ट्रेंडिंग:

Viral Video : महाराष्ट्रातल्या गावकऱ्यांनी व्हिडीओच्या माध्यमातून चव्हाट्यावर आणला रस्ता घोटाळा

Maharashtra Viral Video : महाराष्ट्रातल्या जालना जिल्ह्यातील अंबड तालुक्यातल्या गावकऱ्यांनी एक रस्ता घोटाळा व्हिडीओच्या माध्यमातून चव्हाट्यावर आणला आहे. या प्रकरणी चौकशी व्हावी आणि दोषींवर कठोर कारवाई व्हावी अशी मागणी गावकरी करत आहेत. कंत्राटदार गावकऱ्यांचे आरोप फेटाळत आधुनिक तंत्राचा वापर करून रस्ता तयार केल्याचे सांगत आहे. या उलट गावकरी रस्त्याच्या नावाखाली फसवणूक सुरू असल्याचे सांगत आहेत.

Updated Jun 1, 2023 | 04:00 PM IST

Fake Road Viral Video

Maharashtra News, Viral Video : एकनाथ शिंदे मुख्यमंत्री झाल्यानंतर राज्यात रस्ते निर्मितीला वेग आल्याचा दावा राज्य सरकारकडून सुरू आहे. सरकार मोठ्या प्रमाणात जाहिराती करून विकासाला गती दिल्याचे सांगत आहे. दुसरीकडे महाराष्ट्रातल्या जालना जिल्ह्यातील अंबड तालुक्यातील गावकऱ्यांनी एक व्हिडीओ करून नवी धक्कादायक माहिती दिली आहे. रस्ते निर्मितीच्या नावाखाली कंत्राटदार घोटाळा करत आहेत. सगळ्यांची दिशाभूल करून कंत्राटदार कोट्यवधी रुपये उकळत असल्याचा आरोप गावकरी करत आहेत.

When Kaleen Bhaiya ventures into Road construction 😂😂 The contractor made a fake road— with carpet as a base! #Maharashtra #India #Wednesdayvibe pic.twitter.com/6MpHaL5V6x
— Rohit Sharma 🇺🇸🇮🇳 (@DcWalaDesi) May 31, 2023

जालना जिल्ह्यातील अंबड तालुक्यातील गावकऱ्यांनी केलेला एक व्हिडीओ व्हायरल होत आहे. हा 38 सेकंदांचा व्हिडीओ आहे. व्हिडीओत 3 गावकरी एक काळ्या रंगाचे कार्पेट उचलत असल्याचे दिसत आहे. हे कार्पेट जुन्या रस्त्यावर चिकटवून चकाचक रस्ता तयार केल्याचा देखावा करण्यात आला आहे, असा आरोप गावकऱ्यांनी केला आहे. कंत्राटदाराने सरकारकडून पैसे उकळले आणि रस्ता तयार केल्याचा फक्त बनाव केला आहे. प्रत्यक्षात रस्ता तयार केलेला नाही, असा आरोप गावकऱ्यांनी केला आहे.

कार्पेट लावण्यासाठी जुन्या खड्डे झालेल्या रस्त्याची थोडी डागडुजी करण्यात आली. नंतर त्या रस्त्यावर कार्पेट लावून रस्त्याचा देखावा तयार करण्यात आला आहे, असा आरोप गावकऱ्यांनी केला. जालना जिल्ह्यातील अंबड तालुक्यात कर्जत ते हस्त पोखरी दरम्यान कार्पेट वापरून रस्ता तयार केल्याचा देखावा कंत्राटदाराने केला आहे. पण पक्का रस्ता तयार केलेला नाही; असा आरोप गावकऱ्यांनी केला. प्रधानमंत्री ग्राम सडक योजनेंतर्गत अंबड तालुक्यात कंत्राटदाराने कार्पेट वापरून रस्ता घोटाळा केल्याचा आरोप गावकऱ्यांनी केला आहे. गावकऱ्यांनी केलेल्या आरोपाचे वृत्त एका इंग्रजी वृत्तपत्राने प्रसिद्ध केले. माध्यमांच्या प्रतिनिधींनी कंत्राटदाराची प्रतिक्रिया जाणून घेण्याचा प्रयत्न केला. कंत्राटदाराने गावकऱ्यांचा आरोप सपशेल फेटाळला.

बातमीची भावकी

Gautami Patil हिने आडनाव बदलावं काय? काय म्हणाले गावातील लोक आणि नातेवाईक

Mumbai Coastal Road: 13 हजार कोटी रुपये खर्चून बांधण्यात येणारा हा प्रकल्प आहे तरी कसा? वाचा...

रस्ता वेगाने आणि आधुनिक पद्धतीने तयार करण्यासाठी जर्मन तंत्रज्ञानाचा वापर केला आहे. कोणताही घोटाळा केलेला नाही, असे कंत्राटदाराने सांगितले. त्याने रस्ता घोटाळा केल्याचा आरोप फेटाळला. पण गावकऱ्यांनी कंत्राटदाराच्या बोलण्यात तथ्य नसल्याचे सांगितले. ज्या सरकारी इंजिनिअरने या बोगस रस्त्याचे काम मंजूर केले त्याच्यावर कारवाई व्हायला हवी, असेही गावकऱ्यांचे म्हणणे आहे. रस्ता घोटाळा प्रकरणी चौकशी करून सर्व दोषींवर नियमानुसार कठोर कारवाई करावी, अशी मागणी गावकरी करत आहेत.

मेक इन इंडिया

मेक इन इंडिया वेबसाईटने दिलेल्या माहितीनुसार भारतात 63.32 लाख किमी. चे रस्त्यांचे विस्तीर्ण जाळे आहे. रस्ते निर्मितीसाठी विविध सरकारी आणि खासगी संस्था, आस्थापने कार्यरत आहेत. या सर्व सरकारी आणि खासगी संस्था, आस्थापने यांच्या माध्यमातून रस्ते निर्मितीला गती देण्याचे काम सुरू आहे. आधुनिक तंत्रज्ञानाचा वापर करून रस्ते निर्मिती वेगाने सुरू आहे.

व्हायरल व्हिडीओ

रस्ते निर्मिती वेगाने सुरू आहे. पण यात पहिल्यांदाच कार्पेट वापरून घोटाळा सुरू असल्याचा आरोप गावकऱ्यांनी केला आहे. यामुळे अनेकांचे लक्ष अंबड तालुक्यातील गावकऱ्यांनी केलेल्या व्हिडीओकडे आहे.हा व्हिडीओ वेगाने व्हायरल होत आहे.

ताज्या बातम्या

Viral Video: वांद्रे सी लिंकवर महिलेचा हायव्होल्टेज ड्रामा, पोलिसासोबत गैरवर्तन करत दिली ही धमकी

The Great Indian Family BO Collection: 'जवान'समोर विकी कौशलच्या 'द ग्रेट इंडियन फॅमिली'ची अवस्था बिकट, फक्त इतकंच कलेक्शन

Beed News: पंकजा मुंडे यांना मोठा धक्का! वैद्यनाथ साखर कारखान्यावर जीएसटी आयुक्तालयाची कारवाई

Maharashtra Rain Alert: राज्यात पुढील 3 दिवस मुसळधार! पाहा कोणकोणत्या जिल्ह्यांना 'यलो अलर्ट'

मुंबईत ‘Stop Rabies’ उपक्रमासाठी PPAM व BMC एकत्र करणार काम, राबविणार मोफत लसीकरण शिबिरे

Asian Games 2023 : भारताची आणखी एक सुवर्ण भरारी! 10 मीटर एअर रायफल स्पर्धेत जिंकले सुवर्णपदक

सर्वात लोकप्रिय त्रिकूट - प्रसन्‍न, दिनार व श्रेयस यांचे 'शांतीत क्रांती सीझन 2'सह पुनरागमन: ट्रेलर रिलीज

सोनी बीबीसी अर्थने मुंबईच्या नेहरू सायन्स सेंटरमध्ये साजरा केला सायन्स फिल्म फेस्टिव्हल

बातमी समाप्त

व्हिडिओ