ट्रेंडिंग:

Asia Cup 2023 Final: मोहम्मद सिराज जोमात अन् श्रीलंकन टीम कोमात, लंकेला पराभूत करत आशिया चषकावर टीम इंडियाचं वर्चस्व

India vs Sri Lanka, Asia Cup Final 2023: आशिया चषकाच्या फायनल मॅचमध्ये टीम इंडियाच्या मोहम्मद सिराज याची जादू पहायला मिळाली. मोहम्मद सिराजने केलेल्या जबरदस्त बॉलिंगमुळे श्रीलंकन टीम अवघ्या 50 रन्सवर माघारी परतली.

Updated Sep 17, 2023 | 06:14 PM IST

Asia Cup 2023 Final: मोहम्मद सिराज जोमात अन् श्रीलंकन टीम कोमात, लंकेला पराभूत करत आशिया चषकावर टीम इंडियाचं वर्चस्व

Asia Cup 2023 Final, IND vs SL match: आशिया चषकातील फायनल मॅच टीम इंडिया (Team India) आणि श्रीलंका (Sri Lanka) यांच्यात झाली. या मॅचमध्ये टीम इंडियाचा फास्ट बॉलर मोहम्मद सिराज (Mohammed Siraj) याची जादू दिसून आली. मोहम्मद सिराज याने सहा विकेट्स घेत श्रीलंकन टीमला गारद केले. यानंतर श्रीलंकेच्या टीमने दिलेलं आव्हान टीम इंडियाने अगदी सहज गाठलं आणि विजय मिळवला. या विजयासोबतच टीम इंडियाने आशिया चषकावर वर्चस्व मिळवलं आहे.

श्रीलंकेच्या टीमने दिलेलं आव्हान गाठण्यासाठी उतरलेल्या टीम इंडियाच्या ईशान किशन आणि शुभमन गिल या दोघांनी अगदी सहज विजय मिळवून दिला. दोघांनी मिळून 6.1 ओव्हर्समध्येच टीमला विजय मिळवून दिला. ईशान किशन याने 18 बॉल्समध्ये नॉट आऊट 23 रन्स केले तर शुभमन गिल याने 19 बॉल्समध्ये नॉट आऊट राहत 27 रन्स केले.

आशिया चषक 2023 च्या फायनल मॅचमध्ये श्रीलंकेने टॉस जिंकला आणि प्रथम बॅटिंग करण्याचा निर्णय घेतला. मात्र, टीम इंडियाच्या मोहम्मद सिराज याच्यासमोर श्रीलंकेच्या एकाही बॅट्समनला चांगला स्कोअर करता आला नाही. श्रीलंकन टीमची सुरुवातच खराब झाली आणि ओपनिंगला आलेला परेरा शून्यावर आऊट झाला. त्यानंतर निसांका सुद्धा 2 रन्स करुन माघारी परतला. यानंतर श्रीलंकेचे एक-एक बॅट्समन माघारी परतू लागले आणि केवळ 15.2 ओव्हर्समध्ये 50 रन्स करुन श्रीलंकेची टीम माघारी परतली. यामुळे टीम इंडियाला विजयासाठी केवळ 51 रन्सचे आव्हान होते.

16 बॉल्समध्ये सिराजने घेतल्या 5 विकेट्स

मोहम्मद सिराज याने इनिंगच्या चौथ्या ओव्हरमधील पहिल्या बॉलवर पाथुम निसांका याला आऊट केले. त्यानंतर त्याच ओव्हरच्या तिसऱ्या बॉलवर सदीरा समरविक्रमा याला आऊट केले. चौथ्या बॉलवर चरित असलंका याला आऊट केले. तर शेवटच्या बॉलवर धनंजय डी सिल्वा याला आऊट केले. यानंतर दुसऱ्या ओव्हरमध्ये मोहम्मद सिराज याने श्रीलंकेचा कॅप्टन दसुन शनाका याला आऊट केले. अशा प्रकारे मोहम्मद सिराज याने केवळ 16 बॉल्समध्ये पाच विकेट्स घेतल्या.

टीम इंडियाकडून मोहम्मद सिराज याने सर्वाधिक म्हणजेच सहा विकेट्स घेतल्या. मोहम्मद सिराज याने सात ओव्हर्समध्ये 21 रन्स देत सहा विकेट्स घेतल्या. हार्दिक पांड्या याने 2.2 ओव्हर्समध्ये 3 रन्स देत 3 विकेट्स घेतल्या. तर जसप्रित बुमराह याने 5 ओव्हर्समध्ये 23 रन्स देत एक विकेट घेतली.

ताज्या बातम्या

Vivo Price Drop: महिन्याभरात दुसऱ्यांदा स्वस्त झाले Vivo चे हे 2 स्मार्टफोन, जाणून घ्या नवीन किंमत

Rahu Ketu Gochar 2023: दिवाळीपूर्वी राहू-केतूचे मोठे संक्रमण, या 5 राशी होणार मालमाल

IIT Bombay: मुंबई IIT मध्ये शाकाहार-मांसाहारावरून पुन्हा वाद! मांसाहार करणाऱ्या विद्यार्थ्याला 10 हजारांचा दंड

Nanded Government Hospital Deaths: नांदेडमध्ये मृत्यूचं थैमान! आणखी 7 जणांचा मृत्यू, 4 बालकांचा समावेश; अशोक चव्हाण यांचं ट्वीट

Asian Games 2023: यशस्वी जैस्वालने इतिहास रचला! आशियाई क्रीडा स्पर्धेत शतक झळकावणारा पहिला भारतीय

इक्सिगोची 'इक्सिगो अशुअर्ड' सेवा, निवडक आंतरराष्‍ट्रीय फ्लाइट बुकिंग्‍जवर मिळणार Complete Refund Facility

Lok Sabha Election 2024: काँग्रेस नेत्या प्रियंका गांधी महाराष्ट्रातून लोकसभा निवडणूक लढवणार?

Nanded News: नांदेडच्या शासकीय रुग्णालयात नेमकं काय घडलं? रुग्णालय प्रशासनानं सांगितलं कारण

बातमी समाप्त

व्हिडिओ