Mango News: महाराष्ट्राचा हापूस साता समुद्रापार, जपान-अमेरिकेत केशर-बागनपल्ली आंब्याचा पहिला स्टॉक निर्यात
Mango Season: महाराष्ट्र राज्य कृषी पणन मंडळाने राज्यात उत्पादित केलेला आंबा विकसित देशांच्या बाजारपेठेत पोहोचण्यासाठी आवश्यक त्या सर्व सुविधा उपलब्ध करून दिल्या आहेत.
- केशर आणि बैगनपल्ली आंबा जपानला पाठवण्यात आला आहे.
- आंब्याची पहिली खेप अमेरिकेत निर्यात
- अमेरिकेतील नागरिकांना पुणेरी आंब्याची चव चाखायला मिळणार
Hapus Mangoes: महाराष्ट्र राज्य कृषी पणन मंडळाने राज्यात उत्पादित केलेला आंबा विकसित देशांच्या बाजारपेठेत पोहोचण्यासाठी आवश्यक त्या सर्व सुविधा उपलब्ध करून दिल्या आहेत. त्याअंतर्गत 8 एप्रिलला आंब्याचा पहिला स्टॉक जपानला आणि 11 एप्रिलला अमेरिकेला पाठवण्यात आला आहे. त्यामुळे आता जपान आणि अमेरिकेतील नागरिकांना पुणेरी आंब्याची चव चाखायला मिळणार आहे. (Hapus mangoes from Maharashtra are sent by sea to Japan and America)
आंब्याचा पहिला स्टॉक
8 एप्रिल 2023 रोजी वाशी, नवी मुंबई येथील महाराष्ट्र राज्य कृषी पणन मंडळाच्या व्हेपर हीट ट्रिटमेंट सुविधेवरुन एकूण 1.1 मेट्रिक. टन केशर आणि बैगनपल्ली आंबा जपानला पाठवण्यात आला आहे. त्याचप्रमाणे 11 एप्रिल रोजी वाशी येथील मंडळाच्या इरॅडिएशन सुविधेतून 6.5 मेट्रिक. टन हापूस, केशर आणि बागनपल्ली आंब्याचा पहिला स्टॉक अमेरिकेत निर्यात करण्यात आला आहे.
अधिक वाचा: Beed Rain News : बीड जिल्ह्यात अवकाळी पाऊस आणि गारपीट, शेतीचे नुकसान
देशाची आर्थिक राजधानी असलेल्या मुंबईतील मुंबई आंतरराष्ट्रीय विमानतळ, फळे आणि भाजीपाला निर्यातीसाठीचे बंदर आणि आवश्यक सोयी सुविधा लक्षात घेता कृषी पणन मंडळाने वाशी, नवी मुंबई येथे निर्यातभिमुख इरॅडिएशन सुविधा, भाजीपाला प्रक्रिया केंद्र आणि व्हेपर हीट ट्रीटमेंट उभारल्या आहेत.
सर्व प्रक्रिया केलेले आंबे
जपान, न्यूझीलंड, दक्षिण कोरिया, युरोपीय देश आणि रशिया या आयातदार देशांच्या निकषांनुसार, निर्यातीपूर्वी आंब्यावर व्हेपर हीट ट्रीटमेंट करणे बंधनकारक आहे. फळमाशीचा किंवा जंतूंचा प्रादुर्भाव नष्ट करण्यासाठी ही प्रक्रिया केली जाते. आज कृषी पणन मंडळाच्या अत्याधुनिक व्हेपर हीट ट्रीटमेंटमुळे ही प्रक्रिया करणे शक्य झाले आहे. आंबा हंगाम-2022 पासून, केंद्र सरकारच्या NPPO विभागाच्या निरीक्षकांच्या मार्गदर्शनाखाली सर्व प्रक्रिया करून आणि प्रक्रिया प्रमाणित करून त्यांचे निरीक्षक न पाठवता जपानने आंब्याच्या आयातीला परवानगी दिली आहे.
अधिक वाचा: Mumbai : मुंबईत उकाडा वाढला, विजेच्या मागणीने ओलांडला 3500 मेगावॅटचा टप्पा
अमेरिका, ऑस्ट्रेलिया, मलेशिया, अर्जेंटिना यांसारख्या आयातदार देशांच्या नियमांनुसार, निर्यातीपूर्वी आंब्यातील कोक्सीड्स आणि कीटकांचे उच्चाटन करण्यासाठी विकिरण प्रक्रिया अनिवार्य आहे. कृषी पणन मंडळामार्फत निर्यातदारांच्या मागणीनुसार राष्ट्रीय कृषी विकास योजना आणि अपेडा यांच्या संयुक्त विद्यमाने वाशी येथे इरिडिएशन सुविधा केंद्र सुरू केल्यामुळे ही सुविधा शक्य झाली आहे. कोबाल्ट-60 किरणांचा वापर किरणोत्सर्गासाठी रेडिएशन सुविधेवर केला जातो.
या सुविधेसाठी आवश्यक असलेले एनपीपीओ, अणुऊर्जा नियामक मंडळ, अणुऊर्जा विभाग, भारत सरकार इत्यादींचे प्रमाणीकरण पूर्ण केल्यानंतर, यूएसएला आंब्याच्या निर्यातीसाठी आवश्यक असलेले USDA-AFIS प्रमाणपत्र पूर्ण झाले. सुविधेवर रेडिएशन प्रक्रियेदरम्यान यूएस निरीक्षक प्रत्यक्ष उपस्थित असतात. अमेरिकेसाठी आंब्याची पहिली खेप मंगळवारी कृषी पणन मंडळाचे कार्यकारी संचालक दीपक शिंदे यांच्या उपस्थितीत रवाना झाली.
समुद्रामार्गे हापूस अमेरिकेत रवाना
मागील वर्षी देखील अमेरिकेला समुद्रामार्गे आंबा निर्यात करण्यात आली होती. आंबा हंगाम-2023 मध्येदेखील व्यावसायिकदृष्ट्या आंबा निर्यात समुद्रमार्गे करण्याचा यशस्वी प्रयत्न करण्यात येत आहे. पणन मंडळाच्या आंबाविषयक सर्व सुविधा संगणक प्रणालीद्वारे मॅगोनेटमध्ये नोंदणीकृत शेतकऱ्यांसोबत आणि पॅकहाऊससोबत लिंकिंग करण्यात आल्या आहेत. यामुळे आयातदारास आंब्याच्या गुणवत्तेबाबत हमखास खात्री मिळत आहे आणि निर्यातवृद्धीस देखील मदत होत आहे.