CWG 2022 मध्ये कुस्तीपटूंनी मारलं मैदान, बजरंग पुनियानंतर साक्षी मलिकनेही जिंकले गोल्ड

Commonwealth Games 2022: कॉमनवेल्थ गेम्स 2022 मध्ये भारतीय कुस्तीपटू आपले चमत्कार दाखवत आहेत. सर्वप्रथम, भारताची अंशू मलिक अंतिम सामन्यात पराभूत झाल्यानंतर रौप्यपदक जिंकणारी कुस्तीपटू ठरली. अंशू मलिक आणि बजरंग पुनिया यांच्या कुस्तीमधील अप्रतिम कामगिरीनंतर आता भारताच्या साक्षी मलिकनेही आपली चुणूक दाखवली आहे. रिओ ऑलिम्पिकमध्ये भारतासाठी कांस्यपदक जिंकणाऱ्या साक्षीने राष्ट्रकुल स्पर्धेत पहिले सुवर्ण जिंकले आहे. यासह भारताच्या खात्यात या स्पर्धेत एकूण 7 सुवर्णपदके आहेत. (Bajrang Punia got the first gold of wrestling, slogans of Bharat Mata Ki Jai resonated in the hall)

बजरंगला पहिले सुवर्ण मिळाले

भारताचा स्टार कुस्तीपटू बजरंग पुनिया याने आपल्या नावाप्रमाणे कामगिरी करत कुस्तीमध्ये भारताला पहिले सुवर्णपदक मिळवून दिले आहे. भारतासाठी हे राष्ट्रकुल स्पर्धेतील एकूण सहावे सुवर्णपदक आहे. बजरंगने 65 किलो वजनी गटात अंतिम फेरीत कॅनडाच्या लचलान मॅकगिलचा 9-2 असा पराभव केला. अंशू मलिकच्या रौप्यपदकानंतर बजरंगकडून सोन्याची अपेक्षा होती आणि त्याने ती पूर्ण केली आहे.

सलग दुसऱ्यांदा चमत्कार केले

भारतासाठी बजरंग पुनियाने सलग दुसऱ्यांदा राष्ट्रकुल क्रीडा स्पर्धेत सुवर्णपदकावर कब्जा केला आहे. याआधीही बजरंगने 2018 मध्ये सुवर्णपदक जिंकले होते. एवढेच नाही तर बजरंगने ऑलिम्पिक, वर्ल्ड चॅम्पियनशिप आणि आशियाई स्पर्धांमध्येही पदके जिंकली आहेत. कुस्तीतील पहिल्या सुवर्णासह भारताच्या खात्यात आता एकूण ६ सुवर्णपदके झाली आहेत.