Top 10 Pics: रोनाल्डोला एका इंस्टाग्राम पोस्टसाठी मिळतात 6 कोटी, विराट कोहलीला किती?

इंस्टाग्रामची रिच लिस्ट 2019 नुकतीच जाहीर झाली आहे. त्यात 100 लोकांचा समावेश असून, त्यात सेलिब्रिटी, फॅशन, फूड, लाइफस्टाइल, स्पोर्ट्स, ट्रॅव्हल या वेगवेगळ्या प्रकारातील व्यक्ती आहेत. खेळाच्या सेक्शनमध्ये दहा खेळाडूंचा समावेश असून, त्यात पोर्तुगालचा कॅप्टन ख्रिस्तीयानो रोनाल्डो पहिल्या क्रमांकावर आहे. रोनाल्डोचे 17 कोटी 28 लाख फॉलोअर्स आहेत. त्याला एका पोस्टसाठी जवळपास साडे सहा कोटी रुपये मिळतात.

ब्राझीलचा आघाडीची फुटबॉलपटू नेमार ज्युनिअर हा रिच लिस्टमध्ये दुसऱ्या स्थानावर आहे. त्याचे 12 कोटी 14 लाख फॉलोअर्स असून, त्याला प्रत्येक पोस्टसाठी पाच कोटी रुपये मिळतात.

बार्सिलोनाचा कॅप्टन आणि अर्जेंटिनाचा महान फुटबॉलपटू लिओनेल मेस्सी या लिस्टमध्ये तिसऱ्या स्थानावर आहे. त्याचे 12 कोटी 35 लाख फॉलोअर्स असून, त्याला एका पोस्टला साडे चार कोटी रुपये मिळतात. एकूण यादीत मेस्सी बाराव्या स्थानावर आहे.

इंग्लंडचा फुटबॉलपटू डेव्हिड बेकहम निवृत्त होऊन बरीच वर्षे झाली. पण, त्याची लोकप्रियता कमी झालेली नाहीये. त्याचे सध्या इंस्टाग्रामवर 5 कोटी 67 लाख फॉलोअर्स आहेत. त्याला प्रत्येक पोस्टसाठी अडीच कोटी रुपये मिळतात. एकूणच या यादीत बेकहम 17व्या स्थानावर आहे.

अमेरिकेतील लॉस एंजेलिस लेकर्स या बास्केटबॉल टीमचा खेळाडू लेब्रोन जेम्स हा खेळाडूंच्या यादीत पाचव्या तर, एकूण यादीत 18व्या स्थानावर आहे. त्याचे 5 कोटी फॉलोअर्स असून, त्याला एका पोस्टसाठी दोन कोटी रुपये मिळतात.

ब्राझीलचा माजी फुटबॉलपटू रोनाल्डिन्हो हा सुद्धा इंस्टाग्रामवर लोकप्रिय आहे. त्याचे 4 कोटी 70 लाख फॉलोअर्स असून, त्याला एका पोस्टसाठी 1 कोटी 76 लाख रुपये मिळतात. एकूण यादीत तो 20व्या स्थानावर आहे.

रियल मद्रिदचा फुटबॉलपटू गॅरेथ बेल हा सातव्या स्थानावर असून, त्याचे 4 कोटी फॉलोअर्स आहेत. त्याला एका इंस्टाग्राम पोस्टचे जवळपास दीड कोटी रुपये मिळतात.

स्वीडनचा लोकप्रिय फुटबॉलपटू ज्लाटन इब्रहिमोविच हा या यादीमध्ये आठव्या स्थानावर आहे. त्याचे 3 कोटी 60 लाख फॉलोअर्स आहेत. त्याला एका पोस्टचे 1 कोटी 38 लाख रुपये मिळतात.

नवव्या क्रमांकावर भारतीय क्रिकेट टीमचा कॅप्टन विराट कोहली असून, या यादीत प्रियंका चोपडानंतर सामील होणारा तो केवळ दुसरा भारतीय आहे. त्याचे 3 कोटी 60 लाख फॉलोअर्स असून, त्याला एका पोस्टचे 1 कोटी 35 लाख रुपये मिळतात.