केस बारीक कापल्याने 13 वर्षीय मुलगा संतापला अन् 16व्या मजल्यावरुन उडी घेत आयुष्य संपवलं, ठाण्यातील घटना
Thane youth commits suicide: ठाण्यातून एक धक्कादायक बातमी समोर आली आहे. बारीक केस कापल्याने 13 वर्षीय मुलाने 16व्या मजल्यावरुन उडी घेत आत्महत्या केली आहे.
केस बारीक कापल्याने 13 वर्षीय मुलगा संतापला अन् 16व्या मजल्यावरुन उडी घेतल आयुष्य संपवलं, ठाण्यातील घटना (प्रातिनिधिक फोटो) | फोटो सौजन्य: BCCL
थोडं पण कामाचं
- ठाण्यातील धक्कादायक घटना
- बारीक केस कापल्याने अल्पवयीन मुलाची आत्महत्या
- 13 वर्षीय मुलाने 16व्या मजल्यावरुन उडी घेत केली आत्महत्या
Thane Crime News : ठाणे जिल्ह्यातून एक धक्कादायक घटना समोर आली आहे. येथील एका अल्पवयीन मुलाचे केस कापल्याने त्याने टोकाचं पाऊल उचललं आहे. बारीक केस कापल्याने या मुलाने 16 व्या मजल्यावरुन उडी घेत आत्महत्या केली. हा मुलगा 13 वर्षीय असल्याची माहिती समोर आली आहे. (Thane youth commits suicide by jumping 16th floor after excessive hair cut crime news marathi)
जास्त केस कापल्याने नाराज
मिळालेल्या माहितीनुसार, भाईंदर पूर्व परिसरात न्यू गोल्डन एरिया येथे सोनम इंद्रप्रस्थ नावाची इमारत आहे. या इमारतीच्या 16व्या मजल्यावर पाठक कुटुंबीय राहतात. यांचा 13 वर्षीय मुलगा शत्रुघ्न राजीव पाठक हा आठवीत शिकतो. शत्रुघ्न याच्या चुलत भावाने त्याला केस कापण्यास नेले. मात्र, त्याचे केस बारीक कापल्याने तो नाराज झाला. नाराज झालेल्या शत्रुघ्न याने घरी येताच टोकाचं पाऊल उचललं.
हे पण वाचा : रात्री इनरवेअर घालून झोपावे की नाही?
जास्त बारीक केस कापल्याने शत्रुघ्न खूपच नाराज झाला होता. त्याला कुटुंबीयांनी समजावले मात्र, नाराज झालेल्या शत्रुघ्न याने मंगळवारी रात्री 11.30 वाजण्याच्या सुमारास 16व्या मजल्यावरील बाथरूमच्या खिडकीतून उडी घेत आत्महत्या केली. या प्रकरणी नवघर पोलीस ठाण्यात अकस्मात मृत्यूची नोंद करण्यात आली.
हे पण वाचा : झटपट नोकरी बदलावी की नाही?
या प्रकरणी नवघर पोलीस स्टेशनचे वरिष्ठ पोलीस निरीक्षक विजय पवार यांच्या मार्गदर्शनाखाली सहाय्यक पोलीस निरीक्षक संदीप पालवे तपास करत आहेत. शत्रुघ्न हा कुटुंबातील सर्वात लहान मुलगा होता. त्याला दोन मोठ्या बहिणी आहेत. शत्रुघ्न हा अल्पवयीन होता आणि त्याने उचललेल्या या टोकाच्या पावलामुळे संपूर्ण पाठक कुटुंबीयांना मोठा धक्का बसला आहे.