सईने नवऱ्यासोबत केली घटस्फोटाची सेलिब्रेशन पार्टी!

मराठी इंडस्ट्रीमधील सर्वाधिक लोकप्रिय अभिनेत्रींमध्ये सई ताम्हणकरचे नाव सर्वात आधी येते.

सईने आपल्या अभिनयाने प्रेक्षकांची मनं तर जिंकलीच पण तिच्या मनमोकळ्या आणि बिनधास्त स्वभावामुळे ती अनेकांची लाडकीदेखील आहे.

सई तिच्या खाजगी आयुष्याबद्दल बोलायला कधीही कचरत नाही. ती अनेकदा बिनधास्तपणे तिच्या आयुष्याबद्दल बोलताना दिसली आहे.

व्यक्त झाली सई

काही वर्षांपूर्वी दिलेल्या एका मुलाखतीत सईने तिच्या घटस्फोटाबद्दलही सांगितलं होतं. लग्न आणि त्यानंतर घटस्फोटाचा निर्णय तिने का घेतला यावरही ती व्यक्त झाली होती.​

घटस्फोटाचे सांगितले कारण

सई म्हणाली, ​'माझं आणि अमेय गोसावीचं लग्न झालं होतं. पण आता आमचा घटस्फोट झालाय. तो एक खूप चांगला मुलगा आहे. म्हणजे त्याचं मन मी आजपर्यंत अनुभवलेल्या माणसांमधलं सगळ्यात सुंदर मन आहे. त्याच्यासाठी माझ्या मनात कायमच एक खास जागा असेल. पण मला असं वाटतं की जर का एखादी गोष्ट आपल्याला जमत नसेल तर एकमेकांना ओरबाडून जगण्यात काहीच अर्थ नाहीये. त्याचा काहीच उपयोग होत नाही. प्रत्येक मनुष्याला त्याच्या आयुष्यात आनंदी राहण्याचा अधिकार आहे.'​​

घटस्फोटाच्या कागदांवर सही केल्यावर ते दोघेही जेवायला गेले होते.

त्यांच्या या सेलिब्रेशनमध्ये त्यांची मित्र देखील सहभागी झाली होती.