Team India मध्ये कॅप्टनची रोहित शर्माची वापसी, Ravindra Jadejaला का नाही मिळाली जागा?
Ind vs WI : बीसीसीआयच्या वरिष्ठ निवड समितीने वेस्ट इंडिजविरुद्धच्या वनडे आणि टी-२० मालिकेसाठी भारतीय संघाची घोषणा केली आहे. 18 जणांच्या संघात रोहित शर्माचे पुनरागमन झाले आहे. पण स्टार अष्टपैलू रवींद्र जडेजाला संघात स्थान मिळालेले नाही.
Team India मध्ये कॅप्टनची रोहित शर्माची वापसी, Ravindra Jadejaला का नाही मिळाली जागा? | फोटो सौजन्य: BCCL
थोडं पण कामाचं
- 18 जणांच्या संघात रोहित शर्माचे पुनरागमन झाले आहे.
- वेस्ट इंडिजविरुद्ध तीन सामन्यांची एकदिवसीय मालिका
- रवींद्र जडेजाला टीममध्ये स्थान का नाही ? बीसीसीआयने हे उत्तर दिले आहे
मुंबई : बीसीसीआयच्या वरिष्ठ निवड समितीने वेस्ट इंडिजविरुद्धच्या वनडे आणि टी-२० मालिकेसाठी भारतीय संघाची घोषणा केली आहे. 18 जणांच्या संघात रोहित शर्माचे पुनरागमन झाले आहे. त्याला कर्णधार बनवण्यात आले आहे, तर केएल राहुल उपकर्णधार असेल. तीन सामन्यांची एकदिवसीय मालिका 6 ऑक्टोबरपासून अहमदाबादमध्ये खेळली जाईल, तर टी-20 मालिका 16 फेब्रुवारीपासून कोलकातामध्ये खेळली जाईल. (Captain Rohit Sharma's return to Team India, why Ravindra Jadeja did not get a place?)
दुखापतीमुळे दक्षिण आफ्रिका दौऱ्यावर जाऊ न शकलेला रोहित शर्मा संघाचे नेतृत्व करेल. माजी कर्णधार विराट कोहलीला दोन्ही संघात ठेवण्यात आले आहे. वेगवान गोलंदाज जसप्रीत बुमराह आणि मोहम्मद शमी यांना विश्रांती देण्यात आली आहे.
जडेजाचा समावेश का करण्यात आला नाही
स्टार अष्टपैलू रवींद्र जडेजाला संघात स्थान मिळालेले नाही. त्याला वनडे आणि टी-20 या दोन्ही संघात स्थान मिळालेले नाही. जडेजा अद्याप पूर्णपणे तंदुरुस्त नाही आणि त्यामुळेच त्याची निवड झालेली नाही.
बीसीसीआयने एका निवेदनात म्हटले आहे की, "जसप्रीत बुमराह आणि मोहम्मद शमी यांना विश्रांती देण्यात आली आहे, तर केएल राहुल फक्त दुसऱ्या वनडेसाठी उपलब्ध असतील. जडेजा गुडघ्याच्या दुखापतीतून सावरण्याच्या अंतिम टप्प्यात असून तो या मालिकेला मुकणार आहे. बीसीसीआय जडेजासोबत धोका पत्करू इच्छित नाही. जडेजाने पूर्णपणे तंदुरुस्त झाल्यानंतर संघात पुनरागमन करावे, अशी त्याची इच्छा आहे. श्रीलंकेविरुद्धच्या घरच्या मालिकेसाठी त्याची गरज भासणार आहे.
नोव्हेंबरपासून क्रिकेटच्या मैदानापासून दूर
जडेजाने शेवटचा आंतरराष्ट्रीय सामना नोव्हेंबर २०२१ मध्ये खेळला होता. न्यूझीलंडविरुद्धची कसोटी मालिका ही त्याची शेवटची मालिका होती. त्याच वेळी, तो 2 डिसेंबर 2020 रोजी ऑस्ट्रेलियाविरुद्ध शेवटचा एकदिवसीय सामना खेळला. 8 नोव्हेंबर 2021 रोजी त्याचा T20 मधला शेवटचा सामना होता. तो दोन महिन्यांपासून क्रिकेटच्या मैदानापासून दूर आहे.
बातमीची भावकी
संघ खालीलप्रमाणे आहेत.
एकदिवसीय संघ: रोहित शर्मा (कर्णधार), केएल राहुल (उपकर्णधार), रुतुराज गायकवाड, शिखर धवन, विराट कोहली, सूर्य कुमार यादव, श्रेयस अय्यर, दीपक हुडा, ऋषभ पंत (विकेटकीपर), दीपक चहर, शार्दुल ठाकूर, युझवेंद्र चहल , कुलदीप यादव, वॉशिंग्टन सुंदर, रवी बिश्नोई, मोहम्मद सिराज, प्रसिद्ध कृष्णा, आवेश खान.
T20 संघ: रोहित शर्मा (कर्णधार), केएल राहुल (उपकर्णधार), इशान किशन, विराट कोहली, श्रेयस अय्यर, सूर्य कुमार यादव, ऋषभ पंत (विकेटकीपर), व्यंकटेश अय्यर, दीपक चहर, शार्दुल ठाकूर, रवी बिश्नोई, अक्षर पटेल , युझवेंद्र चहल, वॉशिंग्टन सुंदर, मोहम्मद. सिराज, भुवनेश्वर कुमार, आवेश खान, हर्षल पटेल.