चांदोली अभयारण्यात वणवा, वणव्याचे सत्र सुरूच महिन्याभरातील दुसरी घटना

चांदोली अभयारण्यात वणवा, वणव्याचे सत्र सुरूच 

सांगली : सांगली जिल्ह्यातील शिराळा तालुक्यातील सह्याद्री व्याघ्र प्रकल्पा अंतर्गत येणाऱ्या चांदोली बुद्रुक येथील जानाईवाडी नजीक असलेल्या डोंगरास आज दुपारी अज्ञातांकडून लावण्यात आलेल्या आगीमुळे वनसंपदेचे प्रचंड नुकसान होत आहे... (Fire in Chandoli Sanctuary)

सह्याद्री व्याघ्र प्रकल्पानजीक वणवा लागण्याची या महिन्याभरातली ही दुसरी घटना आहे. वाऱ्याचा वेग भयाण असल्यामुळे तितक्याच वेगाने आग सगळीकडे पसरत होती.. धुराचे कल्लोळ परिसरभर पसरले होते.या आगीमध्ये डोंगररांगातील झाडे-झुडपे अनेक जीवजंतू, सरपटणारे प्राणी, जळून खाक होत असून वनसंपत्तीचे मोठे नुकसान होत आहे. 

 आग विझविण्यासाठी वन्यजीव विभागाकडे प्रशिक्षित कर्मचारी नसल्याने अथवा त्यासाठी लागणारी कोणतीही सक्षम यंत्रणा नसल्याने वन्यजीवचे कर्मचारी आग विझविण्याचा केविलवाणा प्रयत्न करत होते.