ट्रेंडिंग:

Whatsapp वरून सुरू आहे मोठा घोटाळा, जाणून घ्या कसा करावा स्वतःचा बचाव

Whatsapp Call Scam : WhatsApp वर International नंबरवरून येणाऱ्या अज्ञात कॉल आणि मेसेजचे प्रमाण वाढले आहे. मेसेज आले तर इंग्रजी किंवा आपण जी भाषा Whatsapp वर जास्त वेळा वापरता त्या भाषेत येतात. कॉल आले तर प्रामुख्याने ऑडिओ स्वरुपात येतात. या पद्धतीने घोटाळेबाज सक्रीय झाले आहेत. ते तंत्रज्ञानाच्या मदतीने घोटाळे करत आहेत.

Updated May 14, 2023 | 09:39 AM IST

whatsapp scam.

Whatsapp Call Scam : WhatsApp वर International नंबरवरून येणाऱ्या अज्ञात कॉल आणि मेसेजचे प्रमाण वाढले आहे. मेसेज आले तर इंग्रजी किंवा आपण जी भाषा Whatsapp वर जास्त वेळा वापरता त्या भाषेत येतात. कॉल आले तर प्रामुख्याने ऑडिओ स्वरुपात येतात. या पद्धतीने घोटाळेबाज सक्रीय झाले आहेत. ते तंत्रज्ञानाच्या मदतीने घोटाळे करत आहेत.

कॉल करणारे वा मेसेज करणारे एखाद्या संस्थेचे अथवा कंपनीचे HR असल्याचा दावा करतात आणि नोकरीची संधी असल्याचे सांगून आपला सीव्ही मागवतात. जास्तीत जास्त वैयक्तिक माहिती मिळवण्याचा प्रयत्न करतात. काही वेळा कॉल करणारे वा मेसेज करणारे एखाद्या शिक्षणसंस्थेचे प्रतिनिधी असल्याचा दावा करतात आणि नव्या कोर्सची ऑफर देतात. कोर्सला अॅडमिशन हवी असल्यास सीव्ही पाठवण्यास सांगतात आणि या माध्यमातून जास्तीत जास्त वैयक्तिक माहिती मिळवतात.

Whatsapp वरून नोकरीची ऑफर देणारे अनेकदा सोशल मीडिया प्लॅटफॉर्म किंना YouTube हँडल करण्याचे काम असेल असे सांगून मोठ्या पैशांची ऑफर देतात. सुरुवातीला काम अगदी सोपे असेल आणि नंतर गुंतागुंतीच्या कामाचे प्रशिक्षण देऊ असे सांगून मोठ्या रकमेची ऑफर देतात. उत्सुकचा दाखवताच सीव्ही मागवून आपली जास्तीत जास्त वैयक्तिक माहिती मिळवतात.

बातमीची भावकी

WhatsApp वर तुम्हालाही मेसेज किंवा कॉल्स येतायत? मग व्हा सावध, जाणून घ्या कसा करावा नंबर ब्लॉक आणि कसे कराल रिपोर्ट

WhatsApp द्वारे फसवणुकीचा प्रयत्न, सतर्क महिलेने दिले सडेतोड उत्तर

वैयक्तिक माहिती मिळवून Whatsapp घोटाळा करणारे त्या माहितीचा वापर सायबर गुन्ह्यांसाठी करतात. स्वतःची ओळख लपवून दुसऱ्याच्या वैयक्तिक माहितीचा गैरवापर करून सायबर गुन्हेगार पोलिसांची दिशाभूल करण्याचा प्रयत्न करतात. काही वेळा नोकरीची ऑफर देणारे Whatsapp घोटाळेबाज किरकोळ काम करण्यासाठी जास्त पैसे देतात. नंतर एखाद्या कामासाठी भागीदार म्हणून गुंतवणूक करण्याचे आवाहन करतात. जास्त पैसे कमावण्याची संधी आहे, असे सांगून विशिष्ट खात्यात पैसे जमा करण्यास सांगतात. पैसे मिळाल्यानंतर संपर्क करणे थांबवतात आणि पैसे घेऊन गायब होतात.

Whatsapp घोटाळ्यांपासून असे मिळवा संरक्षण

अज्ञात नंबरवरून आलेला मेसेज आणि कॉल यांना प्रतिसाद न देणे हा धोका टाळण्याचा सर्वोत्तम उपाय आहे. अज्ञात नंबर वरून संपर्क साधण्याचा प्रयत्न झाला तर हा नंबर ब्लॉक करणे हा आणखी एक सोपा आणि प्रभावी उपाय आहे.

Whatsapp वर असे ब्लॉक करा अज्ञात नंबर

तुम्हाला काही विशिष्ट व्यक्तीकडून मेसेजेस, कॉल्स आलेले नको असतील किंवा त्यांची स्टेटस अपडेट्स दिसायला नको असतील, तर तुम्ही त्यांना ब्लॉक करू शकता. ते आक्षेपार्ह मजकूर किंवा स्पॅम पाठवत असतील, तरीदेखील तुम्ही त्यांची तक्रार नोंदवू शकता. तुम्हाला किंवा इतर कोणालाही धोका आहे असे वाटल्यास कृपया तुमच्या भागातील लोकल इमर्जन्सी सर्व्हिसशी (Police) संपर्क साधा.

WhatsApp उघडा > अधिक पर्याय (More) > सेटिंग्ज (Settings) यावर टॅप करा.

गोपनीयता (Privacy) > ब्लॉक केलेले संपर्क (Blocked contacts) यावर टॅप करा.

जोडा (Add) वर टॅप करा.

तुम्हाला ज्याला ब्लॉक करायचे आहे तो संपर्क शोधा किंवा निवडा.

दुसरा पर्याय

संपर्कासोबतचे चॅट उघडा, त्यानंतर आणखी > ब्लॉक करा > ब्लॉक करा यावर टॅप करा. तुम्ही संपर्काची तक्रार करा > ब्लॉक करा यावर टॅप करूनदेखील संपर्काची तक्रार करू शकता.

संपर्कासोबतचे चॅट उघडा, त्यानंतर संपर्काचे नाव > ब्लॉक करा > ब्लॉक करा यावर टॅप करा.

ज्या अनोळखी फोन नंबरला ब्लॉक करायचे आहे त्या नंबरसोबत WhatsApp मध्ये झालेले चॅट उघडा.

ब्लॉक करा वर टॅप करा. तुम्ही संपर्काची तक्रार करा > ब्लॉक करा यावर टॅप करूनदेखील संपर्काची तक्रार करू शकता.

ताज्या बातम्या

सर्वात लोकप्रिय त्रिकूट - प्रसन्‍न, दिनार व श्रेयस यांचे 'शांतीत क्रांती सीझन 2'सह पुनरागमन: ट्रेलर रिलीज

सोनी बीबीसी अर्थने मुंबईच्या नेहरू सायन्स सेंटरमध्ये साजरा केला सायन्स फिल्म फेस्टिव्हल

ग्लेनमार्क लाइफसायन्सेसच्या 75 टक्के भागभांडवलची विक्री; निरमा कंपनी 5651 कोटींना करणार खरेदी

मुंबई, पुण्याला बसला सायबरधोक्‍यांचा सर्वाधिक फटका: QuickHeal

गोदरेज एयरतर्फे लालबागच्या राजाचा अनोखा अनुभव, सुगंध आणि तंत्रज्ञान असा झालाय मिलाप

IND vs AUS, 2nd ODI: ऑस्ट्रेलियाची बॅटिंग गडगडली, टीम इंडियाचा तब्बल 99 रन्सने विजय

iPhone 15 मध्ये टाईप C चार्जिंग सुविधा, पण अँड्रॉईड केबलने चुकूनही करू नका चार्ज अन्यथा होईल पश्चाताप

Daily Horoscope 25 September: महादेवाच्या कृपेने 'या' 5 राशीच्या व्यक्तींचं भाग्य उजळणार

बातमी समाप्त

व्हिडिओ