ट्रेंडिंग:

Sharad Pawar : जीवे मारण्याच्या धमकीनंतर शरद पवारांची पहिली प्रतिक्रिया, म्हणाले 'धमक्या देऊन....'

Sharad Pawar death threat case: शरद पवारांना जीवे मारण्याची धमकी देण्यात आल्याने एकच खळबळ उडाली आहे. प्रकरणी पोलिसांनी कारवाई सुरू केली असून आता शरद पवारांची पहिली प्रतिक्रिया समोर आली आहे.

Updated Jun 9, 2023 | 04:19 PM IST

Sharad Pawar : जीवे मारण्याच्या धमकीनंतर शरद पवारांची पहिली प्रतिक्रिया, म्हणाले 'धमक्या देऊन....'

Sharad Pawar news: राष्ट्रवादी काँग्रेस पक्षाचे सर्वेसर्वा शरद पवार (NCP Chief Sharad Pawar) यांना सोशल मीडियातून जीवे मारण्याची धमकी देण्यात आली आहे. या धमकीमुळे महाराष्ट्रात एकच खळबळ उडाली आहे. या प्रकरणात पोलिसांत तक्रार दाखल झाल्यावर चौकशी सुरू करण्यात आली आहे. धमकी प्रकरणात शरद पवारांची पहिली प्रतिक्रिया समोर आली आहे. (Sharad Pawar First Reaction after death threat)

काय म्हणाले शरद पवार?

धमकी प्रकरणात प्रतिक्रिया देताना शरद पवार म्हणाले, "धमकीची मला चिंता नाही. राज्याची सूत्र ज्यांच्या हातात आहेत त्यांना जबाबदारी टाळता येणार नाही. धमक्या देऊन कुणी आवाज बंद करु शकत नाही."

बातमीची भावकी

Sharad Pawar News Today : शरद पवारांना धमकी देणारा तरुण भाजपचा कार्यकर्ता? जाणून घ्या सौरभ पिंपळकर आहे तरी कोण?

मुख्यमंत्र्यांनी दिल्या तपासाच्या सूचना

मुख्यमंत्र्यांनी ट्विट करत प्रतिक्रिया दिली की, शरद पवार यांना ट्विटरवरुन आलेल्या धमकीची सरकारने गंभीर दखल घेतली असून वरिष्ठ पोलीस अधिकाऱ्यांशी मी स्वतः बोललो आहे, तपासाच्या सूचना दिल्या आहेत. शरद पवार हे ज्येष्ठ नेते असून, त्यांच्याबदल आम्हा सर्वांनाच आदर आहे. त्यांच्या सुरक्षेची संपूर्ण काळजी घेतली जाईल. आवश्यकता असल्यास सुरक्षा व्यवस्थेत वाढही करण्याच्या सूचना पोलिसांना दिल्या आहेत.

ज्येष्ठ नेते शरद पवार यांना ट्विटरवरुन आलेल्या धमकीची सरकारने गंभीर दखल घेतली असून वरिष्ठ पोलिस अधिकाऱ्यांशी मी स्वतः बोललो आहे, तपासाच्या सूचना दिल्या आहेत. @PawarSpeaks हे ज्येष्ठ नेते असून, त्यांच्याबदल आम्हा सर्वांनाच आदर आहे. त्यांच्या सुरक्षेची संपूर्ण काळजी घेतली जाईल.…
— Eknath Shinde - एकनाथ शिंदे (@mieknathshinde) June 9, 2023

गेल्या काही दिवसांपासून महाराष्ट्रातले वातावरण बिघडण्याचा जाणीवपूर्वक प्रयत्न काही लोकांकडून सुरु आहे. सर्वोच्च न्यायालयाचा निकाल आल्यापासून काही लोक बिथरले आहेत, त्यातून महाराष्ट्रातले वातावरण बिघडवण्याचे प्रयत्न सुरु आहेत. औरंगजेब, टिपू सुलतानाचे उदात्तीकरण करुन धार्मिक तणाव निर्माण करण्याचे प्रयत्न केले जात आहेत. हे प्रयत्न यशस्वी होऊ देणार नाही. आपल्या राजकारणासाठी महाराष्ट्रातली कायदा व सुव्यवस्था बिघडविण्याचे कारस्थान हाणून पाडले जाईल.

राष्ट्रवादी काँग्रेस पक्षाचे अध्यक्ष शरद पवार यांना ट्विटरच्या माध्यमातून आलेल्या जीवे मारण्याच्या धमकीबाबत पक्षाचे प्रदेशाध्यक्ष जयंतराव पाटील यांनी प्रतिक्रिया देताना म्हटलं, या घटनेची तातडीने दखल राज्याच्या प्रमुखांनी घ्यायला हवी तसेच यावर कडक उपाययोजना करण्याची आवश्यकता आहे. केवळ लिखाण आहे म्हणून साधी कलमे लावून संबंधित व्यक्तीला सोडण्याचा प्रयत्न करू नये, अशी विनंतीही त्यांनी केली. असे विचार करणारी जी प्रवृत्ती आहे त्यास पूर्ण प्रायश्चित देण्याचे काम राज्याच्या मुख्यमंत्र्यांनी व गृहमंत्र्यांनी करावे, अशी मागणी त्यांनी केली.

राष्ट्रवादी काँग्रेस पक्षाचे अध्यक्ष आदरणीय शरद पवार साहेब यांना ट्विटरच्या माध्यमातून आलेल्या जीवे मारण्याच्या धमकीबाबत पक्षाचे प्रदेशाध्यक्ष मा. जयंतराव पाटील यांनी माध्यमांसमोर आपली प्रतिक्रिया दिली. या घटनेची तातडीने दखल राज्याच्या प्रमुखांनी घ्यायला हवी तसेच यावर कडक… pic.twitter.com/Rq5gGHYoYY
— NCP (@NCPspeaks) June 9, 2023

अजित पवारांनी या प्रकरणी प्रतिक्रिया देत म्हटलं, आदरणीय पवार साहेबांना सोशल मिडियावर ‘तुमचा लवकरंच दाभोळकर होणार...’ अशी देण्यात आलेली धमकी, हे गंभीर प्रकरण आहे. केंद्र आणि राज्य सरकारनं या धमकीची गांभीर्यानं दखल घेऊन आरोपींना तातडीनं गजाआड करावं. धमकीमागचा खरा मास्टरमाईंड शोधावा. अशा विचारांच्या समाजविघातक शक्तींना वेळीच रोखावं, हेच राज्याच्या हिताचं असेल.

बातमीची भावकी

Sharad Pawar Death Threat: मोठी बातमी! तुमचा लवकरच दाभोलकर होणार, शरद पवार यांना जीवे मारण्याची धमकी

आदरणीय पवार साहेबांचं संरक्षण करण्यास महाराष्ट्रतील जनता समर्थ आहे. परंतु डॉ. दाभोळकरांची हत्या करणाऱ्या शक्ती राज्यात पुन्हा सक्रीय झाल्या आहेत, ही बाब अधिक चिंताजनक आहे. निवडणुका जवळ येऊ लागल्यानं यापुढे जात, धर्म, पंथ, प्रांत, भाषावादाचे असे मुद्दे उपस्थित करुन समाजात द्वेष निर्माण करण्याचे, दुही माजवण्याचे, मतांच्या ध्रुवीकरणाचे प्रयत्न होतील. ते हाणून पाडले जातील. देशातील जनता आता सावध आहे. समाजात द्वेष निर्माण करणाऱ्यांच्या भूलथापांना भुलणार नाही. कुणाच्याही कटकारस्थानांना बळी पडणार नाही.

शेतकऱ्यांचे प्रश्न, कष्टकऱ्यांच्या समस्या, महिलांवरील अत्याचार, वाढती महागाई, वाढती बेरोजगारी याच मुद्यांवर यापुढे महाराष्ट्र ठाम राहील. विकासाच्या मुद्यांवरुन महाराष्ट्राची जनता आता तसूभरही बाजूला हटणार नाही, असा विश्वासही विरोधी पक्षनेते अजित पवार यांनी व्यक्त केला आहे. आदरणीय पवार साहेबांना सोशल मिडियावरुन देण्यात आलेली जाहीर धमकी गंभीर मुद्दा असून, मुख्यमंत्री आणि उपमुख्यमंत्र्यांनी याची गांभीर्यानं दखल घ्यावी, या मागणीचा पुनरुच्चारही अजित पवार यांनी केला आहे.

ताज्या बातम्या

Vivo Price Drop: महिन्याभरात दुसऱ्यांदा स्वस्त झाले Vivo चे हे 2 स्मार्टफोन, जाणून घ्या नवीन किंमत

Rahu Ketu Gochar 2023: दिवाळीपूर्वी राहू-केतूचे मोठे संक्रमण, या 5 राशी होणार मालमाल

IIT Bombay: मुंबई IIT मध्ये शाकाहार-मांसाहारावरून पुन्हा वाद! मांसाहार करणाऱ्या विद्यार्थ्याला 10 हजारांचा दंड

Nanded Government Hospital Deaths: नांदेडमध्ये मृत्यूचं थैमान! आणखी 7 जणांचा मृत्यू, 4 बालकांचा समावेश; अशोक चव्हाण यांचं ट्वीट

Asian Games 2023: यशस्वी जैस्वालने इतिहास रचला! आशियाई क्रीडा स्पर्धेत शतक झळकावणारा पहिला भारतीय

इक्सिगोची 'इक्सिगो अशुअर्ड' सेवा, निवडक आंतरराष्‍ट्रीय फ्लाइट बुकिंग्‍जवर मिळणार Complete Refund Facility

Lok Sabha Election 2024: काँग्रेस नेत्या प्रियंका गांधी महाराष्ट्रातून लोकसभा निवडणूक लढवणार?

Nanded News: नांदेडच्या शासकीय रुग्णालयात नेमकं काय घडलं? रुग्णालय प्रशासनानं सांगितलं कारण

बातमी समाप्त

व्हिडिओ