BMW प्रीमियम सेगमेंटमध्ये करणार 19 कार आणि 5 बाइक लॉन्च

BMW Upcoming Cars and Bikes 2022 : बीएमडब्ल्यू लवकरच ऑटो क्षेत्रातील लक्झरी सेगमेंटमध्ये नवीन वाहने लाँच करणार आहे. येथे संपूर्ण तपशील जाणून घ्या.

BMW will launch 19 cars and 5 bikes to make an impression in the premium segment
BMW प्रीमियम सेगमेंटमध्ये ठसा उमटवण्यासाठी करणार 19 कार आणि 5 बाइक लॉन्च   |  फोटो सौजन्य: BCCL
थोडं पण कामाचं
  • BMW कंपनी देशाच्या स्थानिक बाजारपेठेत 24 नवीन उत्पादने सादर करणार
  • 24 वाहनांपैकी 19 प्रीमियम कार आणि 5 मोटरसायकल आहेत.
  • पहिल्या तिमाहीत आपल्या कार विक्रीत 25 टक्के वाढ साधली आहे.

मुंबई : लक्झरी वाहन निर्माता कंपनी BMW यावर्षी मोठ्या तयारीसह भारताच्या ऑटो क्षेत्रात प्रवेश करण्यासाठी सज्ज आहे. कंपनी देशाच्या स्थानिक बाजारपेठेत 24 नवीन उत्पादने सादर करणार आहे. कंपनी भारतात लॉन्च करणार असलेल्या 24 वाहनांपैकी 19 प्रीमियम कार आणि 5 मोटरसायकल आहेत. (BMW will launch 19 cars and 5 bikes to make an impression in the premium segment)

अधिक वाचा : Top Cars | या 3 गाड्यांची भारतात आहे धूम...जबरदस्त मायलेज आणि तुफान फीचर्स....

भारतात चालू असलेल्या सेमीकंडक्टर चिपची कमतरता असूनही, कंपनीने 2022 च्या पहिल्या तिमाहीत आपल्या कार विक्रीत 25 टक्के वाढ साधली आहे. दुचाकी वाहनांच्या विक्रीत ४१ टक्के वाढ झाली आहे. ऑल-इलेक्ट्रिक सेडान i4 (BMW इलेक्ट्रिक Sedan i4) ही कंपनी भारतीय बाजारपेठेत लॉन्च करणार असलेल्या वाहनांमध्ये प्रथम सादर केली जाईल. कंपनीने या इलेक्ट्रिक सेडानच्या लॉन्चची तारीख अद्याप जाहीर केली नसली तरी, रिपोर्ट्सनुसार, मे महिन्याच्या पहिल्या आठवड्यात लॉन्च केले जाऊ शकते.

अधिक वाचा : Renault Discount | कार विकत घेतांय? मग रेनॉ देतेय क्विड, डस्टर आणि इतर गाड्यांवर 1.1 लाखांपर्यतचा जबरदस्त डिस्काउंट...पाहा ऑफर्स

रिपोर्ट्सनुसार, कंपनीने हे नवीन जनरेशन 4 सीरीजवर बनवले आहे. ज्यामध्ये कंपनी सिग्नेचर कूप रूफलाइनसह आकर्षक डिझाइन केलेले क्रोम ग्रिल सादर करेल. BMW ऑल-इलेक्ट्रिक सेडान i4 च्या वैशिष्ट्यांबद्दल बोलताना, मीडिया रिपोर्ट्सनुसार, ही इलेक्ट्रिक सेडान 12.3-इंच टचस्क्रीन इन्फोटेनमेंट सिस्टम, 14.9-इंच कंट्रोल स्क्रीनसह सुसज्ज असेल, जी iDrive 8 सॉफ्टवेअरसह उपलब्ध असेल.

अधिक वाचा : Activa Price update | भारतातील सर्वात प्रसिद्ध स्कूटर, 'अॅक्टिव्हा' होणार महाग...कंपनीने वाढवली या 2 मॉडेलची किंमत

कंपनीने अद्याप आपल्या पॉवरट्रेनबद्दल खुलासा केलेला नाही परंतु रिपोर्ट्सनुसार, कंपनी ही ऑल-इलेक्ट्रिक सेडान दोन प्रकारांमध्ये लॉन्च करू शकते. ज्यामध्ये ड्रायव्हिंग रेंज पहिल्या व्हेरियंटपासून 350 किमी आणि दुसऱ्या व्हेरिएंटपासून 450 किमी असणे अपेक्षित आहे. BMW ही इलेक्ट्रिक कार एप्रिल २०२२ च्या अखेरीस होणाऱ्या इंडिया आर्ट फेअरमध्ये प्रदर्शित करेल. त्यानंतर मे महिन्यात एका भव्य कार्यक्रमात ही कार लॉन्च केली जाईल. यानंतर, कंपनी काही काळाच्या अंतराने आपली दुसरी कार आणि बाईक लॉन्च करेल. लॉन्च झाल्यानंतर ही इलेक्ट्रिक कार मर्सिडीज बेंझ EQC, Jaguar i Pace इलेक्ट्रिक कार, Audi e Tron GT सारख्या कारशी टक्कर देईल हे नक्की.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी