[VIDEO] पंतप्रधान मोदींनी पुण्यात आळवला कलम ३७०चा राग, पाहा मोदींची संपूर्ण सभा

पंतप्रधान मोदींनी पुण्यात आळवला कलम ३७०चा राग   |  फोटो सौजन्य: Facebook

पुणे: पंतप्रधान नरेंद्र मोदी यांनी विधानसभा निवडणुकीच्या पार्श्वभूमीवर राज्यात सभांचा धडाका सुरु केलं आहे. आज (गुरुवार) त्यांनी राज्यात तीन सभा घेतल्या. त्यातील तिसरी आणि शेवटची सभा त्यांनी पुण्यात घेतली. यावेळी त्यांनी पुण्यातही कलम ३७०चाच राग आळवला. 'कलम ३७० हटविण्याच निर्णय फार सोपा नव्हता. त्यासाठी बरेच प्रयत्न करावे लागले.' असंही मोदी यावेळी म्हणाले.  

दरम्यान, यावेळी पंतप्रधान मोदींनी असाही दावा केला की, 'देशात काही जण तरुणांना घाबरविण्याचा प्रयत्न करत आहेत. पण तरुणांनी घाबरण्याचं कारण नाही. कारण देशात मोठ्या प्रमाणात गुंतवणूक होत आहे. तसंच येत्या काही वर्षात आणखी आर्थिक गुंतवणूक होणार आहे.' असं मोदी पुण्यातील भाषणात म्हणाले. 

बातमीची भावकी

PM Modi Satara: महायुतीच्या सरकारनं अनेक योजना मार्गाी लावल्याः पंतप्रधान मोदी

Modi-Modi: 'मोदी-मोदी'चा जयघोष केला तरच उघडणार घराचा दरवाजा

Modi-Modi: 'मोदी-मोदी'चा जयघोष केला तरच उघडणार घराचा दरवाजा

पाहा पंतप्रधान नरेंद्र मोदी यांची पुण्यातील सभा:  

पंतप्रधान नरेंद्र मोदींच्या पुण्यातील सभेतील महत्त्वाचे मुद्दे:

1. पुण्याने मला नेहमीच भरभरून साथ दिली आहे. 
2. पुणेने भाजपला, महायुतीला कायमच जनादेश दिला आहे. 
3. आता फक्त पाच महिने झाले आहेत, पाच वर्षासाठी तुम्ही सरकार निवडून दिलं आहे. 
4. आम्ही सक्षमपणे निर्णय घेतले. बदल होत आहेत. संपूर्ण जगात भारताचा डंका पिटला जात आहे. 
5. 130 भारतीयांमुळे जगात भारताचं नाव सन्मानाने घेतलं जातं. 
6. कलम ३७० रद्द करण्याचा निर्णय सोपा नव्हता. त्यासाठी खूप प्रयत्न करावे लागले. 
7. कोणी कितीही घाबरविण्याचे प्रयत्न केले तरी घाबरु नका, मागील पाच वर्षात गुंतवणूक प्रचंड वाढली आहे. 
8. भारतात व्यवसायाला चालना देण्यासाठी सरकारी योग्य निर्णय घेतले आहे. 
9. तंत्रज्ञानामुळे रोजगारााच्या संधी येणार, काळजी करु नका 
10. पुण्यात मेट्रोचं जाळं वाढणार आहे, ट्रॅफिकची समस्या कमी होणार 
11. उडान योजनेमुळे महाराष्ट्रातील नऊ शहरं एकमेकांना जोडली गेली आहेत. 
12. ५ वर्षात गुंतवणूक पाचपट वाढली 
13. आज आपलं रुपे कार्ड हा जगात एक ब्रँड बनला आहे. 
14. मी २०१९  लोकसभा निवडणुकच्या प्रचार सभेत म्हटलं होतं. देशाला लुटणाऱ्यांना तुंरुंगाच्या दरवाज्यापर्यंत नेलं होतं. निवडून आल्यानंतर मी त्यांना जेलमध्ये टाकलं, ज्यांनी देशाला लुटलं त्यांच्यासोबत असं घडलं पाहिजे की नाही? 
15. मागील ५ वर्षात देवेंद्र फडणवीस यांनी स्वच्छ आणि स्थिर सरकार दिलं.