T20 World Cup: रोहित आणि विराटसाठी आगामी टी-२० वर्ल्डकप शेवटचा असू शकतो; माजी क्रिकेटपटूचा दावा

क्रीडा / क्रिकेटकिडा
Updated Jun 04, 2022 | 13:33 IST | टाइम्स नाऊ मराठी

Shoaib Akhtar on Rohit Sharma and Virat Kohli । २०२२ च्या टी-२० विश्वचषकादरम्यान भारतीय संघाचा कर्णधार रोहित शर्मा आणि विराट कोहली यांच्यावर खूप दबाव असेल, असा विश्वास पाकिस्तानचा माजी वेगवान गोलंदाज शोएब अख्तरने व्यक्त केला आहे.

upcoming T20 World Cup could be the last for Rohit and Virat, said Shoaib Akhtar
रोहित आणि विराटसाठी आगामी टी-२० वर्ल्डकप शेवटचा असू शकतो  |  फोटो सौजन्य: BCCL
थोडं पण कामाचं
  • रोहित आणि विराटसाठी आगामी टी-२० वर्ल्डकप शेवटचा असू शकतो - शोएब अख्तर.
  • रोहित शर्माची मागील काही दिवसातील खेळी खूपच निराशाजनक राहिली आहे.
  • रोहित शर्मा आणि विराट कोहलीसह इतर वरिष्ठ खेळाडूंना आगामी मालिकेसाठी विश्रांती देण्यात आली आहे.

Shoaib Akhtar on Rohit Sharma and Virat Kohli । नवी दिल्ली : २०२२ च्या टी-२० विश्वचषकादरम्यान भारतीय संघाचा कर्णधार रोहित शर्मा आणि विराट कोहली यांच्यावर खूप दबाव असेल, असा विश्वास पाकिस्तानचा माजी वेगवान गोलंदाज शोएब अख्तरने व्यक्त केला आहे. दोन्ही दिग्गज भारतीय फलंदाज काही काळापासून खराब फॉर्मचा सामना करत आहेत आणि दोघेही लयीत येण्याचा प्रयत्न करत आहेत. नुकत्याच संपलेल्या आयपीएल २०२२ मध्ये, विराट कोहलीने २२.७३ च्या सरासरीने ३४१ धावा केल्या, त्यात दोन अर्धशतकांचा समावेश आहे. कोहली संपूर्ण हंगामात खराब फॉर्मचा सामना करत होता. (upcoming T20 World Cup could be the last for Rohit and Virat, said Shoaib Akhtar). 

दरम्यान, रोहित शर्माची मागील काही दिवसातील खेळी खूपच निराशाजनक राहिली आहे. त्याने आयपीएलच्या १५ व्या हंगामात केवळ २६८ धावा केल्या. लक्षणीय बाब म्हणजे त्याच्या नेतृत्वातील मुंबई इंडियन्सचा संघ आयपीएल २०२२ च्या गुणतालिकेत शेवटच्या स्थानावर राहिला. आयपीएलच्या मागील १५ हंगामात मुंबई इंडियन्स रँकिंगमध्ये शेवटच्या स्थानावर राहण्याची ही पहिलीच वेळ होती.

अधिक वाचा : 'गांधी कुटुंबाला हात लावल्यास देशभरात जेलभरो आंदोलन करणार'

शोएब अख्तरने उधळली मुक्ताफळे

स्पोर्ट्सकीडावर हरभजन सिंगसोबत गप्पा मारताना शोएब अख्तर म्हणाला की, "विराट कोहली आणि रोहित शर्मासाठी हा शेवटचा आयपीएल किंवा वर्ल्ड कप आहे की नाही हे पाहावे लागेल. या दोघांवर फॉर्म कायम ठेवण्यासाठी दबाव असेल. करिअरच्या नंतरच्या टप्प्यात दबाव सतत वाढत जातो. सचिन तेंडुलकरलाही शतक न करण्याच्या समस्यांना सामोरे जावे लागले होते.

रोहित-विराट विश्वचषकासाठी सज्ज

तर रोहित-विराट ऑस्ट्रेलियात होणाऱ्या टी-२० विश्वचषकात शानदार कामगिरी करतील, असा विश्वास हरभजन सिंगला आहे. त्यांच्याबद्दल बोलताना हरभजन सिंग म्हणाला, "त्यांच्यासाठी आयपीएलचा हंगाम चांगला गेला नाही. त्याच्याकडून संघाला पुढील टी-२० विश्वचषक मिळण्याची अपेक्षा आहे. नवीन पिढी क्रिकेटमध्ये येत असल्याने कोणत्या खेळाडूला संधी मिळेल हे सांगणे कठीण आहे. टी-२० विश्वचषकाच्या तयारीसाठी भारतीय संघाला आता दक्षिण आफ्रिका, वेस्ट इंडिज, आयर्लंड आणि इंग्लंडविरुद्ध मालिका खेळायची आहे.

लक्षणीय बाब म्हणजे रोहित शर्मा आणि विराट कोहलीसह इतर वरिष्ठ खेळाडूंना आगामी मालिकेसाठी विश्रांती देण्यात आली आहे. भारत आणि दक्षिण आफ्रिका यांच्यातील पाच टी-२० आंतरराष्ट्रीय सामन्यांची मालिका ९ जूनपासून सुरू होणार आहे.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी