ऐन उन्हाळ्यात डोंबिवलीत विजेचा पुरवठा सहा तास बंद

ठाणे
रोहन जुवेकर
Updated May 06, 2022 | 11:11 IST

no power supply in Dombivli for six hours : ठाणे जिल्ह्यातील डोंबिवली येथे आज (शुक्रवार ६ मे २०२२) सकाळी सहा ते दुपारी बारा अशा सहा तासांसाठी विजेचा पुरवठा बंद राहणार आहे.

no power supply in Dombivli for six hours
ऐन उन्हाळ्यात डोंबिवलीत विजेचा पुरवठा सहा तास बंद 
थोडं पण कामाचं
  • ऐन उन्हाळ्यात डोंबिवलीत विजेचा पुरवठा सहा तास बंद
  • डोंबिवली येथे आज (शुक्रवार ६ मे २०२२) सकाळी सहा ते दुपारी बारा विजेचा पुरवठा बंद
  • महावितरण कंपनीने माहिती दिली

no power supply in Dombivli for six hours : डोंबिवली : ठाणे जिल्ह्यातील डोंबिवली येथे आज (शुक्रवार ६ मे २०२२) सकाळी सहा ते दुपारी बारा अशा सहा तासांसाठी विजेचा पुरवठा बंद राहणार आहे. या कालावधीत विजेचा पुरवठा करणाऱ्या तारांची आणि इतर उपकरणांची देखभाल दुरुस्ती केली जाईल. महावितरण कंपनीने ही माहिती दिली. ऐन उकाड्यात वीज पुरवठा सहा तास बंद राहणार असल्यामुळे नागरिक त्रस्त आहेत.

डोंबिवलीला विजेचा पुरवठा करणारे सहा फीडर बंद करून वीज पुरवठा बंद केल्याची माहिती महावितरण कंपनीने दिली. डोंबिवली पूर्वेतील सावरकर रोड, तुकारामनगर, पी ॲन्ड टी कॉलनी, नांदिवली, पांडुरंगवाडी, आगरकर रस्ता,टिळकनगर,चार रस्ता आणि डोंबिवली पश्चिमेतील नवापाडा, गरीबाचापाडा, जय हिंद कॉलनी, गुप्ते रस्ता, शास्त्रीनगर येथे विजेचा पुरवठा बंद आहे; असे महावितरण कंपनीने सांगितले.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी