IND vs SL, Video  : श्रेयस अय्यरची बॉलिंग बघून विराट कोहलीची 'बोलती बंद' 

Watch Video, Shreyas Iyer bowls off-spin vs Sri Lanka; Virat Kohli surprised by turn, reaction goes viral : भारत आणि श्रीलंका यांच्यातील तिसरी वन डे मॅच भारताने 317 धावांनी जिंकली. ही मॅच जिंकत भारताने श्रीलंकेविरुद्धची 3 वन डे मॅचची सीरिज 3-0 अशी जिंकली. तिसरी वन डे वेगवेगळ्या कारणांमुळे चर्चेत आहे.

Shreyas Iyer bowls off-spin vs Sri Lanka; Virat Kohli surprised by turn
श्रेयस अय्यरची बॉलिंग बघून विराट कोहलीची 'बोलती बंद'  |  फोटो सौजन्य: Representative Image
थोडं पण कामाचं
  • श्रेयस अय्यरची बॉलिंग बघून विराट कोहलीची 'बोलती बंद'
  • भारतीय बॉलर श्रेयस अय्यर याने टाकलेला एक स्पिन बॉल चर्चेत
  • व्हिडीओ झाला व्हायरल

Watch Video, Shreyas Iyer bowls off-spin vs Sri Lanka; Virat Kohli surprised by turn, reaction goes viral : तिरुवनंतपुरम येथील ग्रीनफील्ड इंटरनॅशनल स्टेडियममध्ये काल (रविवार 15 जानेवारी 2023) भारत आणि श्रीलंका यांच्यातील तिसरी वन डे मॅच झाली. ही मॅच 317 धावांनी जिंकत भारताने श्रीलंकेविरुद्धची 3 वन डे मॅचची सीरिज 3-0 अशी जिंकली. तिसरी वन डे वेगवेगळ्या कारणांमुळे चर्चेत आहे. यापैकी एक कारण आहे ते भारतीय बॉलर श्रेयस अय्यर याने टाकलेला एक स्पिन बॉल.

श्रेयस अय्यरने तिसऱ्या वन डे मध्ये फक्त 1 ओव्हर टाकली आणि 2 रन दिल्या. याच ओव्हरमध्ये त्याने पहिला बॉल असा टाकला जो कमालीच्या वेगाने स्पिन झाला. स्पिन बघून श्रीलंकेचा बॅटर लाहिरू कुमारा चक्रावून गेला. टप्पा पडला आणि बॉल झपकन ऑफ स्टंपच्या दिशेने स्पिन झाला. बॉल टर्न होत असल्याचे बघून भारताचा विकेटकीपर केएल राहुल पुढे सरसावला. त्याने स्टंपच्या मागे हा बॉल झेलला. बॉल जास्त दूर जाणार नाही याची खबरदारी केएल राहुलने घेतली. हा घातक बॉल बॅटला स्पर्शून गेला असता तर केएल राहुलला कॅच घेण्याची संधी मिळाली असती आणि श्रीलंकेचा आणखी एक बॅटर बाद झाला असता. ते झाले नाही. पण घातक स्पिन बघून टीम इंडियाचा माजी कॅप्टन आणि प्रमुख बॅटर विराट कोहली याची बोलती बंद झाली. त्याने स्पिन बघून चक्क तोंडावर हात ठेवला. या घटनेचा व्हिडीओ व्हायरल होत आहे. 

भारताने 317 धावांनी जिंकली श्रीलंकेविरुद्धची तिसरी वन डे

भारताने श्रीलंकेविरुद्धची तिसरी वन डे 317 धावांनी जिंकली. याआधी टॉस जिंकून बॅटिंगचा निर्णय घेणाऱ्या टीम इंडियाने 50 ओव्हरमध्ये 5 बाद 390 धावा केल्या. भारताकडून रोहित शर्माने 42, शुभमन गिलने 116, विराट कोहलीने नाबाद 166, श्रेयस अय्यरने 38, केएल राहुलने 7, सूर्यकुमार यादवने 4 आणि अक्षर पटेलने नाबाद 2 धावांचे योगदान दिले. धावांचा पाठलाग करणारी श्रीलंकेची टीम 22 ओव्हरमध्ये 73 धावा करून ऑलआऊट झाली. 

मुंबई ते रायगड अवघ्या 20 मिनिटांत गाठता येणार, वाचा कसा आहे देशातील सर्वात लांबीचा सागरी मार्ग असलेला मुंबई ट्रान्स हार्बर लिंक प्रकल्प

Sea Links to ease Mumbai roads : नरिमन पॉइंट ते विरार एका तासात, 5 सी लिंकमुळे प्रवास होणार सुपरफास्ट

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी