ट्रेंडिंग:

Henley Passport Index: सिंगापूरचा पासपोर्ट जगातील सर्वात शक्तिशाली, जाणून घ्या भारताची रँकिंग

हेन्ले पासपोर्ट इंडेक्सने अलीकडेच जगातील सर्वाधिक प्रवासासाठी अनुकूल पासपोर्टची यादी जाहीर केली आहे. या यादीत सिंगापूरचा पासपोर्ट सर्वात शक्तिशाली म्हणून वर्णन करण्यात आले आहे. म्हणजेच सिंगापूर पासपोर्टधारकांना १९२ देशांमध्ये व्हिसामुक्त प्रवास करण्याची परवानगी आहे. याआधी सलग पाच वर्षे जपानचा पासपोर्ट सर्वात शक्तिशाली होता.

Authored by: Vivek Bhor

Updated Aug 17, 2023 | 01:22 PM IST

passports

नुकत्याच जाहीर झालेल्या हेन्ले पासपोर्ट निर्देशांकात सिंगापूरने जपानला मागे टाकून पहिले स्थान पटकावले आहे. निर्देशांकाने सिंगापूरचा पासपोर्ट सर्वात शक्तिशाली असल्याचे वर्णन केले आहे. त्याचवेळी, गेल्या सलग पाच वर्षांपासून पहिल्या स्थानावर असलेल्या जपानच्या पासपोर्टचे तिसरे सर्वात शक्तिशाली पासपोर्ट म्हणून वर्णन करण्यात आले आहे.

जर्मनी, इटली आणि स्पेनचा पासपोर्ट जगातील दुसरा सर्वात शक्तिशाली पासपोर्ट आहे. या देशांच्या पासपोर्टधारकांना 190 देशांमध्ये व्हिसामुक्त प्रवास करण्याची परवानगी आहे.

हेन्ली पासपोर्ट इंडेक्सनुसार, सिंगापूर पासपोर्ट धारकांना 227 पैकी 192 देशांमध्ये व्हिसा-मुक्त प्रवास करण्याची परवानगी आहे. जपानी पासपोर्ट धारकांना 189 देशांमध्ये व्हिसामुक्त प्रवास करण्याची परवानगी आहे. ऑस्ट्रेलिया, फिनलंड, फ्रान्स, लक्झेंबर्ग, दक्षिण कोरिया आणि स्वीडनसह जपान तिसऱ्या क्रमांकावर आहे.

बातमीची भावकी

Godrej इंडस्ट्रीजचे स्वातंत्र्यदिनानिमित्त #AsYouWishIndia कॅम्पेन

Nawab Malik Bail : मोठी बातमी! या अटीशर्थींसह नबाव मलिक दीड वर्षानंतर तुरुंगाबाहेर, रुग्णालयाबाहेर समर्थकांचा जल्लोष

त्याचबरोबर अफगाणिस्तान आणि इराक या देशांचे सर्वात कमकुवत पासपोर्ट म्हणून वर्णन करण्यात आले आहे. अफगाणिस्तान पासपोर्ट धारकांना 27 देशांमध्ये व्हिसा मुक्त प्रवास करण्याची परवानगी आहे तर इराकी पासपोर्ट धारकांना 29 देशांमध्ये व्हिसा मुक्त प्रवास करण्याची परवानगी आहे.

भारताच्या क्रमवारीत सुधारणा

त्याचबरोबर 103 देशांच्या यादीत भारताचा पासपोर्ट 80 व्या क्रमांकावर आहे. मात्र, यंदा भारताच्या मानांकनात पाच स्थानांनी सुधारणा झाली आहे. हेन्ले पासपोर्ट इंडेक्सच्या ताज्या क्रमवारीत भारत, टोगो आणि सेनेगल हे देश 80 व्या स्थानावर आहेत. निर्देशांकानुसार, भारत, टोगो आणि सेनेगलच्या पासपोर्ट धारकांना 57 देशांमध्ये व्हिसा-मुक्त प्रवासाची परवानगी आहे.

इंडेक्समध्ये भारताचा शेजारी देश पाकिस्तानचा पासपोर्टही श्रीलंका, नेपाळ आणि बांगलादेशच्या पासपोर्टपेक्षा कमकुवत असल्याचे नमूद करण्यात आले आहे. 103 देशांच्या यादीत पाकिस्तानचा पासपोर्ट 100 व्या क्रमांकावर आहे. सीरिया, इराक आणि अफगाणिस्तानच्या पासपोर्टपेक्षा पाकिस्तानचा पासपोर्ट अधिक मजबूत आहे. पाकिस्तानच्या पासपोर्टधारकांना केवळ 33 देशांमध्ये व्हिसामुक्त प्रवास करण्याची परवानगी आहे.

त्याच वेळी, श्रीलंका, बांगलादेश आणि नेपाळचे पासपोर्ट अनुक्रमे 95व्या, 96व्या आणि 98व्या स्थानावर आहेत. श्रीलंकेच्या पासपोर्ट धारकांना 41 देशांमध्ये व्हिसा-मुक्त प्रवास करण्याची परवानगी आहे तर नेपाळी पासपोर्ट धारकांना 38 देशांमध्ये व्हिसा-मुक्त प्रवास करण्याची परवानगी आहे.

जगातील दहा सर्वात शक्तिशाली पासपोर्ट । किती देश व्हिसा-मुक्त प्रवेशास देतात परवानगी

1. सिंगापूर	192
2. जर्मनी, इटली, स्पेन	190
3. ऑस्ट्रिया, फिनलँड, फ्रान्स, जपान, दक्षिण कोरिया, लक्जमबर्ग, स्वीडन	189
4. डेन्मार्क, आयरलँड, नेदरलँड, ब्रिटन	188
5. बेल्जियम, झेक रिपब्लिक, माल्टा, न्यूझीलँड, नॉर्वे, पोर्तुगाल, स्वित्झरलँड	187
6. ऑस्ट्रेलिया, हंगेरी, पोलंड	186
7. कॅनडा, ग्रीस	185
8. लिथुआनिया, अमेरिका	184
9. लातविया, स्लोवाकिया, स्लोवेनिया	183
10. एस्टोनिया, आइसलँड	182

अमेरिकेच्या मानांकनातही यंदा झालीये घसरण

हेन्ली पासपोर्ट इंडेक्सनुसार, जगातील सर्वात शक्तिशाली देश अमेरिकेचा पासपोर्ट सतत कमकुवत होत आहे. एक दशकापूर्वीपर्यंत अमेरिकेचा पासपोर्ट हा जगातील सर्वात शक्तिशाली पासपोर्ट होता. या वर्षीही त्याच्या क्रमवारीत दोन स्थानांची घसरण नोंदवण्यात आली आहे. अमेरिकेचा पासपोर्ट ताज्या क्रमवारीत आठव्या क्रमांकावर आहे.

त्याचबरोबर ब्रिटनच्या पासपोर्टने दोन स्थानांची झेप घेतली आहे. निर्देशांकानुसार, ब्रिटनचा पासपोर्ट जगातील चौथा सर्वात मजबूत पासपोर्ट आहे.

हेन्ली पासपोर्ट इंडेक्स 20 वर्षांपूर्वी हेन्ली अँड पार्टनर्सचे अध्यक्ष डॉ. ख्रिश्चन एच. केलिन यांनी सुरू केला होता. हा निर्देशांक इंटरनॅशनल एअर ट्रान्सपोर्ट असोसिएशन (IATA) द्वारे प्रदान केलेल्या डेटाच्या विश्लेषणावर आधारित आहे.

जगातील सर्वात पाच कमकुवत पासपोर्ट । किती देश व्हिसा-मुक्त प्रवेशास देतात परवानगी

103. अफगाणिस्तान	27
102. इराक	29
101.सिरिया	30
100. पाकिस्तान	33
99. यमन, सोमालिया	35

ताज्या बातम्या

Matheran News: किल्ल्यावर ट्रेकिंगसाठी गेलेली महिला 700 फूट दरीत कोसळली, पोलिसांनी सुखरूप बाहेर काढलं

Mahaparinirvan Diwas Special Train : महापरिनिर्वाण दिनासाठी 5 डिसेंबरला मुंबईसाठी विशेष ट्रेन अनारक्षित, 7 डिसेंबरला परतणार

शहर किंवा गावाच्या नावापुढे 'पूर' का लिहिले जाते? जाणून घ्या रंजक कारण

Mahaparinirvan Din Motivational Quotes in Marathi: डॉ. बाबासाहेब आंबेडकर यांच्या या 10 प्रेरणादायी विचारांनी जीवनात होईल क्रांती

Mahaparinirvan Din Motivational Quotes in Marathi 10

Crime News : 4 दिवसांपूर्वी बेपत्ता झालेल्या मुलीचा मृतदेह बाजूच्या खोलीत सापडला, हत्येचा संशय

Nashik City Link Bus : सिटी लिंक बस सेवा फसवी, शंभर टक्के सेवा देण्याचा दावा फोल

Maharashtra Politics: एकनाथ खडसेंच्या कार्यकाळात 6.60 कोटींचे नुकसान - मंगेश चव्हाण

Mahaparinirvan Din 2023 : डॉ. बाबासाहेब आंबेडकर महापरिनिर्वाण दिनी मराठी संदेश, Whatsapp Messages द्वारे महापुरुषाला करा विनम्र अभिवादन

Mahaparinirvan Din 2023 Whatsapp Messages

बातमी समाप्त

व्हिडिओ