Live Updates: राज ठाकरेंच्या सभेला सुरुवात; औरंगाबादच्या नामांतराचा प्रश्न राजकारणासाठी जिवंत
अयोध्या (Ayodhya) दौरा रद्द झाल्यनंतर आज मनसे अध्यक्ष (MNS president) राज ठाकरे (Raj Thackeray) पुण्यातून टीकेच्या तोफगोळेचा मारा विरोधकांवर करत आहेत. पुण्यातील गणेश कला क्रीडा मंच (Ganesh Kala Krida Manch) सभागृहात ही सभा होत आहे.
राज ठाकरेंच्या सभेला सुरुवात; अयोध्याचा विरोध एक जाळं | फोटो सौजन्य: Times Now
Raj Thackeray Rally Live updates: पुणे : अयोध्या (Ayodhya) दौरा रद्द झाल्यनंतर आज मनसे अध्यक्ष (MNS president) राज ठाकरे (Raj Thackeray) पुण्यातून टीकेच्या तोफगोळेचा मारा विरोधकांवर करत आहेत. पुण्यातील गणेश कला क्रीडा मंच (Ganesh Kala Krida Manch) सभागृहात ही सभा होत आहे. राज ठाकरेंच्या अयोध्येचा दौऱ्याला उत्तर प्रदेशमधील (Uttar Pradesh) भाजप खासदार (BJP MP) बृजभूषण सिंह (Brijbhushan Singh) यांनी विरोध केला होता. त्यावरही राज ठाकरे बोलणार आहेत. याशिवाय गेल्या काही दिवसांपासून महाविकास आघाडी राज ठाकरेंच्या निशाण्यावर आहे. तर मुख्यमंत्र्यांनी राज ठाकरेंना मुन्नाभाईची उपमा दिली होती. यामुळे मुख्यमंत्री उद्धव ठाकरेही निशाण्यावर राहणार आहेत.
बातमीची भावकी
पुण्यात राज ठाकरे सभेला संबोधित करत आहेत. अयोध्या दौरा तूर्तास स्थगित केल्यानंतर या दौऱ्याबाबत ते सभेत सविस्तर भूमिका मांडणार आहेत. दरम्यान, सभेसाठी आलेल्या काही अंध विद्यार्थ्यांना राज ठाकरेंनी स्टेजवर बोलावत त्यांना स्टेजवरच खुर्च्यांवर बसवले. त्यांच्या या कृतीचे मनसैनिकांनी जोरदार टाळ्या वाजवत स्वागत केले.
महाराष्ट्र नवनिर्माण सेनामहाराष्ट्र नवनिर्माण सेनेचे अध्यक्ष मा. श्री. राजसाहेब ठाकरे यांच्या पुणे येथील जाहीर सभेचे थेट प्रक्षेपण. Posted by MNS Adhikrut on Saturday, May 21, 2022
Raj Thackeray Rally LIVE UPDATES : सभेतील काही मुद्दे
- आपल्या सभांना हॉल, सभागृह पुरवडत नाही. एसपी कॉलेजनेही आपल्याला हॉल देण्यास नकार दिला. आम्ही कोणालाच सभागृह देत नाही, असे त्यांनी सांगितले. त्यामुळे आम्हाला नाही तर ते सभागृह आता कोणालाच नाही.
- पुण्यात मैदानावर जाहीर सभा घ्यायची होती. मात्र, पावसाची शक्यता होती. म्हटल आता निवडणुका नाही तर उगीच भिजत सभा कशाला घ्यायच्या, असा सवाल करत राज ठाकरेंनी शरद पवारांना टोला लगावला.
- माझ्या हीपबोनवर एक तारखेला शस्त्रक्रिया होणार आहे.
- अयोध्या दौरा स्थगित झाल्याने अनेकांना आनंद झाला. अनेकांनी कुस्तित टीका केली. मात्र, या दौऱ्यावर टीका करणाऱ्या सर्वांना रसद महाराष्ट्रातून पुरवली गेली. ज्यांना माझी अयोध्या वारी खुपली, त्या सर्वांनी याचा आराखडा रचला होता.
- राज ठाकरे सभास्थळाकडे रवाना
- अमित ठाकरे सभास्थळी दाखल, थोड्याच वेळात राज ठाकरे सभास्थळी पोहोचणार.
- साधरण सकाळी 11 वाजता सभा सुरू होणार
- राज ठाकरेंच्या निशाण्यावर आज कोण? राज ठाकरे काय बोलणार? याकडे सर्वांच्या नजरा
- बाबरी मस्जिदीचा ढाचा उद्ध्वस्त केल्यानंतर अयोध्येत काही कारसेवकांचीही जाळून हत्या करण्यात आली होती. ती जागाही मला पाहायची होती.
- अयोध्या दौऱ्याला विरोध असतानाही मी तिकडे गेलो असतो आणि काही झाले असते तर मनसैनिकही तिकडे भिडले असते. त्यानंतर त्यांना केसेसमध्ये अडकवण्याचा ट्रॅप होता. मी माझे मनसैनिक असे हकनाक अडकू देणार नाही.
- ब्रिजभूषण सिंह यांना इतक्या वर्षानंतर कशी काय जाग आली? युपीच्या मुख्यमंत्र्यांना आव्हान देण्याची त्यांची हिंमत कशी झाली? हा सगळा आपल्याला अडकवण्याचा डाव होता. हे राजकारण समजून घेणे गरजेचे आहे.
- मनसेचे हिंदुत्व हे रिझल्ट देणार आहे. मात्र, मुख्यमंत्री कोणाच हिंदुत्व खरे आणि कोणाचे खोटे, अशी पोरकट भाषा करत आहे. त्यांनी रिझल्ट दाखवावा.
- उद्धव ठाकरेंच्या अंगावर आंदोलन केल्याची एक तरी केस आहे का? ते कोणती भूमिकाच घेत नाही.
मुख्यमंत्री म्हणतात, औरंगाबादचे संभाजी नगर असे नामांतर करण्याची आवश्यकता काय? पण मुख्यमंत्री आहेत तरी कोण? केवळ त्यांच्या बोलण्याने होत असत का?, असा सवाल राज ठाकरेंनी केला. नामांतर करायचे असते तर आतापर्यंत झाले असते. मात्र, शिवसेनेला केवळ राजकारणासाठी या मुद्द्याचा वापर करायचा आहे.