Pune Kasba Peth, Pimpri-Chinchwad By Election Result 2023 : कसब्यात काँग्रेसचा झेंडा, रवींद्र धंगेकर विजयी; बघा प्रत्येक फेरीचा सविस्तर निकाल
Congress Ravindra Dhangekar won in Kasba Peth ByElection 2023 : महाराष्ट्रातील पुणे जिल्ह्यातल्या कसबा विधानसभा मतदारसंघाच्या पोटनिवडणुकीत महाविकास आघाडीच्यावतीने काँग्रेसच्या तिकिटावर निवडणूक लढवत असलेल्या रवींद्र धंगेकर यांचा विजय झाला.
कसब्यात काँग्रेसचा झेंडा, रवींद्र धंगेकर विजयी | फोटो सौजन्य: Representative Image
थोडं पण कामाचं
- कसब्यात काँग्रेसचा झेंडा, रवींद्र धंगेकर विजयी
- धंगेकर यांनी 20व्या फेरीअंती 73 हजार 194 मते मिळवली
- रवींद्र धंगेकर 10 हजार 950 मतांनी विजयी
Congress Ravindra Dhangekar won in Kasba Peth ByElection 2023 : महाराष्ट्रातील पुणे जिल्ह्यातल्या कसबा विधानसभा मतदारसंघाच्या पोटनिवडणुकीत महाविकास आघाडीच्यावतीने काँग्रेसच्या तिकिटावर निवडणूक लढवत असलेल्या रवींद्र धंगेकर यांचा विजय झाला. धंगेकर यांनी 20व्या फेरीअंती 73 हजार 194 मते मिळवली. रवींद्र धंगेकर 10 हजार 950 मतांनी विजयी झाले. भाजपच्या हेमंत रासने यांना 62 हजार 244 मते मिळाली.
कसबा मतदारसंघाच्या भाजप आमदार मुक्ता टिळक यांच्या निधनामुळे ही जागा रिक्त झाली होती. या रिक्त जागेवर झालेल्या पोटनिवडणुकीत भाजपकडून हेमंत रासने आणि काँग्रेसकडून रवींद्र धंगेकर निवडणूक रिंगणात होते. या दुरंगी लढतीत रवींद्र धंगेकर पहिल्या फेरीपासून आघाडी राखत अखेर विजय मिळवला.
कसबा पेठ मतदारसंघात मागील 4 दशकांपासून भाजपचे उमेदवार विजयी होत होते. यामुळे यंदाही भाजपचा उमेदवार विजयी होणार की काँग्रेसचा उमेदवार भाजपच्या भरवश्याच्या जागेत मुसंडी मारणार याकडे अनेकांचे लक्ष होते. निवडणुकीसाठी प्रचार सुरू असताना काही भावनिक मुद्यांवरून सोशल मीडियावरून जोरदार प्रचार झाला. यामुळे काय होणार याबाबत तर्कवितर्कांना उधाण आले होते. मात्र निकाल जाहीर झाल्यानंतर काँग्रेसच्या आमदारांची संख्या आणखी एका आमदाराने वाढली आहे तर भाजपच्या आमदारांची संख्या एकने कमी झाली आहे.
भाजपच्या पुण्यातील नेत्यांनी पराभव स्वीकारुन अपयशाप्रश्नी चिंतन करणार असल्याचे संकेत दिले. चुका सुधारून पुढील निवडणुकीत जनतेला सामोरे जाऊ असे भाजपकडून सांगण्यात आले. दुसरीकडे काँग्रेसच्या गोटात कसबा पेठेत विजय मिळाल्यामुळे आनंदाला उधाण आले आहे. कार्यकर्त्यांनी ढोल ताशे वाजवत आणि गुलाल उधळत विजय साजरा केला.
झोपण्याआधी पाणी पिणे योग्य की अयोग्य?
चाणक्य निती : पत्नी पतीपासून या गोष्टी लपवून ठेवते
घरातल्या झुरळांचा बंदोबस्त करण्याचे सोपे प्रभावी उपाय
- कसबा पेठ : मतदारसंघामध्ये 2 लाख 75 हजार 679 पात्र मतदार
- रविवार 26 फेब्रुवारी 2023 रोजी झाले मतदान
- पोटनिवडणुकीसाठी 50.06 टक्के झाले मतदान
बातमीची भावकी
| फेरी संख्या | रवींद्र धंगेकर, काँग्रेस | एकूण मते | हेमंत रासने, भाजप | एकूण मते |
| पहिली फेरी | 5844 | 5844 | 2863 | 2863 |
| दुसरी फेरी | 2751 | 8595 | 4095 | 6958 |
| तिसरी फेरी | 2526 | 11121 | 3709 | 10667 |
| चौथी फेरी | 4389 | 15510 | 3111 | 13778 |
| पाचवी फेरी | 4131 | 19641 | 2641 | 16419 |
| सहावी फेरी | 3431 | 23072 | 3930 | 20349 |
| सातवी फेरी | 2774 | 25846 | 4270 | 24619 |
| आठवी फेरी | 4623 | 30469 | 2554 | 27173 |
| नववी फेरी | 4232 | 34701 | 3085 | 30258 |
| दहावी फेरी | 3585 | 38286 | 3764 | 34022 |
| अकरावी फेरी | 2925 | 41211 | 3919 | 37941 |
| बारावी फेरी | 3885 | 45096 | 2863 | 40804 |
| तेरावी फेरी | 3482 | 48578 | 3233 | 44037 |
| चौदावी फेरी | 3845 | 52423 | 3382 | 47419 |
| पंधरावी फेरी | 3666 | 56089 | 2944 | 50363 |
| सोळावी फेरी | 4160 | 60249 | 2740 | 53103 |
| सतरावी फेरी | 3701 | 63950 | 2757 | 55860 |
| अठरावी फेरी | 4139 | 68089 | 2789 | 58649 |
| एकोणिसावी फेरी | 4093 | 72182 | 2845 | 61494 |
| विसावी फेरी | 1012 | 73194 | 750 | 62244 |