Spam Calls: स्पॅम कॉल्समुळे तुम्हीही आहात त्रस्त? मग करा हे छोटं काम अन् करा सुटका

Spam Calls block tips and tricks: तुम्हालाही वारंवार नको असलेले स्पॅम कॉल्स येत आहेत का? मग काळजी करु नका काही सोप्या टिप्सने तुम्ही हे कॉल्स ब्लॉक करु शकता. 

Representative Image
प्रातिनिधिक फोटो (Photo: iStock) 
थोडं पण कामाचं
  • Spam Calls पासून सुटका मिळवण्यासाठी अँड्रॉईड युजर्सकडे दोन पर्याय आहेत
  • हे फीचर्स आधीपासूनच फोनमध्ये ऑन असतात
  • स्पॅम कॉल्सला मॅन्युअली ब्लॉक करण्याचा पर्यायही युजर्सकडे आहे

Spam calls block tips in marathi: स्पॅम कॉल्स येणं हे कुणालाच आवडत नाही. आपल्याला नको असलेले स्पॅम कॉल्स हे वारंवार फोनवर येत असतात आणि यामुळे युजर्स प्रचंड त्रस्त होतात. टेलिमार्केटिंग कॉल्स, ऑटोमेटिक म्हणजेच रोबो कॉल्स आणि तिसरा प्रकार म्हणजे स्कॅम कॉल्स असे विविध कॉल्स युजर्सला येत असतात. या कॉल्समुळे बहुतांश नागरिकांना त्रास होतो. कोरोनाच्या महामारीनंतर या स्पॅम कॉल्सच्या संख्येत झपाट्याने वाढ होत असल्याचं दिसून येत आहे. जर तुम्ही सुद्धा अशाच प्रकारच्या स्पॅम कॉल्सने त्रस्त आहात तर काळजी करु नका आम्ही तुम्हाला काही टिप्स सांगणार आहोत ज्यामुळे तुम्ही या स्पॅम कॉल्सपासून आपली सुटका करुन घेऊ शकता. (how to block spam calls technology news tips and tricks in marathi)

Spam calls पासून सुटका मिळवण्यासाठी Google अँड्रॉईड युजर्सला दोन पर्याय उपलब्ध करुन देत. हे फीचर्स कॉलर आयडी आणि स्पॅम प्रोटेक्शनवाले आहेत. हे दोन्ही फीचर्स बायडिफॉल्ट म्हणजे आधीपासूनच ऑन असतात. जर युजर्सला हवे असेल तर ते बंद करु शकतात. पण जर तुमच्या फोनमधील हे फीचर्स बंद आहेत तर तुम्ही ते तपासू शकता. आम्ही तुम्हाला या संदर्भातील स्टेप्स सांगणार आहोत. जेणेकरुन स्पॅम कॉल्सपासून तुम्हाला सुटका मिळेल.

अधिक वाचा : Jio Recharge : जियोचा ६६६ रुपयांचा हा प्लॅन झाला २०० रुपयांनी स्वस्त, आणखी बरेच आहेत फीचर्स

  • सर्वातआधी तुमच्या अँड्रॉईड स्मार्टफोनमध्ये Phone App सुरू करा 
  • त्यानंतर more या पर्यायावर टॅप करा
  • हे केल्यावर सेटिंग्समध्ये जा 
  • त्यानंतर Spam and Call Screen या ऑप्शनवर टॅप करा
  • जर हा पर्याय कामी नाही आला तर अँड्रॉईड युजर्स मॅन्युअली सुद्धा कॉल्सला स्पॅम मार्क करु शकतात आणि हे कॉल्स ब्लॉक करु शकतात.

स्पॅम कॉल्स असे करा मार्क 

  • स्पॅम कॉल्स ब्लॉक करण्यासाठी सर्वप्रथम तुमच्या अँड्रॉईड फोनमधील Phone app ओपन करा. 
  • त्यानंतर सर्वातखाली असलेल्या रिसेट टॅबवर टॅप करा
  • यानंतर त्या कॉलवर क्लिक करा ज्याला तुम्हाला स्पॅम कॉल म्हणून रिपोर्ट करायचं आहे 
  • हे केल्यावर ब्लॉक किंवा रिपोर्ट स्पॅम या पर्यायावर क्लिक करा.

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी