Video: कॅच पकडल्यानंतर रोहितचा डान्स, तुम्हाला येईल या WWE सुपरस्टारची आठवण

Updated Jun 05, 2019 | 19:41 IST | टाइम्स नाऊ डिजीटल

भारत आणि दक्षिण आफ्रिका यांच्यात खेळवण्यात येत असलेल्या सामन्यात भारताच्या क्रिकेटर्सनी चांगली फिल्डिंग केली. या दरम्यान असे काही पाहायला मिळाले की क्रिकेटच्या मैदानावर चाहत्यांना WWE सुपरस्टारची आठवण आली.

रोहित शर्मा आणि wwe स्टार | फोटो सौजन्य: Twitter

मुंबई: आयसीसी क्रिकेट वर्ल्डकप २०१९मध्ये आपला पहिला सामना खेळणाऱ्या भारतीय संघाची दक्षिण आफ्रिकेविरुद्ध सुरूवात चांगली झाली आहे. गोलंदाजीच्या जबरदस्त कामगिरीच्या जोरावर टीम इंडियाने आफ्रिकेच्या संघाला २२७ धावांमध्ये रोखले. आता फलंदाजांवर टीम इंडियाला विजय मिळवून देण्याची जबाबदारी आहे. या सामन्यात भारताच्या क्रिकेटर्सनी शानदार फिल्डिंग केली. या दरम्यान, मैदानावर प्रेक्षकांना असे काहीतरी पाहायला मिळाले जे पाहून चाहत्यांना क्रिकेटच्या मैदानावर WWE सुपरस्टारची आठवण आली.

भारतीय संघाला दक्षिण आफ्रिकेविरुद्ध पहिले यश लवकर मिळाले. वेगवान गोलंदाज जसप्रीत बुमराहने हाशिम आमलाला स्लिपमध्ये रोहितच्या शर्माच्या हातातून झेलबाद केले. अमलाचा कॅच घेतल्यानंतर रोहित आनंदाने नाचत होता. यावेळी त्याने WWE चे माजी सुपरस्टार रिक फ्लेयरची आठवण करून दिली. त्याने सिग्नेचर स्टेपमध्ये डान्स करत आपला आनंद व्यक्त केला. रिक फ्लेयरही अशाच प्रकारे आपला आनंद व्यक्त करत असतं. आयसीसीने हिटमॅनचा हा डान्सिंग व्हिडिओ सोशल मीडियावर लगेच पोस्टही केला आहे.

When your team makes a blistering start to #CWC19! pic.twitter.com/jtTSAdissC
— Cricket World Cup (@cricketworldcup) June 5, 2019

रोहितचा हा व्हिडिओ सोशल मीडियावर चांगलाच व्हायरल होत आहे. दरम्यान, रोहितजवळ आफ्रिकेच्या फलंदाजांना आपल्या तालावर नाचवण्याची संधी आहे. भारतीय संघाला या सामन्यात जिंकण्यासाठी केवळ २२८ धावांची आवश्यकता आहे. यातच रोहितकडे चांगली फलंदाजी करण्याची संधी आहे.

बातमीची भावकी

भारताचा हा वर्ल्डकपमधील पहिलाच सामना आहे. याआधी आफ्रिकेने या स्पर्धेत दोन सामने खेळले आहेत. पण त्यांचा दोनही सामन्यांत पराभव झाला. पहिल्या सामन्यात त्यांना यजमान इंग्लंडकडून पराभूत व्हावे लागले तर दुसऱ्या सामन्यात बांगलादेशने त्यांचा पराभव केला.