महेंद्रसिंग धोनी
काही दिवसांपूर्वीच कार्स 24 ने महेंद्रसिंग धोनीसोबतची आपली भागीदारीची घोषणा केली आहे. या पार्टनरशिप अंतर्गत धोनीला कार्स 24 मध्ये एक्विटी मिळणार आहे आणि धोनी कंपनीचा ब्रँड अॅम्बेसेडर म्हणून काम करणार आहे. धोनीने स्पोर्ट टेक स्टार्टअप रन अॅडममध्ये 25 टक्के शेअर्स खरेदी केले आहेत.
विराट कोहली
टीम इंडियाचा कॅप्टन विराट कोहली क्रिकेट मैदानात आपलं दमदार प्रदर्शन दाखवत आहे. विराट कोहली गुंतवणूकीच्या बाबतीतही असंच दमदार परफॉर्मन्स दाखवत आहे. विराटने 2016 मध्ये एक जिम चेन सुरू केली आहे ज्याचं नाव Chisel आहे. सोबतच विराट कोहलीने Stepathlon Kids मध्ये सुद्धा गुंतवणूक केली आहे. या व्यतिरिक्त विराटने लंडनमधील टेक स्पोर्ट स्टार्टअप स्पोर्ट कोनवो मध्ये सुद्धा गुंतवणूक केली आहे.
सचिन तेंडुलकर
भारताचा मास्टर ब्लास्टर सचिन तेंडुलकर याने टेक्नोलॉजी स्टार्टअप स्मार्टरॉनमध्ये गुंतवणूक केली आहे. यापूर्वी सचिन तेंडुलकरने ट्रॅव्हल वेबसाइट मुसाफिर आणि स्पोर्ट सिमुलेशन ब्रँड स्मॅश इंटरटेनमेंटमध्ये गुंतवणूक केली होती. सोबतच एस ड्राइव्ह आणि Sach मध्ये सुद्धा सचिन तेंडुलकरची पार्टनरशिप आहे.
युवराज सिंग
माजी भारतीय क्रिकेटर युवराज सिंग याने काही दिवसांपूर्वीच आपलं स्पोर्ट्स बेस ऑनलाइन स्टोअर स्पोर्ट्स365 लॉन्च केलं. या व्यतिरिक्त युवराजकडे YouWeCan हे स्टार्टअप सुद्धा आहे, जे कॅन्सर रुग्णांसाठी काम करतं. युवराज सिंगने हेल्थियांस, इयूकार्ड मध्ये सुद्धा गुंतवणूक केली आहे, ज्यानंतर पेटीएम आणि स्पोर्ट्सबीन्सने टेक ओव्हर केल्या.
टेनिसस्टार महेश भूपती
भारताचा टेनिसस्टार महेश भूपती याने 2016 मध्ये स्पोर्ट्स अॅपरेल ब्रँड जेवेनची सुरूवात करण्यासाठी नाइके माजी प्रमुख हेमचंद्र झवेरी यांच्यासोबत हातमिळवणी केली होती. झवेरी यांच्या मते, ही संपूर्ण आयडिया महेश भूपती याची होती की भारतासाठी स्वस्त स्पोर्ट्स ब्रँड तयार करण्यात यावेत. सह संस्थापकाने या कंपनीमध्ये 50 कोटी रुपयांची गुंतवणूक केली होती. जेवेन आयपीएल टीम रॉयल चॅलेंजर्स बंगळुरू टीमची किट पार्टनर होती.
