Maruti Suzuki | मारुतीच्या 'या' कारच्या प्रेमात पडले लोक...विक्रीत 1825% वाढ! किंमत 5.25 लाख आणि मायलेज 35 किमी

Maruti Suzuki's Popular Car : मारुती सुझुकी ही देशातील नंबर वन कार उत्पादक कंपनी आहे. मारुतीच्या कार आजही लोकांमध्ये प्रचंड लोकप्रिय आहेत. त्यातही मारुतीचे काही मॉडेल तर लोकांना भन्नाट आवडतात आणि बाजारात त्याची चलती असते. मारुती सुझुकीने (Maruti Suzuki)अलीकडेच आपली प्रसिद्ध हॅचबॅक कार सेलेरियोचे (Celerio)नेक्स्ट जनरेशन मॉडेल देशांतर्गत बाजारात लॉन्च केले आहे.

Maruti Suzuki popular car
ही आहे मारुती सुझुकीची सर्वाधिक लोकप्रिय कार 
थोडं पण कामाचं
  • मारुतीच्या कार बाजारात प्रचंड लोकप्रिय
  • मारुती सेलेरियोने अल्टो आणि स्विफ्टलादेखील टाकले मागे
  • सेलेरियोचे नवे मॉडेल मारुतीने आणले बाजारात

Maruti Suzuki Celerio : नवी दिल्ली : मारुती सुझुकी ही देशातील नंबर वन कार उत्पादक कंपनी आहे. मारुतीच्या कार आजही लोकांमध्ये प्रचंड लोकप्रिय आहेत. त्यातही मारुतीचे काही मॉडेल तर लोकांना भन्नाट आवडतात आणि बाजारात त्याची चलती असते. मारुती सुझुकीने (Maruti Suzuki) अलीकडेच आपली प्रसिद्ध हॅचबॅक कार सेलेरियोचे (Celerio) नेक्स्ट जनरेशन मॉडेल देशांतर्गत बाजारात लॉन्च केले आहे. आकर्षक लूक आणि प्रगत तंत्रज्ञानाने किफायतशीर असल्याने या कारला चांगलीच पसंती मिळत आहे. या छोट्या कारने विक्रीच्या बाबतीत सर्वोत्तम कामगिरी करत एप्रिलमध्ये तब्बल 1825% वाढ नोंदवली आहे. (Maruti Suzuki's this popular car records 1825% rise in sale, check the details)

अधिक वाचा : Horwin SK3 | एकदा पूर्ण चार्ज करा आणि 300 KM पर्यंत विसरा...पाहा नवी मजबूत स्कूटर, दमदार फीचर!

अल्टो आणि स्विफ्ट पडल्या मागे

विक्रीचे आकडे पाहता, मारुती सुझुकीने एप्रिल महिन्यात Celerio च्या एकूण 7,066 युनिट्सची विक्री केली आहे. मागील वर्षी एप्रिल महिन्यात या कारच्या केवळ 367 युनिट्सची विक्री झाली होती. त्याच्याशी तुलना करता विक्रीमध्ये 1825% वाढ झाली आहे. नेहमी पुढे असणाऱ्या मारुती अल्टो आणि स्विफ्टच्या विक्रीमध्ये कमालीची घट झाली आहे. तर वॅगनआर ही देशातील सर्वाधिक विक्री होणारी कार बनल्याने गेल्या महिन्यातील विक्रीच्या ट्रेंडमध्ये मोठा बदल झाला आहे.

अधिक वाचा : आता आली Airbag वाली मोटरसायकल, रिव्हर्स गियर सह 7-स्पीड DTCचा पर्याय

मारुती सेलेरियोच्या नव्या मॉडेलची खासियत

नवीन मारुती सेलेरियो कंपनीच्या पाचव्या पिढीतील हार्टेक्ट प्लॅटफॉर्मवर तयार करण्यात आली आहे. यात ड्युअल फ्रंट एअरबॅग्ज, EBD सह ABS आणि ब्रेक असिस्ट, सेगमेंट-फर्स्ट हिल-होल्ड असिस्ट इत्यादींसह उत्तम सुरक्षा वैशिष्ट्ये आहेत. फायर रेड आणि स्पीडी ब्लू या दोन नवीन रंगांसह एकूण 6 रंगांमध्ये ही कार ऑफर करण्यात आली आहे. इतर रंगांमध्ये, तुम्हाला सिल्की सिल्व्हर, ग्लिस्टरिंग ग्रे, आर्क्टिक व्हाइट आणि कॅफीन ब्राउन मिळेल.

अधिक वाचा : Maruti Suzuki Update | कार विकत घेतांय? मारुती सुझुकीच्या वाहनांच्या किंमतीत 18 एप्रिलपासून वाढ...पाहा किती होणार वाढ

मारुती सुझुकी या कारमध्ये 1.2-लिटर क्षमतेचे K12N पेट्रोल इंजिन वापरते आहे. हे इंजिन DualJet, Dual VVT तंत्रज्ञानाने सुसज्ज आहे. हे इंजिन 5-स्पीड मॅन्युअल आणि ऑटोमॅटिक गिअरबॉक्सशी जोडलेले आहे आणि 65hp पॉवर आणि 89Nm टॉर्क जनरेट करते. नवीन K-Series पेट्रोल इंजिन आणि सुधारित तंत्रज्ञानाने सुसज्ज ही कार सुमारे 26.68 kmpl चा मायलेज देते. त्याच वेळी, त्याचे CNG प्रकार 35.60 किमी/किलो पर्यंत मायलेज देते. कारला 313 लीटर सामानाची जागा मिळते, जी मागील मॉडेलपेक्षा 40% जास्त आहे.

नव्या सेलेरियोची किंमत

कारच्या बाहेरील भागात होरिझोंटल क्रोम स्लेट आणि मध्यभागी सुझुकी बॅज (LOGO) असलेला नवीन ग्रिल विभाग आहे. हनीकॉम्ब इन्सर्टसह नवीन बोनेट स्ट्रक्चर, बल्बस हेडलॅम्प क्लस्टर या कारच्या पुढील भागाला अधिक चांगला लुक देतात. मोठ्या आकारामुळे कारच्या आत केबिनमध्येही चांगली जागा उपलब्ध आहे. कारची किंमत 5.25 लाख ते 7.00 लाख रुपयांच्या दरम्यान आहे.


 

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी