धावत्या बसमध्ये ड्राइव्हरला आली फिट, प्रसंगावधान दाखवतं प्रवासी महिलेने घेतलं हातात स्ट्रेअरिंग

पुणे : भरधाव वेगाने जाणार्‍या मिनी बसचा चालक अचानक बेशुद्ध झाला आणि बस अनियंत्रित झाली. त्यामुळे बसमध्ये बसलेले बहुतांश प्रवासी घाबरले. मात्र या प्रवाशांमध्ये बसलेल्या एका महिलेने आश्चर्यकारक पराक्रम केला. पुण्यातील वाघोली येथील योगिता सातव या ४२ वर्षीय महिला चालकाला बेशुद्ध पडलेले पाहून तात्काळ जागेवरून उठल्या आणि बसच्या स्टेअरिंगचा ताबा घेतला. आश्चर्याची गोष्ट म्हणजे आयुष्यात पहिल्यांदाच त्यांनी बसचे स्टेअरिंग हातात घेऊन सर्व प्रवाशांचे प्राण वाचवले.(The driver got fit in the speeding bus, the passenger woman took the steering wheel in her hand.)

योगिता सातव यांनी सुमारे 25 किमी मिनी बस चालवत चालकाला रुग्णालयात पोहचवले. वाघोली येथील वीस जण मोराची चिंचोली येथे सहलीसाठी गेले असताना ७ जानेवारी रोजी ही घटना घडली होती. तेथे दिवसभर घालवल्यानंतर दुसऱ्या दिवशी सायंकाळी पाच वाजता प्रवाशी परत येत होते. अचानक बस चालकाने अस्वस्थतेची तक्रार केली. त्यानंतर ड्रायव्हरला चक्कर येऊ लागली, त्यामुळे त्याला काहीच दिसत नव्हते.

अशा स्थितीत चालकाचे बसवरही नियंत्रण राहिले नाही. हे दृश्य पाहून बसमध्ये बसलेल्या महिलांनी आरडाओरडा सुरू केला. हा प्रसंग आठवून सविता म्हणते – मी त्याच्याकडे पोहोचलो आणि विचारलं काय प्रॉब्लेम आहे? ड्रायव्हरने मला सांगितले की मला अस्वस्थ वाटत आहे. मग मी म्हणाली कि जर त्यांना बस चालवताना त्रास होत असेल तर मी चालवते. यादरम्यान बसचालक बेशुद्ध पडला. त्यामुळे मी इतर प्रवाशांना सांगितले की मी बस चालवते कारण मला गाडी कशी चालवायची हे माहित आहे. पिकनिकला गेलेल्या आणखी एका महिलेने सांगितले की, योगिता बस चालवू शकते हे आम्हाला माहीत होते. 

संपूर्ण रस्ता सुनसान आणि अंधार असल्याने आम्हाला त्या भागातून बाहेर पडावे लागले. योगिताचा बस ड्राइव्ह करतानाचा व्हिडिओ व्हायरल होत आहे. हा व्हिडिओ आतापर्यंत लाखो वेळा पाहिला गेला आहे. तो यूट्यूबवरही अपलोड करण्यात आला आहे. हा व्हिडिओ पाहिल्यानंतर सर्वजण योगिताचे कौतुक करत आहेत. त्याचवेळी, योगितामुळेच अपघात होण्यापासून वाचल्याबद्दल बसमध्ये उपस्थित लोकही आभार मानत आहेत.