IND vs BAN: बांगलादेश विरुद्धच्या पहिल्या टेस्ट मॅचपूर्वी टीम इंडियाला मोठा झटका
IND vs BAN Test series: भारत विरुद्ध बांगलादेश यांच्यात वन-डे सीरिज पार पडल्यावर आता टेस्ट सीरिजला सुरुवात होणार आहे. या टेस्ट सीरिजपूर्वी टीम इंडियाला धक्का देणारी बातमी समोर आली आहे.
IND vs BAN: बांगलादेश विरुद्धच्या पहिल्या टेस्ट मॅचपूर्वी टीम इंडियाला मोठा झटका (File Photo) | फोटो सौजन्य: AP
IND vs BAN Test match series: बांगलादेश विरुद्धच्या टेस्ट सीरिजपूर्वी टीम इंडियाला एक मोठा धक्का बसला आहे. रोहित शर्मा दुखापतीमुळे पहिल्या टेस्टमधून बाहेर झाला आहे. यामुळे बीसीसीआयने केएल राहुल याला पहिल्या टेस्ट मॅचसाठी कॅप्टन म्हणून निवडलं आहे. तर चेतेश्वर पुजारा याला टीमचा वाईस कॅप्टन निवडण्यात आलं आहे. भारत आणि बांगलादेश यांच्यात दोन टेस्ट मॅचेसची सीरिज होणार आहे. पहिली टेस्ट मॅच 14 डिसेंबरपासून सुरू होणार आहे. (IND vs BAN test series rohit sharma ruled outh of 1st test against bangladesh check updates in marathi)
बीसीसीआयने प्रसिद्ध केलेल्या एका निवेदनात म्हटले की, टीम इंडियाचा कॅप्टन रोहित शर्मा याला बांगलादेश विरुद्धच्या दुसऱ्या वन-डे मॅच दरम्यान डाव्या अंगठ्याला दुखापत झाली होती. या दुखापतीमुळे टीम मॅनेजमेंटने रोहित शर्माला विश्रांतीचा सल्ला दिला आहे. यामुळे बांगलादेश विरुद्धच्या पहिल्या टेस्ट मॅचमध्ये रोहित शर्मा टीम इंडियाचा भाग नसणार. तर दुसऱ्या टेस्ट मॅचमध्ये रोहित शर्मा खेळणार की नाही याबाबत मेडिकल रिपोर्ट आल्यावर स्पष्ट करण्यात येईल.
UPDATE 🚨: Changes to #TeamIndia’s squad for the Test series against Bangladesh. — BCCI (@BCCI) December 11, 2022
Rohit Sharma ruled out of 1st Test. KL Rahul to lead. Abhimanyu Easwaran named as replacement.
Mohd Shami & Ravindra Jadeja ruled out of Test series. Navdeep Saini and Saurabh Kumar replace them.
मोहम्मद शमी आणि रवींद्र जडेजा
केवळ रोहित शर्मा नाही तर या टेस्ट सीरिजमधून मोहम्मद शमी आणि ऑलराऊंडर रवींद्र जडेजा हे सुद्धा बाहेर झाले आहेत. बीसीसीआयने सांगितले की, फास्ट बॉलर मोहम्मद शमी आणि ऑलराऊंडर रवींद्र जडेजा हे आपल्या दुखापतीमधून अद्याप पूर्णपणे बरे झालेले नाहीयेत. त्यामुळे हे दोघेही टेस्ट सीरिज खेळणार नाहीत.
हे पण वाचा : Vastu Tips: घरात कबूतर येणे शुभ की अशुभ? वाचा
मोहम्मद शमी आणि रविंद्र जडेजा यांच्या ऐवजी टीम इंडियात नवदीप सैनी आणि सौरभ कुमार यांची निवड करण्यात आली आहे. निवड समितीने फास्ट बॉलर जयदेव उनाडकट यालाही टेस्ट सीरिजसाठी टीम इंडियात सहभागी केलं आहे.
हे पण वाचा : पुस्तके वाचण्याचे असंख्य फायदे, वाचाल तर वाचतच रहाल
बांगलादेश विरुद्धच्या मॅचसाठी भारतीय टीम
केएल राहुल (कॅप्टन), शुभमन गिल, चेतेश्वर पुजारा, विराट कोहली, श्रेयस अय्यर, ऋषभ पंत, केएस भरत, आर अश्विन, अक्षर पटेल, कुलदीप यादव, शार्दुल ठाकूर, मोहम्मद सीराज, उमेश यादव, अभिमन्यू ईश्वरन, नवदीप सैनी, सौरभ कुमार, जयदेव उनादकट