ट्रेंडिंग:

US President जो बायडेन यांचा पाय घसरला, अमेरिकेच्या जवानांसमोर घडली घटना

US President Joe Biden : अमेरिकेचे अध्यक्ष जो बायडेन 80 वर्षांचे आहेत. तब्येत साथ देत नसल्यामुळे अलिकडच्या काळात त्यांच्या बाबतीत काही वेळा असे प्रसंग ओढवले आहेत जे कोणत्याही नेत्याला स्वतःच्या बाबतीत घडलेले कधीही आवडणार नाही. ताजी घटना अमेरिकेतील आहे. अमेरिकेच्या एअर फोर्स अॅकॅडमीच्या पास आऊट झालेल्या कॅडेटचे कौतुक करण्यासाठी एका सोहळ्याचे आयोजन करण्यात आले होते. या प्रसंगी बायडेन यांच्या बाबतीत धक्कादायक घटना घडली.

Updated Jun 2, 2023 | 12:49 PM IST

US President Joe Biden fall on stage

US President Joe Biden fall on stage : महाशक्ती अशी ओळख मिरविणाऱ्या अमेरिकेचे अध्यक्ष जो बायडेन 80 वर्षांचे आहेत.नोव्हेंबर महिन्यात ते 81 वर्षांचे होतील. तब्येत साथ देत नसल्यामुळे अलिकडच्या काळात बायडेन यांच्या बाबतीत काही वेळा असे प्रसंग ओढवले आहेत जे कोणत्याही नेत्याला स्वतःच्या बाबतीत घडलेले कधीही आवडणार नाही. ताजी घटना अमेरिकेतील आहे. अमेरिकेच्या एअर फोर्स अॅकॅडमीच्या पास आऊट झालेल्या कॅडेटचे कौतुक करण्यासाठी एका सोहळ्याचे आयोजन करण्यात आले होते. या प्रसंगी जो बायडेन यांच्या बाबतीत धक्कादायक घटना घडली. सध्या या घटनेची चर्चा अमेरिकेसह जगात ठिकठिकाणी सुरू आहे.

BREAKING: Biden takes a big fall on stage just now at the U.S. Air Force Academy graduation pic.twitter.com/GxkMbpyoNo
— Jake Schneider (@jacobkschneider) June 1, 2023

अमेरिकेत एअर फोर्स अॅकॅडमीत पास आऊट कॅडेटची परेड होती. या परेडला अध्यक्ष जो बायडेन उपस्थित होते. बायडेन नवोदीत कॅडेट समोर विशेष भाषण करण्यासाठी आले होते. कॅडेटना उद्देशून छोटेखानी भाषण केल्यानंतर अध्यक्ष जो बायडेन रीत म्हणून स्टेजवर उपस्थित एका कॅडेटला शेकहँड करण्यासाठी गेले. शेकहँड करून पुढे जात असताना अचानक अध्यक्ष जो बायडेन यांचा पाय घसरला आणि ते पडले. स्टेजच्या अवतीभोवती बायडेन यांचे सुरक्षा रक्षक आणि एअर फोर्सचे अधिकारी उपस्थित होते. यातल्याच काही जणांनी लगेच पुढे सरसावून अध्यक्षांना सावरले. हात देऊन व्यवस्थित उभे केले. यानंतर अध्यक्ष हळू हळू पुढे चालत गेले. या घटनेचा व्हिडीओ व्हायरल होत आहे.

व्हायरल झालेल्या व्हिडीओवरून उलटसुलट प्रतिक्रिया येत आहेत. अध्यक्षांचा पाय अडखळणे, पाय घसरणे अशा घटना मागील काही महिन्यात एक पेक्षा जास्त वेळा घडल्या आहेत. पण एअर फोर्स अॅकॅडमीत घडलेल्या घटनेला वय किंवा तब्येत नाही तर एक सँड बॅग (वाळुचे पोते) कारणीभूत असल्याचे बायडेन यांनी त्यांना सावरण्यासाठी आलेल्यांना सांगितल्याचे व्हिडीओत दिसत आहे.

बातमीची भावकी

Viral : पैसे नव्हते पण खऱ्या प्रेमाची ओढ होती म्हणून सायकलवरून भारतीयाने गाठले युरोप

Important Days in June 2023 : जून महिन्यातील राष्ट्रीय आणि आंतरराष्ट्रीय महत्त्वाच्या तारखा आणि सणांची यादी

पाय घसरून पडलेल्या बायडेन यांना काही जणांनी सावरले. यानंतर बायडेन यांनी एका काळ्या रंगाच्या सँड बॅगेकडे बोट दाखवून मदतीसाठी आलेल्यांना काही तरी सांगितले. नंतर बायडेन पुढे गेले. यामुळे स्टेजजवळ आग लागल्यास प्रतिबंधात्मक उपाय करण्यासाठी ठेवलेली सँड बँग हीच पाय घसरण्याचे कारण ठरल्याचे बायडेन सांगत असावेत असा असा अंदाज व्यक्त होत आहे.

जो बायडेन हे अमेरिकेच्या इतिहासातले सर्वात वृद्ध अध्यक्ष आहेत. याआधी एवढ्या वयाची व्यक्ती कधीही अमेरिकेची अध्यक्ष नव्हती. बायडेन अध्यक्ष झाले त्यावेळी ते 78 वर्षांचे होते. पण पाय अडखळणे, पाय घसरणे या घटनांमुळे बायडेन पुन्हा अध्यक्षपदाची निवडणूक लढवणार की नाही या मुद्यावरून चर्चेला उधाण आले आहे. पण बायडेन पुढची अध्यक्षपदाची निवडणूक (2024) लढवण्यावर ठाम आहेत. अमेरिकेच्या अध्यक्षांच्या जनसंपर्क विभागाने अध्यक्षांची प्रकृती स्थिर असून त्यांचे नियोजीत कार्यक्रम ठरल्याप्रमाणे सुरू आहेत अशी माहिती दिली.

जी 7 बैठकीच्या वेळी घडलेली घटना

अमेरिकेचे अध्यक्ष जो बायडेन जी 7 बैठकीसाठी जपानमध्ये हिरोशिमा येथे गेले होते. या बैठकीदरम्यान एकदा बायडेन धडपडतील अशी परिस्थिती निर्माण झाली होते. ते थोडक्यात वाचले होते. याआधी 2020 मध्ये अध्यक्षपदाची निवडणूक जिंकल्यानंतर काही दिवसांतच जो बायडेन यांच्या पायाला दुखापत झाली होती. कुत्र्योसोबत खेळत असताना त्यांच्या पायाला दुखापत झाली होती.

ताज्या बातम्या

Vivo Price Drop: महिन्याभरात दुसऱ्यांदा स्वस्त झाले Vivo चे हे 2 स्मार्टफोन, जाणून घ्या नवीन किंमत

Rahu Ketu Gochar 2023: दिवाळीपूर्वी राहू-केतूचे मोठे संक्रमण, या 5 राशी होणार मालमाल

IIT Bombay: मुंबई IIT मध्ये शाकाहार-मांसाहारावरून पुन्हा वाद! मांसाहार करणाऱ्या विद्यार्थ्याला 10 हजारांचा दंड

Nanded Government Hospital Deaths: नांदेडमध्ये मृत्यूचं थैमान! आणखी 7 जणांचा मृत्यू, 4 बालकांचा समावेश; अशोक चव्हाण यांचं ट्वीट

Asian Games 2023: यशस्वी जैस्वालने इतिहास रचला! आशियाई क्रीडा स्पर्धेत शतक झळकावणारा पहिला भारतीय

इक्सिगोची 'इक्सिगो अशुअर्ड' सेवा, निवडक आंतरराष्‍ट्रीय फ्लाइट बुकिंग्‍जवर मिळणार Complete Refund Facility

Lok Sabha Election 2024: काँग्रेस नेत्या प्रियंका गांधी महाराष्ट्रातून लोकसभा निवडणूक लढवणार?

Nanded News: नांदेडच्या शासकीय रुग्णालयात नेमकं काय घडलं? रुग्णालय प्रशासनानं सांगितलं कारण

बातमी समाप्त

व्हिडिओ