VIDEO: नेतृत्व सोडल्यानंतरही नाही बदलला विराटचा स्वभाव, आफ्रिकेच्या फलंदाजासोबत शाब्दिक बाचाबाची

क्रीडा / क्रिकेटकिडा
Updated Jan 20, 2022 | 14:08 IST | टाइम्स नाऊ मराठी

virat kohli-temba bavuma controversy: विराट कोहली(Virat Kohli)सध्या जरी भारताचा कोणत्याही फॉरमॅटमधील कर्णधार नाही आहे. मात्र मैदानावरील त्याचा स्वभाव बदललेला नाही. भारत आणि दक्षिण आफ्रिका यांच्यातील पहिल्या वनडेदरम्यान विराट कोहली आणि आफ्रिकन संघाचा कर्णधार टेम्बा बावुमान यांच्यात बाचाबाची पाहायला मिळाली. 

kohli-bavuma
VIDEO: नेतृत्व सोडल्यानंतरही नाही बदलला विराटचा स्वभाव 
थोडं पण कामाचं
  • नाही बदलला विराटचा स्वभाव
  • आफ्रिकन खेळाडूशी केली बाचाबाची
  • टेम्बा बावुमाने पुन्हा ठोकले शतक

मुंबई: विराट कोहली (Virat Kohli) मैदानावर आपल्या आक्रमक अंदाजासाठी ओळखा जातो. त्यातही जर विरोधी संघातील खेळाडूंने डोळे वर केले तर त्याला प्रत्युत्तर देण्यास विराट नेहमीच तयार असतो. विराट कोहली सध्याच्या घडीला कोणत्याही फॉरमॅटचा कर्णधार(captain) नाही मात्र त्यानंतरही मैदानावरील त्याचा आक्रमक स्वभाव(behaviour) काही बदललेला नाही. virat Kohli rift with south Africa captain Temba bavuma during first one day match 

नाही बदलला विराटचा स्वभाव

भारत आणि द. आफ्रिका यांच्यातील पहिल्या वनडे सामन्यादरम्यान मैदानावर विराट कोहली(virat kohli) आणि आफ्रिकेचा कर्णधार टेम्बा बावुमा यांच्यात शाब्दिक बाचाबाची पाहायला मिळाली. खरतरं, द.आफ्रिकेच्या फलंदाजीदरम्यान ३६व्या ओव्हरमध्ये युझवेंद्र चहलच्या बॉलवर टेम्बा बावुमाने कव्हरच्या दिशेने शॉट मारला होता तेथे फिल्डिंग करत असलेल्या कोहलीने लगेचच बॉलवर झडप घातली आणि बॉल सरळ स्टम्पच्या दिशेने थ्रो केला. 

आफ्रिकन फलंदाजाशी यावरून झाली बाचाबाची

विराट कोहलीने जो थ्रो केला तो बॉल टेम्बा बावुमाच्या तोंडाजवळून गेला. अशातच बावुमाला हा बॉल लागला असता. तो नशीबाने वाचला. दरम्यान, यानंतर विराट कोहलीला त्याने काहीतरी म्हटले. यानंतर मागे सरेल तो कोहली कसला. त्याने टेम्बा बावुमाला सडेतोड उत्तर दिले. या घटनेचा व्हिडिओ सोशल मीडियावर व्हायरल होत आहे. 

भारताच्या पराभवाचे कारण बनला हा खेळाडू

या सामन्यात टेम्बा बावुमाने ११० धावांची खेळी केली होती. एक वेळ अशी होती की भारताने या सामन्यात द. आफ्रिकेवर आपली पकड मजबूत केली होती. मात्र ६८ धावांवर ३ बळी गमावलेल्या आफ्रिकेच्या संघाने २९६ धावांचा मोठा स्कोर उभा केला. ६८ धावांवर ३ विकेट पडल्यानंतरही टीम इंडियाला आफ्रिकेवर दबाव राखता आला नाही. द. आफ्रिकेचा कर्णधार टेम्बा बावुमान(११०) आणि रासी वाड डेर डुसैन(नाबाद १२९) यांच्यात चौथ्या विकेटसाठी २०४ धावांची भागीदारी झाली. 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी