IND vs AUS 2nd ODI : विशाखापट्टणममध्ये भारताचा डाव लवकर आटोपला

विशाखापट्टणममध्ये भारताचा डाव लवकर आटोपला  |  फोटो सौजन्य: Representative Image

India vs Australia 2nd ODI in Visakhapatnam, India allout at 117 in 26 overs : भारत आणि ऑस्ट्रेलिया यांच्यातील तीन वन डे मॅचच्या सीरिजमधील दुसरी मॅच विशाखापट्टणम येथे सुरू आहे. या मॅचमध्ये टॉस जिंकून बॉलिंग करण्याचा निर्णय ऑस्ट्रेलियासाठी फायद्याचा ठरला. टीम इंडिया 117 धावांत ऑलआऊट झाली. 

प्रथम बॅटिंग करणाऱ्या भारताकडून विराट कोहलीने सर्वाधिक 31 धावा केल्या. कॅप्टन असलेला रोहित शर्मा 13 धावा करून परतला. सलामीवीर शुभमन गिल शून्यावर बाद झाला. सूर्यकुमार यादव पण शून्यावर बाद झाला. केएल राहुलने 9, हार्दिक पांड्याने 1, रवींद्र जडेजाने 16, अक्षर पटेलने नाबाद 29, कुलदीप यादवने 4, मोहम्मद शमीने शून्य आणि मोहम्मद सिराजने शून्य धावांचे योगदान दिले. 

ऑस्ट्रेलियाकडून मिचेल स्टार्कने सर्वाधिक 5 विकेट घेतल्या. त्याने रोहित शर्मा, शुभमन गिल, सूर्यकुमार यादव, केएल राहुल, मोहम्मद सिराज या 5 जणांना बाद केले. सिआन अॅबॉटने हार्दिक पांड्या, कुलदीप यादव आणि मोहम्मद शमी या तिघांना बाद केले. तर नॅथन एलिसने विराट कोहली आणि रवींद्र जडेजा या दोघांना बाद केले.

भारताचा डाव लवकर आटोपल्यामुळे ऑस्ट्रेलियासमोर 50 ओव्हरमध्ये 118 धावांचे माफक आव्हान आहे. ही मॅच जिंकल्यास 3 वन डे मॅचच्या सीरिजमध्ये भारत आणि ऑस्ट्रेलिया यांची 1-1 अशी बरोबरी होईल आणि चेन्नईत होणार असलेल्या मॅचचे महत्त्व वाढेल. पण भारताने विशाखापट्टणममध्ये विजय मिळवला तर टीम इंडिया सीरिज 2-0 अशी जिंकेल.

बिर्याणीचे हे प्रकार माहिती आहेत का?

एप्रिल महिन्यात फिरण्याची भारतातील उत्तम ठिकाणे

बातमीची भावकी

IND vs AUS 2nd ODI : विशाखापट्टणममधील वन डे मॅचला पावसाच्या व्यत्ययाचा धोका

IND vs AUS 1st ODI : हुश्श भारताने मारली बाजी, ऑस्ट्रेलिया विरुद्धची पहिली वन डे जिंकली

ATP Masters : टेनिसपटू रोहन बोपण्णाची ऐतिहासिक कामगिरी

ऑस्ट्रेलियाचा भारत दौरा

1. गुरुवार 9 फेब्रुवारी 2023 ते सोमवार 13 फेब्रुवारी 2023 - ऑस्ट्रेलिया विरुद्ध भारत पहिली टेस्ट, विदर्भ क्रिकेट असोसिएशन स्टेडियम नागपूर - भारत 1 डाव आणि 132 धावांनी विजयी
2. शुक्रवार 17 फेब्रुवारी 2023 ते मंगळवार 21 फेब्रुवारी 2023 - ऑस्ट्रेलिया विरुद्ध भारत दुसरी टेस्ट, अरुण जेटली स्टेडियम दिल्ली - भारत 6 विकेट राखून विजयी
3. बुधवार 1 मार्च 2023 ते रविवार 5 मार्च 2023 - ऑस्ट्रेलिया विरुद्ध भारत तिसरी टेस्ट, हिमाचल प्रदेश क्रिकेट असोसिएशन स्टेडियम धरमशाला - ऑस्ट्रेलिया 9 विकेट राखून विजयी
4. गुरुवार 9 मार्च 2023 ते सोमवार 13 मार्च 2023 - ऑस्ट्रेलिया विरुद्ध भारत चौथी टेस्ट, नरेंद्र मोदी स्टेडियम अहमदाबाद - ड्रॉ/अनिर्णित
5. शुक्रवार 17 मार्च 2023 - ऑस्ट्रेलिया विरुद्ध भारत पहिली वन डे, वानखेडे स्टेडियम मुंबई - भारत 5 विकेट राखून विजयी
6. रविवार 19 मार्च 2023 - ऑस्ट्रेलिया विरुद्ध भारत दुसरी वन डे, डॉ. वाय. एस. राजशेखर रेड्डी एसीए - व्हीडीसीए क्रिकेट स्टेडियम विशाखापट्टणम - दुपारी 2
7. बुधवार 22 मार्च 2023 - ऑस्ट्रेलिया विरुद्ध भारत तिसरी वन डे, एमए चिदंबरम स्टेडियम चेन्नई - दुपारी 2