एका मोबाइलमध्ये दोन WhatsApp हवेत? मग फोनमध्ये करा ही सेटिंग

एका मोबाइलमध्ये दोन WhatsApp हवेत? मग फोनमध्ये करा ही सेटिंग  |  फोटो सौजन्य: BCCL

How to start Dual WhatsApp Account in same mobile: सध्याच्या काळात आपल्यापैकी बहुतांश जणांकडे स्मार्टफोन आहेत आणि या स्मार्टफोनमध्ये दोन सिम कार्ड्स अनेकजण वापरतात. तसेच स्मार्टफोन युजर्सपैकी अनेकजण हे व्हॉट्सअपचाही वापर करत असतात. मात्र एकाच फोनमध्ये दोन्ही मोबाइल नंबरचे व्हॉट्सअप कसे सुरू करायचे असा प्रश्न अनेकांना पडतो. तुम्हालाही असाच प्रश्न पडला असेल तर चिंता करु नका आज आम्ही तुम्हाला काही टिप्स सांगणार आहोत.

How to run dual whatsapp

व्हॉट्सअपकडून युजर्ससाठी अनेक नवनवीन फिचर्स लॉन्च करण्यात येत असतात. एकाच नंबरचं व्हॉट्सअप मोबाइल फोनसह इतर ठिकाणी वापरण्यासाठी कंपनीकडून फीचर लॉन्च करण्यात आलेलं आहे. त्यानुसार तुम्ही मोबाइलसोबतच लॅपटॉपमध्येही व्हॉट्सअप वापरु शकता. मात्र, एकाच फोनमध्ये दोन व्हॉट्सअप सुरू करायचे असतील तर नेमकं काय करावं? जाणून घेऊयात या संदर्भात...

हे पण वाचा : या आजारांमुळे वाढते पोटाची चरबी

स्मार्टफोन निर्माता ओप्पो (Oppo), शाओमी (Xiaomi), विवो (Vivo), हुआई (Huawei), सॅमसंग (Samsung), वनप्लस (Oneplus), रिअलमी (Realme) कंपन्यांनी आपल्या स्मार्टफोन्समध्ये ड्युअल अ‍ॅप्स (Dual Apps) सपोर्टची सुविधा दिलेली आहे. ज्याच्या माध्यमातून तुम्ही फोनमध्ये एकसारखेच दोन अ‍ॅप्स वापरु शकता. त्यामुळे थर्ड पार्टी अ‍ॅपशिवाय तुम्ही एकाच फोनमध्ये दोन व्हॉट्सअप सुरू करु शकता.

हे पण वाचा : Weight Loss: हा डाएट फॉलो करा अन् महिन्याभरात 10 किलो वजन कमी करा

How to set up to run dual Whatsapp 

1. सर्वप्रथम तुम्हाला फोनच्या डिवाइस सेटिंग्समध्ये जावं लागेल. 
2. त्यानंतर स्क्रोल डाऊन करुन Apps वर क्लिक करा.
3. आता तुम्हाला Dual Apps चा पर्याय दिसेल. या पर्यायावर क्लिक करा. त्यानंतर Create या पर्यायावर क्लिक करा.
4. यानंतर तुम्हाला ड्युअल अ‍ॅप सपोर्टेड अ‍ॅप्समधील WhatsApp पर्याय निवडावा लागेल.
5. मग ड्युअल अ‍ॅप्स समोरील टॉगल ऑन करा आणि थोडा वेळ वाट पहा.
   
6. यानंतर तुम्हाला अ‍ॅप लॉन्चरवर जावं लागेल. मग ड्युअल अ‍ॅप आयकॉन असलेल्या WhatsApp वर क्लिक करा. 
7. यानंतर तुम्हाला आपल्या दुसऱ्या सिमकार्डमधील नंबरच्या मदतीने तुम्ही WhatsApp वापरु शकता.