PCB मध्ये शाहिद आफ्रिदीच्या खांद्यावर मोठी जबाबदारी, अब्दुल रज्जाकचीही एन्ट्री

PCB मध्ये शाहिद आफ्रिदीला मिळाली मोठी जबाबदारी, अब्दुल रज्जाकचाही एन्ट्री  |  फोटो सौजन्य: BCCL

मुंबई : पाकिस्तान क्रिकेट बोर्डाने (PCB) शनिवारी माजी कर्णधार शाहिद आफ्रिदीची राष्ट्रीय निवड समितीचे  प्रमुख म्हणून नियुक्ती केली. आफ्रिदी चार सदस्यीय पॅनेलचे प्रमुख असेल, ज्यात माजी अष्टपैलू अब्दुल रझाक आणि राव इफ्तिखार अंजुम यांचाही समावेश आहे. तर हारून रशीद हे समन्वयक असतील. (Shahid Afridi becomes head of Pakistan selection committee)

अधिक वाचा : IPL Auction: CSK कर्णधारपद विदेशी खेळाडूच्या हातात जाणार? आयपीएल लिलावातच दिसले संकेत

पाकिस्तानला नुकतेच इंग्लंडविरुद्धच्या मायदेशातील कसोटी मालिकेत 0-3 असा पराभव पत्करावा लागला होता. या पराभवानंतर पाकिस्तान क्रिकेटमध्ये खळबळ उडाली असून या कारणास्तव येथील क्रिकेट बोर्डात बदल होत आहेत. रमीझ राजा यांना अध्यक्षपदाचा निरोप देण्यात आला आहे. त्यांच्या जागी नजम सेठी पाकिस्तान क्रिकेट बोर्डाचे नवे अध्यक्ष बनले.

अधिक वाचा : IPL Auction 2023 Sold players: आयपीएल लिलावात 'या' प्लेअर्सला लागली लॉटरी

आफ्रिदी सध्या पाकिस्तानचा निवडकर्ता म्हणून काम पाहणार आहे, परंतु योग्य वेळी कायमस्वरूपी निवडकर्ता निवडला जाईल. पाकिस्तान क्रिकेटने ट्विटमध्ये म्हटले आहे की, "पीसीबी व्यवस्थापन समितीने पाकिस्तानचा माजी कर्णधार शाहिद आफ्रिदीची पुरुषांच्या राष्ट्रीय निवड समितीचे अध्यक्ष म्हणून नियुक्ती केली आहे. अब्दुल रज्जाक आणि राव इफ्तिखार अंजुम हे पॅनेलचे इतर सदस्य असतील.

अधिक वाचा : ​IPL Auction 2023 LIVE updates: सॅम करन ठरला आयपीएल इतिहासातील सर्वात महागडा प्लेअर

पीसीबी व्यवस्थापन समितीने पाकिस्तानचा माजी कर्णधार शाहिद आफ्रिदीची पुरुषांच्या राष्ट्रीय निवड समितीचे  अध्यक्ष म्हणून नियुक्ती केली आहे. पॅनलचे इतर सदस्य आहेत: अब्दुल रज्जाक आणि राव इफ्तिखार अंजुम. हारून रशीद हे निमंत्रक असतील.

नजम सेठी यांच्या अध्यक्षतेखालील पीसीबी व्यवस्थापन समितीने पाकिस्तानचे माजी मुख्य निवडकर्ता वसीमचा करार संपुष्टात आणल्यानंतर आफ्रिदीची नियुक्ती करण्यात आली आहे. 2019 पर्यंत घटनेने स्थापन केलेल्या सर्व समित्याही विसर्जित करण्यात आल्या आहेत.