Thane potholes: "साहेब दया करा अन् खड्डे बुजवा" बस चालकाची मुख्यमंत्री एकनाथ शिंदेंना विनंती
Thane potholes: राज्यात गेल्या काही दिवसांपासून मुसळधार पाऊस पडत आहे. या मुसळधार पावसामुळे जागोजागी रस्त्यांवर खड्डे पडल्याचं पहायला मिळत आहे. या खड्ड्यांमुळे वाहनचालकांना मोठा त्रास होत आहे.
थोडं पण कामाचं
- मुख्यमंत्र्यांच्या ठाणे जिल्ह्यात रस्त्यांवर खड्ड्यांचं साम्राज्य
- रस्त्यांवरील खड्ड्यांमुळे वाहनचालक संतप्त
- खड्डे बुजवण्याची आणि रस्ते तात्काळ दुरुस्त करण्याची नागरिकांची मागणी
ठाणे : राज्यातील विविध भागांत गेल्या काही दिवसांपासून मुसळधार पाऊस पडत आहे. मुसळधार पावसामुळे मुंबई, ठाणे, कल्याण डोंबिवली सारख्या इतरही भागांत रस्ते खड्डेमय झाल्याचं पहायला मिळत आहे. रस्त्यांवर खड्डे की खड्ड्यांत रस्ते अशी स्थिती निर्माण झाली आहे. अशीच परिस्थिती मुख्यमंत्री एकनाथ शिंदे यांच्या ठाण्याला लागून असलेल्या भिवंडीत दिसून येत आहे. भिवंडीतील एका बस चालकाचा व्हिडिओ जोरदार व्हायरल होत आहे ज्यामध्ये त्या बस चालकाने मुख्यमंत्र्यांना खड्डे बुजवण्याची विनंती केली आहे.
व्हायरल व्हिडिओत दिसत आहे की, एक बस चालक गाडी चालवत असताना मुख्यमंत्री एकनाथ शिंदे यांना भिवंडीतील खड्डेमय रस्ता दाखवत आहे आणि हे खड्डे तात्काळ दुरुस्त करण्याची विनंती देखील करत आहे.
बातमीची भावकी
