिल्ह्यातील आवाने बुद्रुक येथील असून हा अपघात झाल्याचे गावात कळताच गावावर शोककळा पसरली आहे. एकाच कुटुंबातील व्यक्तींचा मृत्यू झाल्याने गावावर शोककळा पसरली आहे. अपघात झाल्याचे समजताच गावातील काही जण घटनास्थळाकडे रवाना झाले होते. सध्याच्या माहितीनुसार, कारमध्ये सहा जण होते. रांजणगावाजवळ कार आली असता समोरुन चुकीच्या दिशेने येणाऱ्या ट्रकने या कारला उडवले आहे. ट्रकची कारला धडक बसताच कारमधील 5 जण जागीच ठार झाले, तर एक जण गंभीर जखमी झाला असून त्याला उपचारासाठी जवळील रुग्णालयात हलवण्यात आले आहे. रांजणगाव एमआयडीसीमध्ये एलजी कंपनी आहे, त्यासमोर हा अपघात झाला त्यावेळी फॅक्टरीत काम करणाऱ्या कामगारांनी घटनास्थळी धाव घेतली. एकाच कुटुंबातील व्यक्तींचा मृत्यू झाल्याने गावावर आणि परिसरावर हळहळ व्यक्त केली जात आहे.