IND vs SA, ODI Series: द. आफ्रिकेविरुद्धच्या पहिल्या वनडेसाठी अशी असू शकते टीम इंडिया

क्रीडा / क्रिकेटकिडा
Updated Jan 17, 2022 | 16:59 IST | टाइम्स नाऊ मराठी

IND vs SA ODI Series: भारत (India) आणि दक्षिण आफ्रिका (South Africa)  यांच्यात तीन सामन्यांच्यावनडे मालिकेतील पहिला सामना १९ जानेवारीला पार्लमध्ये खेळवला जाणार आहे. 

team india
आफ्रिकेविरुद्धच्या पहिल्या वनडेसाठी अशी असू शकते टीम इंडिया 
थोडं पण कामाचं
  • भारत वि दक्षिण आफ्रिका वनडे मालिका
  • पहिल्या वनडेसाठी असे असू शकतात संभाव्य प्लेईंग ११
  • १९ जानेवारीला खेळवला जाणार पहिला वनडे सामना

IND vs SA: भारत (India) आणि दक्षिण अफ्रीका (South Africa) यांच्यात वनडे मालिकेची सुरूवात १९ जानेवारीपासून होत आहे. कसोटी मालिकेत भारतीय संघाला यजमान संघाकडून पराभव सहन करावा लागला. मात्र टीम इंडिया वनडे मालिका जिंकत विजयी निरोप घेण्याचा प्रयत्न करेल. भारतीय संघाचा वनडे कर्णधार रोहित शर्मा(Rohit Sharma) दुखापतीमुळे या मालिकेत खेळत नाही आहे. त्याच्या जागी संघाचे नेतृत्व लोकेश राहुल (KL Rahul)कडे सोपवण्यात आली आहे. तर जसप्रीत बुमराहला (Jasprit Bumrah) उप कर्णधार बनवण्यात आले आहे. ही मालिका रोमहर्षक होईल अशी आशा आहे. 

कधी खेळवले जाणार वनडे सामने?

तीन सामन्यांच्या वनडे मालिकेतील पहिला सामना १९ जानेवारीला पार्लच्या बोलँड पार्कमध्ये खेळवला जाईल. दुसरा वनडे सामना २१ जानेवारीला पार्ल्या बोलँड पार्कमध्ये खेळवला जाणार आहे. तिसरा आणि अंतिम वनडे सामना केपटाऊनच्या न्यूलँड्स क्रिकेट ग्राऊंडमध्ये खेळवला जाणार आहे. 

गेल्या दौऱ्यात भारताने मिळवला होता विजय

भारताने द. आफ्रिकेच्या मागील दौऱ्यात वनडे मालिकेत विजय मिळवला होता. ६ सामन्यांच्या त्या मालिकेत भारतीय संघाने ५-१ असा विजय मिळवला होता. हाच इतिहास पुन्हा रिपीट करण्याचा भारत प्रयत्न करेल. युवा खेळाडूंनी भरलेल्या या मालिकेत टीम इंडियाकडे कसोटी मालिकेतील पराभवाचा बदला घेण्याची चांगली संधी आहे. 

पहिल्या वनडेसाठी भारताचे संभाव्य प्लेईंग ११

लोकेश राहुल(कर्णधार), शिखर धवन, विराट कोहली, सूर्यकुमार यादव, श्रेयस अय्यर, ऋषभ पंत(विकेटकीपर), वेंकटेश अय्यर, भुवनेश्वर कुमार, दीपक चाहर, मोहम्मद सिराज, रवीचंद्रन अश्विन. 

भारताचा मार्ग नाही सोपा

भारतीय संघासाठी वनडे मालिकेत विजय मिळवणे हे काही सोपे नाही. कारण कसोटी मालिकेत द. आफ्रिकेच्या गोलंदाज आणि फलंदाजांनी शानदार कामगिरी केली. आफ्रिकेची वेगवान पिच गती आणि उसळीसाठी ओळखली जाते. तसेच यजमान संघाकडे चांगले गोलंदाज आहेत. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी