Sachin Tendulkar Record : या तीन महान बॉलर्सपेक्षा जास्त ओव्हर तर सचिनने टाकल्या, वाचा तेंडुलकरचं ‘ग्रेट बॉलिंग रेकॉर्ड’

सचिन तेंडुलकरचं बॅटिंगमधलं रेकॉर्ड अनेकांना माहित असतं. पण तेवढीच कमाल त्यानं बॉलिंगमध्येही केली होती.

Sachin Tendulkar Record
या तीन महान बॉलर्सपेक्षा जास्त ओव्हर तर सचिनने टाकल्या  |  फोटो सौजन्य: Indiatimes
थोडं पण कामाचं
  • सचिनच्या नावावर बॉलर म्हणूनही अनेक विक्रम
  • जगातील तीन महान बॉलर्सपेक्षाही जास्त ओव्हर सचिनच्या नावे
  • बॅटिंग आणि बॉलिंग दोन्हीमध्ये 'मास्टर'

Sachin Tendulkar Record | सचिन तेंडुलकर हा जगातील सर्वोत्तम फलंदाज म्हणून आपणा सर्वांनाच माहिती आहे. त्याची बॅटिंगची स्टाईल, आक्रमकपणा, वयानुसार त्याने आपल्या शैलीत केलेले बदल, त्याच्या नावावर असणारे रेकॉर्ड्स या सगळ्या गोष्टी अनेक चाहत्यांना तोंडपाठ असतात. मात्र सचिनचा गौरव हा नेहमी एक उत्तम फलंदाज म्हणजेच बॅट्समन म्हणून होतो. मात्र आपल्या पूर्ण कारकिर्दीत सचिननं बॉलिंगबाबतही अनेक रेकॉर्ड नावावर केले आहेत. जगात असे काही महान बॉलर आहेत, ज्यांच्यापेक्षा सचिन तेंडुलकरनं जास्त ओव्हर फेकल्या आहेत.

सचिनचं बॉलिंग रेकॉर्ड

सचिन हा असा महान फलंदाज आहे, ज्याची बॅटिंग सुरू झाली की ती पाहतच राहावंसं वाटतं. बॅटिंगमधलं जवळपास प्रत्येक रेकॉर्ड सचिननं आपल्या नावे करून घेतलं आहे. मात्र बॅटसोबत बॉलनंही सचिननं अनेक रेकॉर्ड्स केले आहेत. करिअरच्या शेवटच्या टप्प्यात त्याने बॉलिंग टाकणं कमी केलं. मात्र त्यापूर्वी जवळपास प्रत्येक सामन्यात सचिन बॉलिंग करत असे. जगातील अनेक जलदगती गोलंदाजांपेक्षाही जास्त बॉल टाकण्याचा रेकॉर्ड सचिनच्या नावे जमा आहे. सचिनने 463 एकदिवसीय सामने खेळले ज्यात 1342 ओव्हर टाकल्या आणि 154 विकेट घेतल्या आहेत. 

शोएब अख्तर (पाकिस्तान) 1294 ओव्हर

मॅच - 163, विकेट - 247

सचिन तेंडुलकरसोबत ज्याची नेहमीच मैदानावर ठसन असायची, त्या वेगवान गोलंदाज शोएब अख्तरनं त्याच्या संपूर्ण कारकिर्दीत सचिनपेक्षाही कमी ओव्हर टाकल्या आहेत. शोएब अख्तरनं 163 एकदिवसीय सामने, 46 कसोटी सामने आणि 15 टी-20 आंतरराष्ट्रीय सामने खेळले आहेत. 

स्टुअर्ट ब्रॉड (इंग्लंड) 1018 ओव्हर

स्टुअर्ट ब्रॉडला कोण ओळखत नाही? सचिन आणि ब्रॉड कित्येक सामन्यांत आमनेसामने आले होते. सचिननं बॅटचा वापर करून ब्रॉडला चोपून काढत होताच, मात्र बॉलच्या बाबतीतही त्याने ब्रॉडला मागे टाकलं आहे. 537 विकेट घेणाऱ्या स्टुअर्ट ब्रॉडनं त्याच्या करिअरमध्ये 1018 ओव्हर गोलंदाजी केली आहे. 121 एकदिवसीय आणि 56 टी-20 सामने तो खेळला आहे. 

डेल स्टेन (दक्षिण अफ्रिका) 1042 ओव्हर

मॅच - 125, विकेट - 196

डेल स्टेन हा दक्षिण अफ्रिकेचा लोकप्रिय गोलंदाजदेखील ओव्हर फेकण्याच्या बाबतीत सचिनच्या मागेच आहे. त्याने एकदिवसीय क्रिकेटमध्ये 1042 ओव्हर फेकल्या आहेत. एकूण 125 सामने तो खेळला असून 196 विकेट त्याच्या नावे आहेत. एकदिवसीय क्रिकेटच्या तुलनेत त्याची कसोटी कारकिर्द दीर्घ होती.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी