Bhagat Singh koshyari यांच्या विरोधात शिवसेनेची संसदेच्या आवारात निदर्शने

गावगाडा
Updated Dec 08, 2022 | 13:22 IST

Shivsena : छत्रपती शिवाजी महाराजांबद्दल अवमानकारक वक्तव्य केल्याने महाराष्ट्राच्या राज्यपाल भगतसिंग कोश्यारींना हटवण्याच्या मागणीसाठी शिवसेना (ठाकरे गट) खासदारांनी संसदेच्या आवारात निदर्शने केली.

थोडं पण कामाचं
  • शिवसेना खासदारांचा संसदेसमोर राज्यपालांचा निषेध
  • राज्यपालांना हटवण्याची मागणी
  • सलग दुसऱ्या दिवशी ठाकरे गटाचे खासदार आक्रमक

नवी दिल्ली : छत्रपती शिवाजी महाराज, महात्मा फुले यांच्याबद्दल वारंवार आक्षेपार्ह विधान करुन चर्चेत असणारे राज्यपाल भगतसिंग कोश्यारी यांच्या विरोधात शिवसेनेचे ( ठाकरे गट) खासदार आक्रमक झाले असून त्यांनी संसद आवारात राज्यपालांचा निषेध केला. यावेळी शिवसेनेचे खासदार अरविंद सावंत, राजन विचारे, विनायक राऊत, ओमराजे नाईक-निंबाळकर उपस्थित होते(Shiv Sena MP aggressive against Governor in Delhi)

संसदेच्या हिवाळी अधिवेशनाच्या पहिल्याच दिवशी काल शिवसेना आणि राष्ट्रवादी काॅंग्रेसच्या खासदारांनी आक्रमक भूमिका घेतली. महाराष्ट्राचे आराध्यदैवत छत्रपती शिवाजी महाराज यांच्या संसद भवनाच्या परिसरातील पुतळ्यासमोर कर्नाटक सरकारच्या दडपशाहीचा निषेध केला. बीदर,भालकी,बेळगाव,कारवार, निपाणीसह संयुक्त महाराष्ट्र झालाच पाहिजे या घोषणाही दिल्या. यावेळी शिवसेनेचे खासदार अरविंद सावंत, राजन विचारे, विनायक राऊत, राष्ट्रवादी काँग्रेसचे खासदार सुनिल तटकरे, डॉ अमोल कोल्हे उपस्थित होते.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी