ट्रेंडिंग:

संजय राऊत हा बावळट, आमच्या मतांवर निवडून आलेला चोर; गुलाबराव पाटलांची जीभ घसरली

Gulabrao patil Vs Sanjay Raut: ठाकरे गटाचे खासदार संजय राऊत (MP Sanjay Raut) यांच्यावर घणाघाती टीका करताना राज्याचे पाणीपुरवठा मंत्री गुलाबराव पाटील (Gulabrao Patil) यांची जीभ घसरली. संजय राऊत हा बावळट आहे. आमच्या मतांवर निवडून आलेला चोर आहे, अशा शब्दांत गुलाबराव पाटलांनी संजय राऊत यांच्यावर निशाणा साधला आहे.

Updated Jun 6, 2023 | 03:12 PM IST

Gulabrao patil Vs Sanjay Raut, Shiv sena, Maharashtra news

Gulabrao patil Vs Sanjay Raut: संजय राऊत हा बावळट आहे, तो आमच्या मतांवर निवडून आलेला चोर आहे. असा एकेरी उल्लेख खासदार संजय राऊत यांच्याबाबत करून यापूर्वी देशात कोणताच पक्ष फुटला नाही का? उठसूठ 40 आमदार संपवून टाकू म्हणणारे राऊत कोण लागले? असा सवाल राज्याचे पाणी पुरवठामंत्री गुलाबराव पाटील यांनी केला आहे. संजय राऊत हा चोरटा आहेत, आधी राजीनामा दे मग बोल, अशी खोचक शब्दांत शिवसेना शिंदे गटाचे मंत्री गुलाबराव पाटील यांनी टीका केली आहे.

संजय राऊत म्हणतात आमदार शिवसेनेच्या मतांवर निवडून आले आहेत. तुमचा बाप आम्हाला निवडून द्यायला आला होता का, असाही प्रतिप्रश्न गुलाबराव पाटील यांनी यावेळी केला. गुलाबराव पाटील जळगाव येथे बोलत होते.

तर बापाचं नाव लावणार नाही...

तुमच्या छाताड्यात भगवा झेंडा घालून गुलाबराव पाटील पुन्हा निवडून येणार असा शब्दात गुलाबराव पाटील यांनी विरोधकांना थेट आव्हान दिले आहे. ते म्हणाले, गुलाबराव पाटलाच्या नादी लागू नका, अन्यथा पळता मुश्किल करून टाकेल. हिम्मत असेल तर ठाकरे गटाचे तिकीट घेऊन निवडणुकीत उतरून दाखवा. चारी मुंड्या चित केले नाही तर बापाचं नाव लावणार नाही.

कार्यकर्ते व तरुण हे माझे चार्जिंग मशीन

गुलाबराव पाटलांची हवा संपली असल्याची टीका विरोधकांकडून केली जात होती. मात्र, कार्यकर्ते व तरुण हे माझे चार्जिंग मशीन असून तुमच्या छाताड्यात भगवा झेंडा घालून गुलाबराव पाटील पुन्हा निवडून येणार असल्याचा विश्वास व्यक्त करत गुलाबराव पाटलांनी ठाकरे गटावर जोरदार निशाणा साधला आहे.

गुलाबराव पाटलाला संपवायला तुमचे बाप जादे जरी खाली उतरले तरी गुलाबराव पाटलांचे प्रेम विकत घेऊ शकणार नाही. तुमच्याकडे नोटा वाटायची ताकद असेल तर आमच्याकडे नोटा हिसकवण्याची धमक असल्याचेही गुलाबराव पाटलांनी म्हटले आहे.

दरम्यान, ठाकरे गटाचे संपर्कप्रमुख गुलाबराव वाघ यांनी हिंमत असेल तर ठाकरे गटाचे तिकीट घेऊन निवडणुकीत उतरून दाखवावे त्यांना चारी मुंड्याची केले नाही तर बापाचं नाव लावणार नाही असे थेट आवाहन दिले आहे.

भाषणात गुलाबराव पाटील भावुक

ज्यांना मी मोठा केलं तेच लोक आता मला शिकवत आहेत. माझ्यापासून तुम्ही फुटले असाल पण जनता माझ्यापासून फुटलेली नाही, याचा मला अभिमान आहे, असे सांगत गुलाबराव पाटील भावुक झाले. ज्यांना मी मोठा केलं तेच लोक आता मला शिकवत असून माझ्या आयुष्यात मला फार वाईट अनुभव आला आहे, मात्र माझ्यापासून तुम्ही फुटले असाल पण जनता माझ्यापासून फुटली नाही याचा गर्व आपल्याला असल्याचे म्हणत दुरावलेल्या कार्यकर्त्यांबाबत बोलताना मंत्री गुलाबराव पाटील हे भावुक झाले होते.

उद्धव ठाकरे यांच्याशी आमचे वाईट नाही

उद्धव ठाकरेंनी काँग्रेस व राष्ट्रवादीचा विचार पकडल्याने आमचा विरोध होता. काँग्रेसची फारकत घेऊन आम्ही बाळासाहेबांच्या विचारांना तेवत ठेवले आहे आणि तुम्ही बाळासाहेबांच्या विचारांना फारकत दिल्याने आम्ही पक्ष सोडला, असे देखील यावेळी गुलाबरावांनी स्पष्ट केले.

ताज्या बातम्या

Vivo Price Drop: महिन्याभरात दुसऱ्यांदा स्वस्त झाले Vivo चे हे 2 स्मार्टफोन, जाणून घ्या नवीन किंमत

Rahu Ketu Gochar 2023: दिवाळीपूर्वी राहू-केतूचे मोठे संक्रमण, या 5 राशी होणार मालमाल

IIT Bombay: मुंबई IIT मध्ये शाकाहार-मांसाहारावरून पुन्हा वाद! मांसाहार करणाऱ्या विद्यार्थ्याला 10 हजारांचा दंड

Nanded Government Hospital Deaths: नांदेडमध्ये मृत्यूचं थैमान! आणखी 7 जणांचा मृत्यू, 4 बालकांचा समावेश; अशोक चव्हाण यांचं ट्वीट

Asian Games 2023: यशस्वी जैस्वालने इतिहास रचला! आशियाई क्रीडा स्पर्धेत शतक झळकावणारा पहिला भारतीय

इक्सिगोची 'इक्सिगो अशुअर्ड' सेवा, निवडक आंतरराष्‍ट्रीय फ्लाइट बुकिंग्‍जवर मिळणार Complete Refund Facility

Lok Sabha Election 2024: काँग्रेस नेत्या प्रियंका गांधी महाराष्ट्रातून लोकसभा निवडणूक लढवणार?

Nanded News: नांदेडच्या शासकीय रुग्णालयात नेमकं काय घडलं? रुग्णालय प्रशासनानं सांगितलं कारण

बातमी समाप्त

व्हिडिओ