IPL Playoff Match Rules: क्वालिफायर आणि एलिमिनेटर मॅच पावसामुळे रद्द झाली तर काय? जाणून घ्या नियम

इंडियन प्रीमिअर लीग 2023 आता अंतिम टप्प्यात आला आहे. प्लेऑफ मॅचेसला सुरुवात होत आहे. अशा स्थितीत जर नॉकआऊट स्टेजला जर पाऊस पडला तर काय होईल? या संदर्भात नियम काय आहेत? निकाल कोणत्या टीमच्या बाजुने घोषित होणार? जाणून घ्या....

Updated May 23, 2023 | 03:39 PM IST

IPL Playoff Match Rules: क्वालिफायर आणि एलिमिनेटर मॅच पावसामुळे रद्द झाली तर काय? जाणून घ्या नियम
IPL 2023 qualifier match rules: आयपीएल 2023 (IPL 2023) अंतिम टप्प्यात आहे. प्लेऑफमध्ये मंगळवार, 23 मे रोजी पहिली क्वालिफायर मॅच गुजरात टायटन्स (Gujarat Titans) आणि चेन्नई सुपर किंग्स (Chennai Super Kings) यांच्यात होणार आहे. ही मॅच एमए चिदंबरम स्टेडियममध्ये होईल. या मॅचमध्ये विजयी होणारी टीम थेट फायनलमध्ये प्रवेश करणार आहे. तर पराभूत होणाऱ्या टीमला दुसऱ्या क्वालिफायरमध्ये विजयी झालेल्या टीमसोबत मॅच खेळेल.
पहिली क्वालिफायर मॅच गुजरात टायटन्स विरुद्ध चेन्नई सुपर किंग्स यांच्यात होत आहे. धोनीच्या नेतृत्वात चेन्नईची टीम मैदानात उतरेल. गुजरात टीमचा ओपनर बॅट्समन शुभमन गिल याची धडाकेबाज बॅटिंगला रोखण्यासाठी चेन्नईची टीम प्रयत्न करेल. शुभमन गिलच्या तुफानी खेळीमुळे रॉयल चॅलेंजर्स बंगळुरूच्या टीमला आयपीएलमधून बाहेर पडावं लागलं. आता जाणून घेऊयात क्वालिफायरच्या संदर्भातील नियमांच्या संदर्भात....
हा नियम पावसाच्या संदर्भात आहे. आयपीएलच्या 16व्या सीझनमध्ये सीएसके आणि लखनऊ यांच्यातील एका मॅच दरम्यान पाऊस बरसला होता. यामुळे दोन्ही टीम्सला एक-एक पॉईंट्स देण्यात आले होते. अशा स्थितीत जर प्लेऑफमध्ये पावसामुळे मॅच झाली नाही तर काय होईल? कारण लीग मॅचेसमध्ये दोन्ही टीम्सला एक-एक पॉईंट्स देण्याचा नियम आहे. पण नॉकआऊट मॅच दरम्यान नियम काय?

पावसामुळे मॅच रद्द झाल्यास काय असेल रिझल्ट ?

पावसामुळे मॅच झाली नाही तर डकवर्थ लुईस हा सर्वसामान्य नियम आहे. पावसाचा व्यत्यय आल्यास या नियमानुसार निकाल जाहीर करण्यात येतो. मात्र, जेव्हा दोन्ही टीम्स आपल्या इनिंगमधील काही खेळ खेळल्या असतील तर... पण नॉकआऊट स्टेजमध्ये रिझर्व्ह डे चा नियम आहे. पण जर पावसामुळे मॅच खेळवली जाण्याची स्थिती नसेल तर मॅचचा निकाल सुद्धा आवश्यक आहे.
अशा स्थितीत एक्स्ट्रा टाईम ठेवला जात असला तरी या वेळेत सुद्धा मॅच सुरू झाली नाही तर 5-5 ओव्हर्स खेळवले जाण्याचा प्रयत्न असतो. त्यानुसार निकाल जाहीर करण्याचा प्रयत्न असतो. पण पाच ओव्हर्स सुद्धा खेळवण्यात आल्या नाही तर सुपर ओव्हर होऊ शकते म्हणजेच एक-एक ओव्हरचा खेळ होईल.
हे नियम तेव्हाच लागू होतात जेव्हा मॅच खेळवली जाण्याची स्थिती असेल पण बराच वेळ झाल्यानंतरही पाऊस थांबत नसेल तर अशा परिस्थितीत पॉईंट्स टेबल आणि रन रेट विचारात घेण्यात येतो. त्यानुसार, जास्त पॉईंट्स मिळवणाऱ्या टीमला विजेता घोषित करण्यात येते.
बातमी समाप्त

© 2023 Bennett, Coleman & Company Limited