Rishabh Pant: एका ट्वीटने खोलले ऋषभ पंतच्या या खेळीचे गुपित, या कारणामुळे ठोकले शतक

क्रीडा / क्रिकेटकिडा
Updated Jul 18, 2022 | 16:59 IST | टाइम्स नाऊ मराठी

Rishabh Pant: इंग्लंडविरुद्धच्या शेवटच्या सामन्यात भारताच्या विजयाचा हिरो ठरला ऋषभ पंत. त्याच्या धमाकेदार शतकी खेळीनंतर एक ट्वीट चांगलेच व्हायरल होत आहे. 

rishabh pant
Rishabh Pant: एका ट्वीटने खोलले ऋषभ पंतच्या या खेळीचे गुपित 
थोडं पण कामाचं
  • मँचेस्टर वनडेत ऋषभ पंतने ऐतिहासिक खेळी केली. त्याची ही खेळी त्याचे चाहते अजिबात विसरणार नाही.
  • पंतच्या या खेळीनंतर टीम इंडियाचा माजी क्रिकेटर युवराज सिंहचे एक ट्वीट चांगलेच व्हायरल होत आहे.
  • या ट्वीटमध्ये ऋषभ पंतच्या या शानदार खेळीच्या मागचे कारण समोर आले आहे.

मुंबई: इंग्लंडविरुद्धच्या(england) मालिकेतील शेवटच्या वनडेत टीम इंडियाच्या(team india) विजयाचा हिरो ठरला ऋषभ पंत(rishabh pant). ऋषभ पंतने  या सामन्यात एका शतकी खेळीने साऱ्यांची मने जिंकली. ऋषभ पंतच्या या खेळीचे चहूबाजूनी कौतुक केले जात आहे. या सगळ्यात सोशल मीडियावर(social media) एक ट्वीट चांगलेच व्हायरल होत आहे. या ट्वीटमध्ये ऋषभ पंतच्या या शानदार खेळीच्या मागचे कारण समोर आले आहे. One tweet reveals about risabh pant matchwinning century

अधिक वाचा - पोटाचा घेर कमी करायचा आहे?, मग करा 'या' गोष्टींचं सेवन

या व्हायरल ट्वीटचा धुमाकूळ

मँचेस्टर वनडेत ऋषभ पंतने ऐतिहासिक खेळी केली. त्याची ही खेळी त्याचे चाहते अजिबात विसरणार नाही. पंतच्या या खेळीनंतर टीम इंडियाचा माजी क्रिकेटर युवराज सिंहचे एक ट्वीट चांगलेच व्हायरल होत आहे. या ट्वीमध्ये युवराजने ऋषभ पंतचे कौतुक करताना लिहिले, असे वाटते की ४५ मिनिटांे बोलणे समजले. चांगला खेळलास पंत, अशीच तुझ्या खेळीला गती दे. हार्दीकची खेळी बघणे शानदार होते. या ट्वीटवरून समजते की त्याने तिसऱ्या वनडे आधी पंतशी ४५ मिनिटे बोलणे केले होते. यामुळेच त्याच्या खेळात चमक आली. 

पंतचे तुफानी शतक

ऋषभ  पंतने या सामन्यात ११०.६१च्या स्ट्राईक रेटने ११३ चेंडूत १२५ धावा केल्या. या खेळी दरम्यान त्याने १६ चौकार आणि २ षटकार ठोकले. या शतकानंतर इंग्लंडच्या धरतीवर शतक ठोकणारा तो दुसरा विकेटकीपर ठरला आहे. तर लक्ष्याचा पाठलाग करत शतक ठोकणाराही दुसरा विकेटकीपर ठरला आहे. याआधी ही कामगिरी एमएस धोनीने केली होती. 

अधिक वाचा- सोन्याच्या भावात पुन्हा तेजी, डॉलर उच्चांकीवरून दबावाखाली

शेवटच्या वनडेत भारताचा विजय

भारताने इंग्लंडविरुद्धची मालिका २-१ अशी जिंकली. भारताच्या गोलंदाजी आणि फलंदाजांनी कमाल केली. हार्दिक पांड्याने इंग्लंडविरुद्ध तिसऱ्या सामन्यात ७१ धावा केल्या. त्यासोबतच त्याने चार विकेटही घेतल्या. त्याआधी युझवेंद्र चहलनेही आपल्या गोलंदाजीने प्रभावित केले. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी