Most expensive electric car : ही आहे 245 कोटींची भारतातील सर्वात महागडी इलेक्ट्रिक कार

मर्सिडिजची नवी इलेक्ट्रिक कार  |  फोटो सौजन्य: Representative Image

Most expensive electric car: नवी दिल्ली : सध्या इलेक्ट्रिक वाहनांचा (Electric Vehicle) जमाना आला आहे. सर्वच आघाडीच्या वाहन उत्पादक कंपन्या जगभरातून आपली इलेक्ट्रिक वाहने बाजारात आणत आहेत. भारतीय आणि आंतरराष्ट्रीय कार उत्पादकांनी मागील काही कालावधीत भारतात अनेक इलेक्ट्रिक कार लॉंच केल्या आहेत. आता मर्सिडिजनेदेखील (Mercedes-Benz) आपली एक भन्नाट इलेक्ट्रिक कार भारतीय बाजारपेठेत आणली आहे. मर्सिडिजने संपूर्णपणे आयात केलेली इलेक्ट्रिक SUV EQC लाँच करून भारतात आपली इलेक्ट्रिक वाहनांची बाजारपेठ खुली केली होती. या कारची किंमत किंमत 1.07 कोटी आहे. मात्र आता मर्सिडिजची Mercedes-AMG EQS 53 4MATIC ही पूर्णपणे तयार कार भारतात आयात केली जाणार आहे. नवीन Mercedes-AMG EQS 53 4MATIC+ 107.8kWh बॅटरीसह येते, असे मर्सिडिजने  म्हटले आहे. (The most expensive electric car AMG EQS 53, to be launched by Mercedes)

अधिक वाचा : OMG! कधी पाणी तर कभी आग फेकतोय हा हॅंडपंप, विश्वास बसत नसेल तर हा Video पहा...

कारची वैशिष्ट्ये

ही कार किमान 75 टक्के बॅटरी चार्ज पातळीसह 3.4 सेकंदात 0-100 किमी/ताशी वेग वाढवू शकते आणि 250 किमी/ताशी उच्च गती धारण करू शकते. सिंगल चार्जवर या नव्या कारची रेंज 529-586 किमी आहे. AMG EQS 53 4MATIC ही लक्झरी सेडान स्थानिक पातळीवर असेम्बल्ड केली जाणार आहे. देशातील इलेक्ट्रिक मोबिलिटी प्रवासाला गती देण्याच्या धोरणाचा भाग म्हणून मर्सिडीज पुढील चार महिन्यांत तीन इलेक्ट्रिक वाहने लॉन्च करणार आहे. कंपनी पुढील महिन्यात स्थानिकरित्या एकत्रित केलेली सर्व-इलेक्ट्रिक सेडान EQS 580 लाँच करेल आणि त्यानंतर नोव्हेंबरच्या आसपास सात-सीटर इलेक्ट्रिक SUV, EQB लाँच करेल.

अधिक वाचा : Bail Pola 2022 Images in Marathi : बैल पोळा सणाच्या शुभेच्छा images

बातमीची भावकी

Automobile Update : मारुतीच्या या स्वस्त 7 सीटर कारला प्रचंड मागणी! 26 किमीचा मायलेज आणि किंमत फक्त एवढी

CNG Vehicle Update : सीएनजी वाहनधारकांसाठी खुशखबर...सरकारने केली मोठी घोषणा

नितीन गडकरींचा मास्टर प्लान, गाडीची टँक एकदा फुल केल्यास धावणार 650 KM

स्थानिक पातळीवरील जीएसटी कर

स्थानिक असेंबली युनिट मर्सिडिजसारख्या जागतिक कार निर्मात्याला आयातीवरील भारी शुल्क टाळण्यास मदत करते. एकत्रितपणे हे शुल्क 200 टक्क्यांहून अधिक आहे. स्थानिक पातळीवर उत्पादक केल्यास  'मेड इन इंडिया'च्या निकषानुसार 5 टक्के जीएसटी (कर लागू होणार आहे.

मर्सिडीज-बेंझ इंडियाचे व्यवस्थापकीय संचालक आणि सीईओ मार्टिन श्वेंक यांनी वृत्तसंस्थेला सांगितले की, "आम्ही खूप आशावादी आहोत आणि आम्ही आजूबाजूला पाहण्यास उत्सुक आहोत. पुढील पाच वर्षांत  25 टक्के विक्री ही इलेक्ट्रिक वाहनांची होईल." इलेक्ट्रिक वाहनांच्या धोरणाला पाठिंबा देण्यासाठी, मर्सिडीज या वर्षी 140 जलद चार्जिंग स्टेशन उभारेल.

अधिक वाचा : गडकरींना भाजपच्या संसदीय समितीतून वगळले जाण्याची होती कल्पना

कंपनीने 2021 मध्ये 11,242 युनिट्सची विक्री केली होती, तर 2022 च्या पहिल्या सहामाहीत 7,573 युनिट्सची विक्री नोंदवली होती. भारतातील लक्झरी ईव्ही स्पेसमधील मर्सिडीजच्या प्रतिस्पर्ध्यांमध्ये ऑडी (ई-ट्रॉन), पोर्शे (टायकन) आणि बीएमडब्ल्यू (आय-रेंज) यांचा समावेश आहे.

मारुति, टाटा, महिंद्रा आणि ह्युंदाईसह देशातील सर्वच आघाडीच्या कार उत्पादक कंपन्यांनी आपले लक्ष इलेक्ट्रिक श्रेणीतील वाहनांवर केंद्रित केले आहे. भारतासह जगभरातील इलेक्ट्रिक वाहनांची बाजारपेठ विस्तारते आहे.