Chetan Sharma ने स्टिंग ऑपरेशनमध्ये केलेल्या दाव्याने खळबळ, BCCI करणार Game over? काय उचलणार पाऊल?
Chetan Sharma: भारतीय क्रिकेट टीमच्या राष्ट्रीय निवड समितीचे अध्यक्ष चेतन शर्मा यांनी स्टिंग ऑपरेशनमध्ये केलेल्या दाव्याने अनेक प्रश्न उपस्थित झाले आहेत.
Chetan Sharma ने स्टिंग ऑपरेशनमध्ये केलेल्या दाव्याने खळबळ, BCCI करणार Game over? काय उचलणार पाऊल? | फोटो सौजन्य: BCCL
BCCI secretary Jay Shah to take decision about Chetan Sharma: भारतीय क्रिकेट टीमचे चीफ सिलेक्टर म्हणजेच क्रिकेट टीमच्या राष्ट्रीय निवड समितीचे अध्यक्ष चेतन शर्मा (Chetan Sharma) यांच्या एक स्टिंग ऑपरेशनचा एक व्हिडिओ सोशल मीडियात व्हायरल झाला. या व्हिडिओत चेतन शर्मा यांनी अनेक धक्कादायक असे गौप्यस्फोट करण्यात आले आहेत.
चेतन शर्मा यांच्या स्टिंग ऑपरेशनचा व्हिडिओ समोर येताच भारतीय क्रिकेटच नाही तर संपूर्ण क्रिकेट विश्वात एकच खळबळ उडाली. चेतन शर्मा यांनी म्हटलंय की, टीम इंडियातील 80 ते 85 टक्के क्रिकेटर्स फिट असतात तर इतर क्रिकेटर इंजेक्शन घेऊन फिट होतात. कोणते इंजेक्शन डोपिंग टेस्टमध्ये पकडले जाईल आणि कोणते नाही. याबाबत त्यांना माहिती असते आणि त्यानुसार ते इंजेक्शन घेत असतात.
हे पण वाचा : स्पर्म डोनेट करा अन् 82 हजार रुपये मिळवा
चेतन शर्मा यांनी केलेल्या या दाव्याने खळबळ उडाली आहे. या प्रकरणात आता बीसीसीआय मोठी कारवाई करण्याची शक्यता वर्तवण्यात येत आहे. झी न्यूज द्वारे करण्यात आलेल्या या स्टिंग ऑपरेशनमध्ये चेतन शर्मा ने विराट कोहली आणि राहुल द्रविड यांच्याशी संबंधित पर्सनल गोष्टीही शेअर केल्या आहेत. तसेच विराट कोहली आणि सौरव गांगुली यांच्यातील वादावरही मोठे विधान केले आहे.
हे पण वाचा : रात्री न जेवल्याने वजन कमी होते का?
झी न्यूज ने बीसीसीआयच्या एका वरिष्ठ अधिकाऱ्याच्या हवाल्याने वृत्त दिलं आहे की, चेतन शर्मा यांच्या भविष्याच्या संदर्भात जय शहा अंतिम निर्णय घेतील.
असे म्हटले जात आहे की, बीसीसीआयने हे प्रकरण खूपच गांभीर्याने घेतलं आहे आणि आता चेतन शर्मा याच्या विरोधात कारवाई करण्याची शक्यता वर्तवण्यात येत आहे. या संदर्भात जय शहा लवकरच निर्णय घेणार असल्याचं बोललं जात आहे.
हे पण वाचा : तुम्ही सुद्धा पोटावर झोपता? होऊ शकतात हे नुकसान
चेतन शर्माने नेमकं काय म्हटलंय?
भारतीय क्रिकेटर्सला कोणते इंजेक्शन किती प्रमाणात आणि कधी घेतले तर डोपिंग टेस्टमध्ये दिसत नाही हे माहिती आहे. या माहितीचा क्रिकेटर्स व्यवस्थित वापर करत आहेत. अनफिट खेळाडू योग्य वेळी इंजेक्शन घेऊन 100 टक्के फिट असल्याचे दाखवतात. प्रत्यक्षात फिट नसूनही मैदानात उतरतात. भारतीय क्रिकेटमध्ये प्रत्येक जागेसाठी जबरदस्त स्पर्धा आहे. एकदा टीममधून बाद झालेल्या खेळाडूला पुन्हा स्थान मिळवणे कठीण झाले आहे. याच कारणामुळे भारतीय क्रिकेटर्स डोपिंग करत असल्याचे चेतन शर्मा यांनी स्टिंगमध्ये सांगितल्याचा दावा झी मीडियाने केला आहे.
बातमीची भावकी
