WhatsApp डेटा लीकची सावधगिरी कशी बाळगणार?

Whatsapp Data Leak:एकीकडे व्हॉट्सअ‍ॅपचे नवनवे फीचर्स येत असताना आता हे अॅप डेटा चोरीला गेल्याची बातमी समोर आली आहे. या वृत्ताचे व्हॉट्सअ‍ॅपने खंडन केले असले तरी युझर्सने सावधानगिरी बाळगणे गरजेचे आहे.

थोडं पण कामाचं
  • WhatsApp च्या कोट्यवधी युझर्सची डेटा धोक्यात
  • 84 देशातील युझर्सचा डेटा हॅक
  • खबरदारी म्हणून युझ्रर्स काळजी घेऊ शकतो.

मुंबई : Smartphone मुळे सर्वच जण आता सोशल मीडियाचा वापर करतात. त्यातही WhatsApp या सोशल मॅसेजिंग अॅप वापरत नाही, असा एकाही माणूस सापडणे मुश्किलच. हे वापरायला इतकं सोपंय की ते प्रत्येकाच्या जीवनाचा अविभाज्य भाग बनलयं. आपली सगळी कामं जणू हेच अॅप करतं. एकीकडे व्हॉट्सअ‍ॅपचे नवनवे फीचर्स येत असताना आता हे अॅप अनेकांना अडचणीत आणणार आहे. त्याला कारण म्हणजे  WhatsApp चा डाटा चोरीला गेल्याची बातमी समोर आलीय. (How to prevent WhatsApp data leak?)

अधिक वाचा : WhatsApp Latest New Feature : व्हॉट्सअ‍ॅपने लॉंच केले एक नवीन धमाल फीचर, आता स्वतःला सहजपणे मेसेज करा आणि महत्त्वाची माहिती साठवा

जगभरातील अनेक देशांतील WhatsApp च्या कोट्यवधी युझर्सची माहिती धोक्यात आली आहे. सध्याच्या रिपोर्टनुसार, जगभरातील 84 देशातील युझर्सचा डाटा चोरीला गेला आहे. या देशांमध्ये अमेरिका, इंग्लंड, इजिप्त, इटली, सऊदी अरब आणि भारताचा प्रामुख्याने समावेश आहे. त्यामुळे अनेकांच्या काळजाचा ठोका चुकलाय. तुमचा तुमचा डाटा हॅकर्स इतर कंपन्याना विक्री करण्याची शक्यता वर्तविण्यात येत आहे. व्हाट्सअपच्या इतिहासातील ही सर्वात मोठी हॅकिंग मानण्यात येत आहे. त्याआधारे हॅकर्स युझर्सच्या कॉन्टॅक्ट लिस्टमधील मित्र, नातेवाइकांची फसवणूक करू शकतात. तसेच बँक खात्यावरही डल्ला मारल्या जाऊ शकतो.

अधिक वाचा : Whatsapp New Feature: व्हॉट्सअपवर येतंय नवं फिचर, स्टेटस लावण्यासाठी मिळणार आणखी एक पर्याय
पण व्हॉट्सअ‍ॅपने मात्र डेटा लिकचे खंडन केले असले, तरी खबरदारी म्हणून आपण काळजी घेऊ शकतो. व्हॉट्सअ‍ॅपचा डेटा चोरी झालेल्या ५० कोटी यूजर्समध्ये तुमचाही समावेश आहे का, हे तुम्ही तपासू शकता. सायबरन्यूजच्या संकेतस्थळावर गेल्यावर वरील बाजूला ‘टूल’ नावाचा पर्याय दिसेल. त्यावर क्लिक केल्यावर त्यातील ‘पर्सनल डेटा लीक चेकर’वर क्लिक करा. नवीन विन्डो ओपन झाल्यावर त्यातील सर्च बॉक्समध्ये तुमचा मोबाईल क्रमांक किंवा ई-आयडी प्रविष्ट करून तुमचा डेटा लीक झाली की नाही, हे तपासता येते.


सावधगिरी कशी बाळगणार?

  •  तुमचा ईमेल आयडी किंवा फोननंबर चोरी करून त्याद्वारे हॅकर्स फिशिंग अटॅक करतात. त्यात तुमच्या संपर्कातील लोकांना मेसेज, ई-मेल किंवा व्हॉइस-मेलच्या माध्यमातून एखादी लिंक पाठवतात.
  • त्यातून फसवणूक होण्याची शक्यता असते. त्यामुळे अनोळखी क्रमांकावरून किंवा आपल्या ओळखीच्या लोकांनी पाठवलेल्या संशयास्पद मेसेजची पडताळणी केल्याशिवाय त्याला रिप्लाय करु नका.
  • व्हॉट्सअ‍ॅवरील तुमचा डेटा सुरक्षित ठेवायचा असल्यास टू-फॅक्टर ऑन्थेटिकशनचा पर्याय तुम्ही वापरू शकता. तो वापरत नसल्यास सेटिंगमध्ये अकाऊंटवर क्लिक करा. तेथे तुम्हाला टू-फॅक्टर ऑन्थेटिकशन हा पर्याय दिसेल. त्यावर क्लिक करून सहा अंकी पीन टाकून आणि ई-मेल आयडी सेव्ह करा. अशा प्रकारे तुमचे टू-फॅक्टर ऑन्थेटिकशन सुरू होईल.
     

ताज्या बातम्यांच्या अपडेटसाठी Times Now मराठीच्या फेसबुक पेजला लाइक करा.

पुढची बातमी