ट्रेंडिंग:

Sharad Pawar Death Threat: मोठी बातमी! तुमचा लवकरच दाभोलकर होणार, शरद पवार यांना जीवे मारण्याची धमकी

Sharad Pawar Death Threat: राष्ट्रवादी काँग्रेसचे (NCP) सर्वेसर्वा शरद पवार (Sharad Pawar) यांना जीवे मारण्याची धमकी मिळाली आहे. यामुळे मोठी खळबळ उडाली आहे. शरद पवार यांना मायक्रो साईट ट्विटरच्या (Twitter) माध्यमातून जीवे मारण्याची धमकी (Death Threat) मिळाली आहे.

Updated Jun 9, 2023 | 01:56 PM IST

Sharad Pawar, NCP Chief Sharad pawar, death threats, Mumbai

Sharad Pawar Death Threat: राष्ट्रवादी काँग्रेसचे (NCP) सर्वेसर्वा शरद पवार (Sharad Pawar) यांना जीवे मारण्याची धमकी मिळाली आहे. यामुळे मोठी खळबळ उडाली आहे. शरद पवार यांना मायक्रो साईट ट्विटरच्या (Twitter) माध्यमातून जीवे मारण्याची धमकी (Death Threat) मिळाली आहे. राष्ट्रवादीच्या खासदार आणि शरद पवार यांची कन्या सुप्रिया सुळे यांनी यांच्या नेतृत्त्व पक्षाच्या शिष्टमंडळाने मुंबई पोलिस आयुक्तांची भेट घेतली. या प्रकरणी पोलिसांत तक्रार दाखल करण्यात आली आहे. शरद पवार यांना जीवे मारण्याची धमकी देणाऱ्या ट्विटर हँडलवर कारवाई करण्याची मागणी करण्यात आली आहे.

तुमचा लवकरच दाभोलकर होणार...

शरद पवार यांना सोशल मीडियावर 'तुमचा लवकरच दाभोलकर होणार' अशी धमकी मिळाली आहे. खासदार सुप्रिया सुळे आणि राष्ट्रवादीच्या शिष्टमंडळाने शु्क्रवारी मुंबई पोलीस आयुक्तांची भेट घेत तात्काळ कारवाई करण्याची मागणी केली. सोशल मीडियावर आलेल्या त्या धमकीच्या स्क्रीन शॉटची झेरॉक्स कॉपी पोलिस आयुक्तांना देण्यात आली. यावेळी खासदार सुप्रियाताई सुळे यांच्या समवेत मुंबई विभागीय राष्ट्रवादी काँग्रेसचे कार्याध्यक्ष नरेंद्र राणे, राखी जाधव, प्रदेश सरचिटणीस अदिती नलावडे, राष्ट्रीय प्रवक्ते क्लाईड क्रास्टो आदींसह पक्षाचे इतर पदाधिकारी उपस्थित होते.

शरद पवारांना धमकी देणारा भाजपचा कार्यकर्ता...

शरद पवार यांना धमकी देणाऱ्याची ओळख पटली आहे. सौरभ पिंपळकर असे त्याचे नाव असून तो अमरावती शहरातील असल्याची माहिती समोर आली आहे. सौरभ पिंपळकर हा अमरावती शहरातील गोपाल नगर भागात राहातो. तो भाजप युवा मोर्चाचा पदाधिकारी असल्याचे समजते. सौरभ पिंपळकर याच्या प्रत्येक हालचालीवर पोलिस लक्ष ठेवून आहेत, अशी माहिती अमरावतीचे पोलिस आयुक्त नवीनचंद्र रेड्डी यांनी दिली आहे.

दरम्यान, खासदार सुप्रिया सुळे म्हणाल्या, शरद पवार यांनी स्वत: जीवे मारण्याची धमकी मिळाल्याचे व्हॉट्सअॅपकरून कळवले. शरद पवार यांना एका वेबसाइटच्या माध्यमातून धमकी मिळाली आहे. आम्ही पोलिसांकडे न्याय मिळवून देण्याची मागणी केली आहे. या प्रकरणी महाराष्ट्राचे गृहमंत्री देवेंद्र फडणवीस आणि केंद्रीय गृहमंत्री अमित शहा यांनी लक्ष घालावे, अशी मागणी सुप्रिया सुळे यांनी केली आहे.

सुप्रिया सुळे म्हणाल्या, शरद पवार यांना आलेली धमकी ही दुर्देवी आहे. राजकारणामध्ये मतभेद नक्की असू शकता. पण, द्वेष पसरवला जात आहे. हे अत्यंत गंभीर आहे. इतका द्वेष कशासाठी पसरवला जात आहे? हे गुंडाराज आहे. असे असेल तर याविरुद्ध तत्काळ कारवाई गरजेची आहे, अशी मागणी सुप्रिया सुळे यांनी केली आहे.

पवार साहेबांना काही झालं तर...

मला न्याय हवा आहे, याच अपेक्षेने मी पोलिस आयुक्ताची भेट घेतली. पवार साहेबांना सुरक्षा देण्याची जबाबदारी महाराष्ट्र आणि देशाच्या गृहमंत्रालयाची आहे. पवारा साहेबांना काही झालं तर ती राज्य सरकार आणि केंद्र सरकारची जबाबदार असेल, असेही सुप्रिया सुळे यांनी यावेळी सांगितले.

काय म्हणाले देवेंद्र फडणवीस?

शरद पवारांना जीवे मारण्याची धमकी आल्याच्या पार्श्वभूमीवर राज्याचे गृहमंत्री देवेंद्र फडणवीस म्हणाले, महाराष्ट्रात एक उच्च परंपरा आहे. राजकीय मतभेद असले तरी मनभेद नाहीत. कोणत्याही नेत्याला धमक्या देणे किंवा समाजमाध्यमांवर व्यक्त होताना मर्यादा ओलांडणं हे खपवून घेणार नाही. या प्रकरणी पोलिस निश्चितपणे कायद्यानुसार कारवाई करतील.

Supriya Sule Sharad pawar death threats — Supriya Sule, Sharad pawar, death threats

राष्ट्रवादी आंदोलन करणार

भाजपचे नेते निलेश राणे यांनी शरद पवार यांना औरंगजेब असे संबोधले होते. निलेश राणे यांनी केलेल्या ट्वीटचा राष्ट्रवादी काँग्रेसच्या कार्यकर्त्यांनी निषेध केला आहे. जेल भरो आंदोलनाचा इशारा राष्ट्रवादीच्या कार्यकर्त्यांनी दिला आहे.

एनसीपीचे प्रवक्ता महेश तपासे यांनी सांगितले, की निलेश राणे यांना 24 तासांत ट्वीट डिलीट करावे. भाजपचे राष्ट्रीय अध्यक्ष जेपी नड्डा आणि प्रदेशाध्यक्ष चंद्रशेखर बावनकुळे हे निलेश राणे यांच्या वक्तव्याशी सहमत आहेत का, असा सवाल देखील महेश तपासे यांनी उपस्थीत केला आहे.

जेल भरो आंदोलन

भाजप नेते निलेश राणे यांनी शरद पवार यांची माफी मागावी, अशी मागणी राष्ट्रवादीचे पदाधिकारी आणि कार्यकर्त्यांनी केली आहे. शुक्रवारी दक्षिण मुंबईतील एमआरए मार्ग पोलिस स्टेशनमध्ये राष्ट्रवादीकडून जेल भरो आंदोलन करण्यात येणार आहे.

ताज्या बातम्या

IIT Bombay: मुंबई IIT मध्ये शाकाहार-मांसाहारावरून पुन्हा वाद! मांसाहार करणाऱ्या विद्यार्थ्याला 10 हजारांचा दंड

Nanded Government Hospital Deaths: नांदेडमध्ये मृत्यूचं थैमान! आणखी 7 जणांचा मृत्यू, 4 बालकांचा समावेश; अशोक चव्हाण यांचं ट्वीट

Asian Games 2023: यशस्वी जैस्वालने इतिहास रचला! आशियाई क्रीडा स्पर्धेत शतक झळकावणारा पहिला भारतीय

इक्सिगोची 'इक्सिगो अशुअर्ड' सेवा, निवडक आंतरराष्‍ट्रीय फ्लाइट बुकिंग्‍जवर मिळणार Complete Refund Facility

Lok Sabha Election 2024: काँग्रेस नेत्या प्रियंका गांधी महाराष्ट्रातून लोकसभा निवडणूक लढवणार?

Nanded News: नांदेडच्या शासकीय रुग्णालयात नेमकं काय घडलं? रुग्णालय प्रशासनानं सांगितलं कारण

इझमायट्रिपने स्‍मार्ट वॉईस रेकग्निशन टेक्‍नॉलॉजी केली लाँच, ट्रॅव्‍हल बुकिंग अनुभवाला नव्‍या उंचीवर घेऊन जाणार

धक्कादायक! बोरिवलीहून विरारला जाणाऱ्या लोकल ट्रेनवर दगडफेक, एसी लोकलच्या फोडल्या काचा

बातमी समाप्त

व्हिडिओ